موضوع مهم. مصيري بيدكم يا اعضاء مبتعث والوقت جالس يقتلني

أنا توي جاي من الانترونشنال اوفيس مرة ثانية وكلمت نائب مدير الانترونشنال وقالي " راح اكلمك بعيدا عن الشغل والعمل راح اكلمك كانسان. قالي: لا تدفع لهم ولا شي لانك مو مستفيد شي انت راح تخرج ونافي داعي انك تدفع ، قال هم يحاولون يضغطون عليك

ولكن ما يقدروا يسووا اي شي يضرك ، فال برضه: اهم شي انك تسافر السعودية بدري حتى لو يحاسبك القانون على جلوسك هتا لا سيما انك جالس بدون دراسة ـ قال روح جيب قبول جديد وطلع فيزا عليه وما راح يضرك اي شي وفيه كثير من لطلاب الدوليين تصيير لهم نفس القصة ..
فما عندي علم هل اثق في كلامه ام لا؟

اولا : اعتقد انك اتعرضت للنصب من المعهد
ثانيا: المفروض ان عندك علم ان الملحقية تسدد فقط المصاريف الدراسية من غير الاكل و السكن
ثالثا: اذا ما سددت وسافرت راح يبلغوا عنك الايمقراشين ويحطوك في البلاك ليست ..............يعني مستحيل تدخل امريكا بعد كذا
رابعا: اعتقد نائب المدير يحاول يتخلص منك باي طريقه
اخيرا : حاول انك تسدد او اتفق معاهم انك رايح السعودية تدبر فلوس وترجع تسددهم حتى لا يبلغوا عنك
اتمنى لك التوفيق والنجاح

خبر عجيب وغريب - ما فكرت تكتب الموضوع الا يوم الجمعه

شي غريب ليش انتظروا 8 شهوور عشان يقولون لك تدفع الحين وعلماً انه كل ما يمر شهر وتتاخر في التسديد يكون في غرامة ؟؟

ممكن اول ما جيت يا خي انك ما فهمت عليهم صح انه لازم انت تدفع الفلووس {{ يا اخي ما في شيء في العالم بالمجان - كل واحد يبي نصيب }}

المهم خذيت الايصال او الفاتورة اللي يقولك انك لازم تدفع هذا المبلغ - افضل شي انك ترسل صورة من الايصال على الادفيزور بالايميل وبالرساله البريدية

مشاركة رقم 3: "(طبعا احنا اول دفعة للجامعة) " مين تقصد "احنا" في احد معاك في نفس المصيبه ؟؟؟

زي ما قال "رصيف الشمس" : اسمك سوف يكون في النظام اذا ما دفعت المبلغ . اغلبيه الاحتمال انه ما بيصدونك وانت طالع البلد . ولكن اذا رحت

السفارة انا خوفي فيك يمكن يكون عندهم كـــــــــلام ثــــــاني.

