حوار من متى وفكرة الابتعاث برآسك و وش الضروف اللي مريت بها ؟؟ تعالو نفضفض

رَبي يوفقك يَ رب
انا لما ابتعثت بكالوريس قبل الماستر كان في الـ2005
رحت عند عائلة وصَار بيننا ود ومحبه ، لدرجة أبوي وامي لما ينزلوا امريكا
يطلعوا ويتونسوا معاهم

في يوم طلعت انا والعائلة على مطعم نتعشى
ولقيت واحد عَربي وجلست اكلمه ، وش فيك وش محتاج
جلس يسب ويلعن بالعوائل ،
الصَدمه انه الاب في العائلة اللي ساكن فيها يسمع
فجالس يقولي وش فيه معصب وكذا
قلت له لا بس مضيع كتابه ويدور عليه ولا احد مساعده > طالع فيني الاب بنص عين وطلع فاهم يعني على الريحة
انه هذا مو عاجبته امريكا ولا العوائل ، طبعاً اشوه اني ما جبت العيد بالكلام ، ولا كانت تشوت وجت خيره


ولما ابتعثت في مرحلة المَاستر كان احلى مَوقف يوم اني كنت تعبان وطالع من امتحان
اخذت تكسي ، ونسيت اقوله وين ، والمحترم صار يمشي ويمشي ، ما صحيت الا بعد نص ساعه
الحبيب مشغل العداد ويفرفر فيني ، يومها دفعت العداد وانا اضحك


بالتوفيق لكل

هههههههههههههههههههههههههههههههههههههههههههههههههه هههههههههههههههههههههههههههههههههههه
سالفة التاكسي موتتني ضحك هههههههههههههههههههههه





يالله عسى الله يوفقك ..

بطرح سالفتي

في رمضان اللي رآح .. جآنا خوي ابوي اللي يدرس بأمريكا يفطر عندنا .. وبوقت الفطور جآ ابوي وقآله .. هذا ولدي عندك احاول فيه يطلع يدرس برا وهو معيي

مير وانا اطالع ابوي بنص عين .. من متى ماشاء الله فتحت معي الموضوع ولا كلمتني عنه ههههههههههه

ويجي خوي ابوي ومآقصر بالكلام .. هذا مستقبلك والشهادات الخارجية افضل من الشهادات اللي هنا وبدى يعطيني من هالكلام

بعد مآخلصنا مفطرين وشآيفين حلقة طآش رحت لأمي الله يحفظها وقلت لها السالفة

وكآنت مأيدة لكلامهم وجلست فوق السآعة تكلمني وتقولي اهم شي مستقبلك رح وجب الشهادة وأرفع روسنا وترا اذا مارحت انا بروح بدالك

ههههههههههههههههههههههههه والحين يوم مآبقى على سفرتي الا 11 يوم .. امي اكثر وحدة زعلانه وكل يوم تكلمني وتقنعني اغير رايي ووش فيها جآمعه الامام وجامعه الملك سعود


( الله يحفظ لي امي ولايحرمني منها )

مع التوكل على الله كل شي جايز

وعليكم السلام ورحمة الله وبركاتـــه

بخير الله يجعل أيامك وأيام الجميع بخيـر يــارب

لـي عودة بإذن الله

بس عندي ملاحظة جدا مهمة سواء في الابتعاث أو غير الابتعاث :

* أي أمر يخصكم اعملو الإجراءات الخاصة فيه بدون محد يدري !

ألين توصلون لآخر شوط وقتها أعطو خبر لأهم الناس " الأب والأم " ،

ولازم قبل مانبدأ الإجراءات نحط فبالنا أمر لا جدال أو اختلاف عليه :

" بنتوكل على الله وانسوي اللي نقدر عليه وادا مكتوب لنا الابتعاث راح نروح بإذن الله وادا مو مكتوب لنا الابتعاث ماراح نروح "

عن نفسي فيه قاعدة أطبقها من أيام الابتدائيـة :d ،

" أحط أسوء الاحتمالات اللي ممكن تواجهني ! على أساس لو واجهتني ما تكون صدمـة عليا "

يعني أيام 6 ابتدائي طلعت من اختبار العلوم وجــايب العيـد :d

فعشان أجهز نفسي للدرجة اللي راح تكون في الشهادة حطيت فبالي إني راح أجيب " مقبول @_@ " ،

طلعت الشهادة وأخدت " جيـد " والمعنويات وقتها كانت " نص ونص "

على عكس اختبار القدرات " الواحد يطلع وحاسس بإنو جاب الـ 90 "

ولما تطلع الدرجـة أكنو أحد خبطني كـف :d

" الحمدلله على كل حـال "


معليه خرجت عن محور الموضوع ^^!

الحال من بعضة ..

حتى انا امي قلبت علي هههههههههههههههههه


الله يحفئهم لنآ يا رب ,

- - - مشاركة محدثة - - -



الحمدلله على كل حال ..
الصبر و ما يدريك ما الصبر ..

يالله عسى ربي يوفقك و ترجعين بالشهادات اللي ترفع الراس يا حي يا قيوم ..

- - - مشاركة محدثة - - -



فعلا كلآمك و نصآيحك عين العقل ..

الله يكملك بعقلك يا الفقير ..
و يوفقك و يستر عليك يا رب ..

