7 في الايلتس أبغى إجابة واضحة و عن تجربة لو سمحتم

يا حبيبي

جبت 75 توفل فـ 3 شهور و ثلاثة اسابيع

و 75 توفل تعادل 6 او 6.5 فالايلتس

و هذا بدون ما اذاكر له. بس قراءة خفيفة عن اسلوبه

و ترا لسى ما اعتبر نفسي كويس باللغة. فلا تقول دكتور مدري برفسور لان مو كل الناس مثلك مدري مثل ولدك

و والله ما دخلت معهد فالسعودية ولا مدرسة اهليه

لكن من جد وجد و من زرع حصد >> يا قدمي

فلا تحطم الناس عالفاضي لانه اذا بغى يجيبها عن جد بيجيبها


+

هذا اللي يستخف باختبار التوفل و مدري وش يقول عنه

اقول جربه و اختبره و شف كيف صعوبته

صحيح اني عديته لكنه كان تجربة سيئة ما ابغى اعيدها -__-

قال ايلتس اصعب من توفل قال

طيب ياأخوان تكفون دام الطاري على اللغة
كم المدة المنطقية للحصول على 6 في الايلس

والسؤال الثاني

ماهي درجة الايلس المطلوبة لدخول الجامعة ( بكالوريوس ) أو ماهو مستوى اللغة المطلوب لدخول الجامعة بكالوريوس ؟ ( التقريبي ) في كل الجامعات

متوسط من 5 الى 5.5
وفيه جامعات تقبل 4.5 بس قليل ونادره والغالبيه رفعتها الحين .. والجامعات القوية تطلب 6 .
وفيه بعض الجامعات تدخلك معهد اللغة عندها وبمجرد انهيت اللفلات تدخل بدون شرط توفل/ايلتس وفيه من اقوى الجامعات ... وفيه ماستر وبكالوريوس

موّفق ،،

أنا مثلك شايل لأن الجامعة اللي بأدرس فيها لغة جامعة قوية في القانون تصنيفها 22 وأمنيتي أدرس فيها ، وطالبين 7 في الآيلتس ، وكثير من الجامعات تطلب في ماجستير القانون 7 في الآيلتس ، فأنا جيت هنا قبل أيام وتوها ما بدت دراستي وسألت كثير من المبتعثين عن إمكانية الحصول على 7 خلال سنة ! لأن لغتي ضعيفة تقريبا أقدر أقيمها بـ 2 من 10 ! وكل اللي سألتهم لهم خبرة هنا وأجمعوا على أن درجة 7 في الآيتس صعبة جدا حتى للي لغتهم قوية !
وأكيد تختلف القدرات ، فأنا مثلا لغتي سيئة يعني تمشي الحال وكل أموري من بداية الابتعاث أنا اللي قمت بها ويفهمون علي وأفهم عليهم بس أتعبهم اشوي ، ومع هذا قابلت شخص هنا له 5 أشهر يدرس لغة وكنا جالسين مع أمريكي وأنا أترجم له مع أنه دارس 5 أشهر !! وفي المقابل في شخص ما يعرف في الإنجليزي ولا شيء ودرس تقريبا 9 أشهر وجاب 6 في الآيلتس ولا أحد كان يتصور هذا منه ،، لكن مع كل هذا كلهم مجمعين على أن 7 صعب كثير ، حتى في بعضهم درس البكالوريوس هنا ولا قدر يجيب أكثر من 6 !

وعلى حسب ما أفهم كل درجة متقدمة أصعب من الدرجة السابقة لها بمراحل ، عشان كذا كثير من الطلاب يوصلون لـ 4 في الايلتس بسرعة لكن وصولهم لـ 6 يمكن يستغرق نفس الوقت اللي أخذوه في تعلم اللغة من البداية إلى وصولهم إلى أربعة ! وكل ما تقدمت الدرجات يتضاعف الجهد ، فاللي يوصلون ستة من يحتاجون بذل جهد أكثر من الجهد اللي بذلوه قبل ، بس بإذن الله نجيبها

يا خي مع احترامي لك انت مبالغ كبييييييير
اذا كنت صادق فأهنيك انك خلال اربع شهور جبت 75 توفل وبدون ما تذاكر بعد
ياخي أحترم عقولنا

بس ياخي لا تعمم انت ما شاء الله عليك ذكي ومجتهد .