السؤال هنا اللي يسدح نفسه

ما دفعت حق اكل ولا سكن ولا دراسة طول 8 اشهر صح ؟

طيب وين المكافأة حقت الثمانية اشهر هذي ؟

على العموم ـ انا شفت التعليقات وبعضها غريبة ومو راضية نفهم الوضع ...
انا داري انه لازم ادفع مصاريف الاكل والسكن قبل لاجي امريكا ولكن ذنبي اذا قالو مو لازم تدفع لان الملحقبة راح تدفع..
بالنسبة للي يقول وين الفلوس حقت ال 8 شهور ، انا احول شهريا لاهلي 1200 دولار لان اهلي مديونيين بفلة وسيارة.. وايضا ادفع مصاريف للملايس واوقات كثيرة اكل برا وفاتورة جوال وايضا اثاث زي التلفزبون والبلايستشن واشياء كثيرة انا معاي بالبنك 3000دولار ..
بالنسبة لمسئلة القانون ، انا خويي كان يدرس بشيكاغو وطلع من المعهد ولا سدد المبلغ كان عيه 1500دولار ومن ثم رجع الى السعودية وعاد بعد شهرين الى معهد اخر(اللي هو معهدي) ولا غير الفيزا ولا عاقبوه والى الان مو مسدد لهم .. وبالنسبة للي يقول يجب ان امثل وطني خير تمثيل : حسستني اني مسوي جريمة ياخي ، انا ولله الحمد ممثل وطني خير تميل ولا عمري شربت او زنيت او تمشكلت مع اي واحد ولله الحمد علاقتي بالناس ممتازة . ولكن طريقتهم ليست عادلة بانهم يخبرونا منتصف السمستر لا سيما انهم ياخذون من الحكومة 14000دولا للسمستر الواحد.. اما من يقول ان المعهد ماله علاقة بالسكن والاكل اقوله في التقرير النهائي (اللي راح يرسلوه للملحقية ) من المعهد كتبو في ااني لازم ادفع فلوس السكن مع الاكل مع العلم انه المعهد المفروض المعهد ماله دخل !!
عموما انا راح أأجل سفرتي وراح اتواصل مع محاامي وايضا راح اسافر للملحقية وراح اشرح لهم الوضع.. وان الله تتسهل ولكن سؤالين قانونية ودي اسئلة: (رجاءا الي مو عارف ل يجاوب)
1-كم المدة المسموحة لي للبفاء في امريكا (لاني بدون معهد حاليا )؟
2-هل اذا احضرت قبول وقدمت على فيزا جديدة راح يكون وضع قانوي؟ يعني هل راح يوافقون ع الفيزا؟

 المشاركة الأصلية كتبت بواسطة hmooode

1-كم المدة المسموحة لي للبفاء في امريكا (لاني بدون معهد حاليا )؟
2-هل اذا احضرت قبول وقدمت على فيزا جديدة راح يكون وضع قانوي؟ يعني هل راح يوافقون ع الفيزا؟

1 - اذا انهيت البرنامج معك 60 يوم للانتقال الى جامعة او معهد اخر واذا تم الغاء الاي 20 معك 14 يوم للمغادرة
2 - انت حتى الان وضعك قانوني ولم تخالف اي قانون للهجرة اما مسألة قبول الفيزا ام لا فهذا انت وحظك

الله يعطيك العافية اخوي طمنتني طيب سؤال اخير: هل توجد طريقة ثانية حتى اضمن الجراسة بامريكا بدون التقديم للفيزا الجديدة؟
يعني هل فيه حل اسهل من هذا الحل؟

المشكلة مو في الفيزا ومااظن راح تحتاج الى فيزا اذا راح ترجع لامريكا خلال 5 اشهر بس المشكلة انك ماراح تدخل بدون اي 20 جدبد وحسب كلامك مدير المعهد رفض ينقلك بسبب ديونك

بس في شي مافهمته هل برنامج اللغة سيميسترين ؟ وانتهى ؟ ام تم فصلك بسبب الديون وانك مانجحت ؟


والخيار الاخر هو انك تقدم على فيزا جديدة واي 20 جديد من معهد اخر ولكن الحصول على الفيزا غير مضمون وخاصة انه عليك ديون من المعهد

فنصيحتي كما ذكرت سابقا واذا رادت ان تكمل دراستك في امريكا ان تدفع الديون الي عليك قبل ماتروح وماترجع الا باي 20 جديد من معهد اخر

بما انه فيه نصب من المعهد .. انا نصحيتي لك يالخوي تروح الملحقية وتدخل على مدير الاقليم وتعلمه بالسالفه وتجيب اي اوراق ثبوتيه معك .. انا كنت بالملحقية من كم يوم وكنت جالس عند مدير الاقليم ودخل طالب وقال مشكلته هو متعرض من نصب من معهد وهو على حسابه الخاص بعد لكن المدير الاقليمي فزع له وتنرفز من حركة المعهد وقال للطالب جيب لي رقم مدير المعهد انا اوريك فيهم عاد الطالب نزل راح يجيب جواله وبعدين انا مشيت

أخوي دامك تعرضت لنصب أنت ومجموعة من الطلبة ..روح أنت وزملائك أشتكوا للملحقية

علمهم الي صار معك وشوف المستشار القانوني هناك وش يقولك

بالتوفيق