أنا سالفتي تحديدا تدور حول هـ النصيحة
قدمت على البرنامج بـ دعم اول وكبير من زوجي اللي طرح بـ نفسه الفكرة علي وما حرمني من انه
اكمل دراستي وطبعا وافقت من دون حتى ما استشير احد من اهلي
واول العيد انه ما عرفت عن تدقيق الاوراق الا بنفس اليوم ومركز التدقيق اللي اخترته كان جدا بعيد ويبغى له تكت سفر
وطيران وما عاد يمدي اني احجز واسافر لانه التدقيق في نفس اليوم المساء فـ رحت على مركز تدقيق ثاني قريب مني
وطبعا النتيجة اللي اتوقعتها هي الرفض لانه تخصصي ادبي بحت على الرغم انه باقي الشروط منطبقة علي
لما جاءت النتيجة بـ القبول ما قعد احد ما عرف بـ سالفة انه البنت بـ تروح تدرس بـ امريكا
اهلي فرحوا لي كثير بس تعالوا شوفوا المصايب اللي صارت بعد كذا
فيزة المرافق ما طلعت واتاخرت سنة كاملة ,, مقابلة الفيزا كانت جدا سيئة ,, الملتقى كان في منطقة ثانية بعييييييييييييييييدة جدا عن منطقتي
الاساسية علما بانه في ملتقى في نفس منطقتي بس ما سجلوني فيه
قروششة طويييييييييييييييييلة عريييييييييييييييييييييييييييضة لـ درجة انه يأست من اني باقي رح اطلع بعثة
و وحدة من صاحباتي الله يذكرها بـ الخير هي اللي ربي خلى الفرج على ايدينها
قالت لي ترى ناس كثير يتمنون البعثة ومنهم انا يا محاكيتك وانتي كل الناس عرفوا انه رح تطلعي تدرسي برى ما تدرين يمكن احد حسدك
او جاءت نفسه في طلعتك فـ انشري خبر انه بعثتك اتكنسلت
على بالي في الاول انها تستهبل !!!!!!!!!!
بس والله اني لما نشرت انه البعثة اتكنسلت ما عدى شهر الا وانا لامة شناطي وجاية على ديار العم سام !!!!!!!!!!!!!!!
ما احد عرف اني سافرت الا اهلي واهل زوجي بس
بعد ما طلعت عرفوا الناس اني سافرت وخلاص مشيت اموري



بس احس انه ايام التحضير والتوتر اللي جاني من ورى هـ البعثة احلى ايام بـ حياتي
وتجربة لا تتكرر



كل الشكر لك يا راعي الموضوع

للأمانة " سابقا " لو كل واحد فينا جلس مع الوالد أو الوالدة أو كبار السن ،

راح تسمعون منهم بإنو أي أمر فيــه " خير ونجاح وتوفيق ورزق " > بشـكل عـــام < بعد الله سبحانه وتعالى أولا وآخرا ،

فكان كل الأهل والأصحاب والأحباب يوقفون وقفة وحدة مع صاحب الأمر ،

ممكن إن البعض ينصحونو بإنو يبطل عن هذا الأمر كون الأمر هذا يحمل بعض السلبيات ،

لكن الأغلب يوافقون صاحب الأمر ويشدون من عزيمته للإكمال في أمره بسبب " الإيجابيات تغلب السلبيات " ،


للأسف الشديد في وقتنا الحالي " بشــكل عـــام والأغلب " ،

ما يرفضون الأمر أو ينصحون الواحد بالعدول عن هذا الأمر لأجل " خوفهم وحرصهم " !

بــل لغرض ولأجـل " الحسـد أو أسباب أخرى نجهلها ! " ،


يعني العجب ممن يرفض فكرة " الدراسة في الخارج " بل إن البعض يرفض أساسا بإكمال التعليم العالي بالداخــل !! " ماستر وفوق " !!

والأشد عجب لما يوافق الأب والأم ويجي الخال أو العم ويقلب الموازين ! والطامة الكبرى أبناءهم يدرسون في الخارج !

أيام الوالد الله يحفظه لما كان شغال في الدوام ، كانو أصحابه يسبون الدول الأجنبية والمجتمع الأجنبي والخلاعة الموجوة هناك ،

والمشكلة كل إجازة يسافرون مع أهاليهم ولما يرجعون يعبون راس الوالد بالسلبيات وتركو الإيجابيات ! " نفس أمر الإبتعاث ! "


طبعا كان الوالد الله يحفظه يرجع البيت ويحكينا عن اللي بيحصل وهو عارف أصلا طريقة تفكير زملاء العمـل " الغريبة ! "


للأمانه حاليا في وقتنا وخصوصا " للبنات " اللي بدون شهادة " لـــا شــيء " !!


لأنو في وقتنا الحالي للأسف كثير من النساء هم اللي شايلين البيت " رأسا على عقب " ولولا الله أولا وآخرا ثم وظيفتها ،

لكانت تعاني في جلباب الفقر والظلم ، وكثير من العوائل الفقيرة لو الناس عرفت عن حالهم لوجدت بإن المسؤول عن المنزل وعن التربية وعن الأكل والشرب هي " الأم / الأخت " ،


الهدف إذا كان موجود راح يتحقق بإذن الله حتى لو كانت أشد العقبات موجودة ،

وقبل كل شي " الأمر مقدر من الله عز وجل "


تجربة الملتقى والفيزا ومراسلة المعهد والحصول على قبـول حلوة بالفعــل ،

الله يوفق كل مبتعث ومبتعثة ويرجعهم سالمين غانمين ويفيدون المجتمعات الإسلامية بشكل عام ومجتمعنا بشكل خـاص يـــارب