بس نتكلم بشكل عام بشكل عام ركز ركز ركز بشكل عاااااااااااااااام

ولو الست شهور تكفي ( بشكل عام يعني باستثناء الأذكياء اللي مثلك )
كان حددت وزارة التعليم العالي دراسة اللغة بستة أشهر وبس

و 75 توفل ما تعادل 6.5 الله يهديك بل تعادل 6

بس يمكن عمرك الصغير هو اللي يخليك تتحمس
بالتوفيق في دراستك

كلامي من واقع اني (مختص) في اللغة الانجليزية لفترة ليست قصيرة
عشان ماحد يزايد على كلامي

أقسم بالله توني صاحي من النوم وأقلب في الموضوع وأشوف ردك إني فطست ضحك
الله يسعدك ياشيخ



وفعلا أنا أعرف أكثر من شخص في هذا الموضوع وممتازين جدا في دراستهم الجامعين أثناء البكالوريوس (بعضهم فوق 4.5 معدلهم التراكمي)
ولا قدروا يجيبون 6.5 في الآيلتس بعد سنة كاملة
وأنا أولهم
وبرضه ولا أعرف سعودي في المركز اللي اخترت فيه حصل على 6.5 خلال الفترة اللي كنا نختبر
وخصوصا اللي درسوا أقل سنة فأقل

مع العلم اننا كررنا التجربة أكثر من 3 مرات

هذا كلام انشائي
والله ما تهد جدار طين مو جبال
خلنا واقعيين يا إخوان
التشجيع حلو و مطلوب وكويس
بل اللي يقول واحد لغته صفر وبيجيب ٧ في الايلتس في ستة شهور
هذا جالس يغش الناس ما يشجعهم
وأكثر اللي يعطون إعجاب بمثل هالكلام
دفعتهم مشاعرهم وقلة خبرتهم وطموحهم العالي

( أكرر لا أنكر الحالات الفردية النادرة جدا ولا يقاس عليها )

اجل احترم عقولكم هاه. الله يهديك ان شاء الله و تتعلم تحسن الظن بالناس
مشكلة اذا الناس تكذبك اذا تكلمت. و المشكلة ان هالناس اعتبرهم اخواني الكبار !!
بس انا بجيب لك بالصور و هالمرة يا مشرفنا الفاضل لا تحذفها زي المرة اللي راحت عشان ابين انا على خطأ !!

تاريخ دخولي امريكا

http://oi46.tinypic.com/2057azk.jpg

تاريخ اختبار التوفل

http://oi48.tinypic.com/2daydya.jpg

درجتي التوفل

http://oi45.tinypic.com/2namdyc.jpg



و راجع ردي زين يا مستر تهكمي
انا قلت تعادل 6 او 6.5 ما قلت انها اكيد 6.5
فلا تتلاعب بكلام انا قلته من الاساس و تحاول تقلبه ضدي



و متخصص باللغة مو مهم. فيه ناس عندنا بالمعهد عندهم بكلريوس انغلش و ماستر مدري ايش
لكنهم دخلوا فـ لفلات متوسطة مع ان فيه ناس توهم متخرجين من الثنوي و دخلوا درجات ادفانسد
انا اشوف المحيط اللي حولي و احكم منه. و اشوف ان 6 شهور مع الجهد و المعهد الصح يكفي

و بالتوفيق لك و لجميع الاعضاء ان شاء الله

يسعدك ربي أولاً
ماجاوبت على السؤال الاول
5 الى 5.5 اوكم عدد الفلات اللي لازم أنهيها عشان أخش الجامعة ؟؟؟ وشكرااا كثيرا على الافادة

ياخي انا قلت انك ذكي ومجتهد وكلامنا بشكل عام
وشفيك تفهم بالمقلوب انت

بعدين مع انك عبقري جبت درجة تعادل 6 بعد أربع شهور
الرجال يسأل عن 7 تفهم وش يعني 7
وخلال ستة أشهر
واذا حاط ببالك أن مستوى 6 قريب من 7 ترى غلطان


لما تقول متخصص باللغة مو مهم يا صديقي
أنا مو مثل اللي قلت عنهم بكالوريوس انجلش ومستواهم متوسط
أنا متخرج من الأوائل وأشتغل مترجم من سبع سنوات يعني انت كنت في سادس ابتدائي

وانت ما عندك خبرة عشان تقدر تقول ( أشوف أن ستة شهور تكفي )
وش خبرتك انت عشان تشوف
خل هالكلام لإخوانك الكبار على قولتك

و أكرر لو كانت ستة شهور تكفي للغالبية من الطلاب
لما أقرت الوزارة بدراسة اللغة حتى ١٨ شهر

بعيدها لك لأن الظاهر فهمك بطيء
كلامنا بشكل عىم يعني لا يشمل الاذكياء اللي مثلك