استفسار فكـوني من الشـرطه > سيارتي مع صديقي وانا في السعوديه هل فيها اي مشكله قانونيه جنائيه

اعتقد اذا ماعنده لا رخصه امريكيه ولا سعوديه مشكله كبيره لو ساق السيارة وانصاد

انتبه بس ولا تعطيه السيارة حتى لو هو يعز عليك لا تصير عليك مشاكل لان مايحمل اي شي يثبت لو معه رخصه سعوديه هانت
بس مامعه انتبه ممكن بعد هو يتورط لو امسكوه بيقولون هو سارق سيارتك ويتمرمط احذر

مشكور وماقصرت بس اذكر فيه وحده سعوديه قبل فتره كتبت استفسار هنا بأنها كانت تسوق سيارت خويتها وخويتها بالسعووديه ووالاخ ياليت الجميع يفيدني وشكراً

شكلك على نياتك
اي احد تعطيه سيارتك ؟؟
لا تثق باحد والسيارة شي ثمين
الحين الاخ مايعطي اخوه سيارته انت تعطيها واحد ماتعرفه توه واصل وبامريكا ؟؟؟؟؟؟؟؟

أولاً أن صديقك يقود السيارة بدون رخصة أمريكية هذه مشكلة فما بالك إذا كان ما معه حتى رخصه سعودية فهذه جريمة في نظرها سيعاقب عليها عقاب قوي

ثانياً ليش تعطيه سيارتك الأن الأخو ما يعطيه أخوه سيارته يخافي يجيب له مشاكل أو أو أو فأترك المجاملة جانباً وخل نظامك أمريكي بما إنك في أمريكا يزعل منك الأن ولا تزعل منه أنت بعدين

وثالثاً وأخيراً الأمر راجع لك في الأول والأخير وماهذه إلا نصائح

اذا ماراح يسوقها والسيارة وافقة مافي اي مشكلة اما اذا ساقها ووقفوه والسيارة ماهي سيارته ماعنده رخصة هذه على طول سجن

اقول أبوك لاتعطيهياه هنا مافيه تكفى يابو فلان ولا ابكلم فلان ولا وش ترجع ولا فلان وشً يقرب لك ،،، انتبه

الوضع عادي بس ضروري خويك يطلع رخصة تجنبآ للمشاكل
واذا كان الرجال ثقه و خويك ويعز عليك عطه الموتر فداه

- - - مشاركة محدثة - - -

في امريكا عادي عندهم في حال انك سقت سيارة ماهي لك ولاا يقولون لك شي ولا يسئلونك لان عندهم في حال ان السيارة ما عيها بلاغ مالنا دخل فيها
الكلام هذا من واقع جربة

اخي الكريم .. لو افترضنا في اسوء الاحتمالات صديقك وقعت منه اي مخالفة بحكم اختلاف طريقة القيادة بين السعودية وامريكا . اول اجراء راح يصير راح تنسحب السيارة وتوضع بالحجز ولن يستطيع اخراج السيارة من الحجز الا بوجودك او بتوفيض رسمي من قبلك طبعا ً طبعاً مخالفة حجز السيارة 150 دولار لليوم الاول ومن ثم زياردة 50 دولار لكل يوم تأخير هذا خلاف المخالفة الي راح تكون على خويك .. هذا في حال كانت المخالفة بسيطة اما لو كانت لاسمح الله حادث او خلافه فهذا موال آخر .. بعدين هنا مافي الضابط الفلاني من جماعتنا او اعرف حد فالمرور بيتوسط ... بالعربي ابعد عن الشر وغنيله ولاتحط نفسك في اشكاليات انت في غنى عنها ...