بخصوص المشرفة تارة سعد الدين

لا يكثر !!!!!!!!!!!!!

لاتلومهه ياغالي هذه احدى الامثله الحيه لمن قلت فيه مطبلين!

ارفعو شكوى للعيسى كل واحد يرفع له ايميل مع اثباتات لتعجرفها

انا هذي لو تصير مشرفتي احتمال اقص تذكره للملحقيه وادبجها لين تعرف ان الله حق وارجع

ماعندي قدرة تحمل نهائيا

وانا اقرا كلامكم تنرفزت

الله يعطيكم العافية علي ردودكم

هفو حياتي وربي العبسي مايرد ولا داري عن شي حتي لما ترسلوا ولا يرد ولا يعبر خليها علي الله

وعلي قولتهم تارة تلعب فيهم لعب ولا احد يقدر عليها

الله المستعان

نقول كلمة حق .. وهي وجهة نظر شخصية بحته !!



طبعاً ماهم سواء .. فيهم الي قايم بواجبه (وأكثر) وفيهم الي للاسف ماهو قد الامانه

في كل دولة وفي كل قطاع وفي كل مكان نشوف هذا وذاك


ولكن ...

بقليل من الواقعية نقول .. المشرف الدراسي عنده كم الف طالب !!

هوا مسؤل عنهم لاشك ولكن مو من المعقول والمنطق ان كل طالب يرسل الف ايميل عشان طلب معين ((وخصوصاً ان اغلبها خدمات الكترونية)) بتقدم الطلب وبيرد عليه المشرف

ليش ايميل تعقيب وايميل تذكير ..

البعض عنده نظرية ازززززعجه الين يرد عليك !! استلمه اتصلات وايميلات واذا حصلك روحله لحد البيت دق عليه الباب

ولاننسى التعامل مع الجمهور امر في غاية الصعوبة .. للاسف البعض يعامل المشرف الدراسي كانه جاي يشتغل عشانه (نعم حطوه عشان يخدمك .. بس مو يصير خادم عندك)

يعني زي واحد من الشباب صارله موقف مشابه واتصل على المشرف هزئه وبقوة !! انت مصري انت حاطينك هنا عشاننا سوي شغلك ولا انقلع بلدك ..... والله عيب

والبعض او القلة الله يهديهم يجيب للمشرف المرض بكثرة الاستفسارات ... مع انه لو كلف نفسه وقري او بحث حيحصل الاجابة الشافية

المشرف يقوله 1+1=2 يرد عليه طيب لو حصلتها 3 عادي !! طيب لو الـ1 الاول تقدم على الثاني ايش اسوي !!

المفترض والمتوقع ياعزيزي المبتعث انك زبدة الزبدة .. من افضل واذكى شباب وبنات البلد ولذلك تم ابتعاثك ((وجامعي كمان))




والتقصير من بعض مشرفي الملحقية ماننكر انه موجود والي يتكرر تقصيره ويتضح تعمده من حق الجميع ان يشتكي عليه .. مافيها شي



اسف على الاطاله .... واكرر رأي شخصي

والله يااختي هذا من ابسط حقوقكم...وهذا مستقبلكم لا تسمحوا لي اي احد ان يهدمه يوجد من يحل محلها من ابناء البلد يعمل عملها

ولكم لزم تنظموا اصواتكم لو تكوني انت من يقود هذا الشكوه بتنظيم راح يطيرونها في اقرب طيارة

بالتوفيق

للاسف للحين في ناس تجامل وتعطي اعذار للملحقيه وزمرة العيسى!!

وبدل لا يواجه الواقع ويعطي حلول يجلس يعطي اعذار الى متى الاعذار يا شطار؟!
الامور تتفاقم عندكم علم انه صاحبي تاخروا عليه بالضمان المالي بدون سبب واهمال المشرفه وإجبر انه يدفع التويشن كامل حق السمستر الجامعة!؟

امر اخرى احد الطلبه من معارفي ذهب بنفسه الى واشنطن واجه المشرفه الخاصه فينا! وانصدم عمرها 25 وهذه ليست المشكله المشكله الاعظم انها تدرس بالجامعة وتشتغل بالملحقيه
نظام نص دوام او شي من هذه القبيل! طيب هذه عدل يعني! لمن تقولون انهم بشر ومادري وشو ليه الملحقيه تشغل ناس ماهم فاضين! ولا شاغلين بالكم العربيات !؟
واذا النظام كذا تشغلون ناس جالسه تدرس طيب لدينا سعوديين وسعوديات اكفاء شغلوهم بالملحقيه وخليهم يدرسون نفس نظام الفلسطينيه اللي تدرس وتشتغل عندكم!

امر اخير العيسى وزمرته مارح تتعدل الا بحلين اثنين

1 - اذا اراد يبرئ نفسه العيسى لابد يذهب للوزارة ويقولهم الى هنا وخلاص اما انكم توقفون الابتعاث عن امريكا لاننا مانقدر نستوعب العدد ولا عندنا موظفين
2- او يفتح ملحقيتين وحده في كالفورنيا والاخرى في فلوريدا وبكذا يخف الضغط وتكون هناك 3 ملحقيات في امريكا

اما الوضع هذه سيئ جدا.. وللاسف هناك مطبلين تجدهم زي الخفافيش ومشاركاتهم قليله فقط تجدهم في المواضيع التي تمجد الفاجر العيسى

عبدالعزيز

الله يعزك بدينه ويرفع شأنك ... قول امين

بنظرك .. الاشخاص الي سميتهم مطبلين ايش يستفيدو من ((التتطبيل)) !!!!

في رأيي الشخصي .. عجبني طرحك لحل من الحلول الي يمكن تساعد ( فتح ملحقيات ثانية)


هذا من جانب الملحقية


ولو فتحو ملحقية ثانية وثالثة ورابعه ... وجود المقصرين من ممثليها يبقي المشكله على ماهي عليه !!

فكرة توظيف خريجي الابتعاث قد تكون الحل الامثل



لكن نرجع لك انت ياعزيزي المبتعث !!

بامانه انت ماتشوف ان بعض (بعض) المبتعثين هوا الي بيزيد في الازمه بجهلهه وبحاجته الدائمة لمن يوجهه كانه طالب ابتدائية او متوسطه يجهل كل شي ولازم يسال بدون مايكلف نفسه بالبحث عن اجابه

اتفرج على نص المواضيع المطروحه في المنتدى وانت تعرف قصدي ... لا واكثر من نصها عبارة عن استفسارات باااالية ومتكررة ومتكررة تعب الاخوان والاخوات من الاجابه عليها والمشرفين من تثبيتها

ومع ذلك والى بكرة بتلقي نفس الاسئلة تتكرر !!!







انا وانت كمبتعثين علينا مسؤلية !! زي مو المشرف عليه مسؤلية ولازم نتساعد مع بعض

يا أخ زوورووو

الموضوع كله نسبة وتناااسب

يوم ان عدد الطلاب المبتعثين بالمليون ليه يحطون مشرفين ينعدون على الآصابع ؟؟؟؟؟؟؟؟؟؟؟؟؟؟

الدوله تقدر توظف مشرفين بضعف عدد الطلاب واكثرررر بعد

بدل ما يكون كل مشرف مسؤول عن الف طالب يصير كل مشرف مسؤول عن ١٠٠ او ٥٠

الدوله مقتدره وكل شي له حل

والحل اكيد مب اننا نسكت ونرضى بالذل لا ابداً

اخ ZooRoo

انا لم اعنيك ابدا ولا اعنيك بردي وحديثي عن المطبلين هم نعم موجودين وتجدهم بكل موضوع فيه العيسى وتجد مشاركاتهم حتى ماتعدت الـ 20
وانت لم تقل الا رائيك حتى وان ترى انه صح هذي وجهة نظرك واحترمها حتى وان كنت معارض لبعضها.

اما بحديثك ياعزيزي انت تناقض نفسك كثير بالاول تقول عدد الطلبه كثير والموظف شوف كم طالب يقوم بخدمته! ولمن وضعت حل المناسب ولا اعتقد هناك حل غيره
الا اذا كان موجود عندك حل افضل اسعفنا به.. نحن نعلم بان الانسان يخطى وليس هناك من لايخطى ولكن لو كان هناك اكثر من فرع للملحقيه راح يخف الضغط ويبين كل شي
هل المشكله من الطلبه ولا من الموظفين وقلتهم او تسيبهم ,واللي راح الملحقيه وشاف الحقائق يعرف كل شي في اشياء شفتها امام عيني واسطات وقلة حيا ولاذكرتها هنا و من شاف كذب العيسى وتملقه امام الاعلام
يعرف انه شخص كذاب ولا اللوم الموظفين في نقطه وحده لان اذا كان رئيسهم بهذه الكذب والحقاره فماذا تريد! يقول باحدى اللقائات لا احد يعطى هولد الا الطلبه اللي ما ارسلوا كشف الدرجات بالجامعة! طيب ممتاز
انا اخذت هولد بسبب انهم ضيعوا ملفي ولا فكروا حتى يساعدوني او يحسون بمعاناتي 3 اشهر وانا جالس وراهم وفوق هذه ماحلوا مشكلتي انا اللي حليتها بنفسي بعد خليت اهلي يبحثون بغرفتي بالسعوديه عن اي شي قديم
هل يعقل ملحقيه مسؤوله عن طالب ماعندها باك اب والاصعب وزارة تعليم بكبرها نفس الشي لمن طلبلوا منها ذكروا انهم كذلك ضايع الملف! زياده على ذلك انا اهلي ماعندهم استطاعه انهم يدعموني ومريضين واللي فيهم مكفيهم
من يعطيني فلوس اذا ملحقيتي ماوقفت معهم!؟

اما موضوع بعض الطلبه يبحثون عن بعض الاسئله او شي من هذه القبيل حتى وان كانت بنظرك تافهه او انت تعرفها فهذه مايمنع انه مو الكل يعرفها او يجهلها او قد كان يعرفها
ونساها. ولاتنسى ان التائه اعمى. ولا اعلم مادخل هذه السبب بالملحقيه لان مشكلننا بالملحقيه اما المنتدى هذه سيضل شامخ ومتميز وهرم على قمه المنتديات وبيضل يساعد الكل والشكر موصول لكل القائمين عليه.

اخيرا.. صدقني اللي يدا بالمويه مو نفس اللي يده بالنار لو انك انكويت من الملحقيه ماكان اعطيتهم اعذار واهيه واتمنى ان تضع لو بمشكله وحده مثل ماوقعت فيها يارب
ليس لشماته او اتمنى لك الشر لكن اريد تحس بالمعاناه والقهر لمن مايكون عندك بعد الله احد يساعدك الا الوالد والوالده

والوالد على قد حاله مايستطيع يدعمني وغير الامراض اللي هم فيها سكر وضغط ألخ .. تصور انهم عرفوا اني اخذ هولد لأشهر وحالتي النفسيه سيئه هل تتوقع انهم ينبسطون؟

هل تعلم يااستاذي انه اهلي لمن شافوا اني اخذت هولد قلت ابدبر نفسي واتسلف من هنا ولا هنا.. رفضوا وراح الوالد تسلف من الجيران!؟