مساعدة اسئلة عن كل شي يخص السفر على حسابي

هلا فيك أخوي

اول شئ تسوية تدور لك قبول
طبعا ما ادري انت محدد مدينة معينة او ولاية في بالك؟
اذا مافي بالك شئ للحين انصحك تقراء في النت وتبحث عن المدن المناسبة للدراسة
وتقراء كثير عن الدراسة في امريكا وبعدين اختر ثلاث ولايات تشوف انها مناسبة لك
بعد كذا سوا مقارنة عنها واسال الاعضاء في المنتدى عن ايجابيات وسلبيات كل ولاية

اما كذا صدقني بتتعب وبتحتار كل واحد بيقول لك مدينة ومعهد

بالنسبة للالتحاق بالبعثة توفيق من الله سبحانة وتعالى
احنا جينا في اكتوبر كانت الملحقية تقول انهاء لغة و٣٠ ساعه في الجامعه
وبعدين قالوا انهاء اللغه فقط وتنضم للبعثه وبعدها بكم شهر الحمدلله تيسرت وانضمينا
للعبثه واللحين صاروا يطلبوا ٤ شهور في المعهد وكشف درجات وقبول في تخصص غير موقوف
الانضمة كل يوم تتغير بس في امريكا دائماً يضموا الطلاب والحمدلله

المبلغ ما اقدر احدد لك مبلغ معين
يعتمد على المدينة اللي بتروح لها وسعر المعهد والسكن
والمدة اللي بتجلسها لين تنضم
فيه شباب انضموا في ٤ شهور وفيه شباب لهم ٨ شهور ما انضموا
واكيد كل واحد صرفيته تختلف عن الثاني


بالتوفيق ان شاء الله

دورت انا بالموقع كل واحد يقول مدينة
انا ابي واشنطن دي سي بس اخوي الكبير يقول غالية
لو بروح لفلوريدا كم يكلفني
وهل فيه مكتب بالقصيم يجيب لي قبول معهد وجامعه ويخلص اوراقي
والف شكرررا

فلوريدا مقفلة

واشنطن غالية ولايات الشرق عامة غالية

مثل ماقلت لك اصعب شئ قبل السفر هو اختيار الولاية والمدينة
وحسب ميزانيتك تقدر تحدد المدينة والولاية اللي بتروح لها
فيه مكاتب كثير يجيبون قبولات بس ياخذون مبالغة خيالية على شئ تافه
تقدر تسوية بنفسك او الاعضاء هنا بيساعدوك ويرسلوا لك القبول وتوفر
على نفسك مبلغ بيفيدك في الغربة

اخوي اول شي يسعد مساك
ولبه القصيم واهلها

بخصوص انك بتدرس على حسابك
التكاليف اول شي السكن تقريبا بالشهر 750 دولار > 2800 ريال ثلاث شهور 8400 ريال
اما بخصوص المعهد تقريباً يكلفك الثلاث شهور 3000 دولار > بين 11 و 14 الف ريال
وبخصوص مصروفك تحط ببالك > 2000 دولار لثلاث شهور > 7500 ريال >

يعني تقريباً يكلفك بين 25 و الـ27 الف ريال الثلاث شهور

تجيب
قبول ، وتسوي الفيزا > واول ما توصل تفتح ملف بالملحقية وتدرس ، وتشيك مع الملحقيه كل فتره
في ناس تنضم بشهرين وناس بـ 6 شهور > ما في وقت معين
وان خلصت اللغه بدري ، تقدر تلتحق على طَول

بخصوص المكاتب ما يحتاج تتعامل معها ، حنا نساعدك ونخدمك
المكاتب تاخذ منك 2500 و 3000 على لا فائده

اما بالنسبة للولايات تعتمد على تخصصك ، ومعدلك
في عنندك اوهاي ، في عندك كنتاكيت ، في عندك ايدو ، وفي عندك تنسي
، وفي عندك يوته ، في ولايات كثثير

الله يجزاكم الف خيرررر ماقصرتواا
طيب هل ٥٠ الف تكفيني وانا ابي اروح لاي ولايه عادي ابي مدينه مافيها سعوديين واجد وجامعتها معتمده من التعليم العالي
والحين كيف اجيب قبول وش اسوي

أخوي بخصوص الـ 50 الف تكفيك ، لانك اول شهر يمكن تتوه بس مع الايام بتعرف الاسعار وتقتصد لين ما تنضم
بخصوص الولايات ، عندك اوهايو و يوته وفي تنسي وموزري
ف يولايات كثيره رخيصه

اما بخصوص القبول حنا نساعدك فيه ، تقدر تتواصل معي بالخاص ، او عبر التويتر الموجود بالايميل

الله يوفقكم دنيا واخره والله انكم ماقصرتوا معي
طيب خاص ماقدرت اكلمك راح اكلمك بتويتر اخوي

شف حط ببالك ترا الالحاق مافيه مده معينه ناس تنضم بدري وناس تنضم بعد مايطفرون واحد اعرفه معرفه جيده ماضموه الا بعد تسع شهور وكان مقتصد تقريباً وصرف حوالي 120 الف ريال وولايته رخيصه
فلاتبني امل على شي ممكن مايصير
وحط فبالك بعد ترا مافيه ولايه مافيها سعوديين وين ماتروح بتلاقي سعوديين ولا تقولي مابي سعوديين علشان اتعلم بسرعه
حتى لو معك سعوديين تقدر تتعلم بسرعه انت لا ترتبط معهم بكل وقتك وان شالله بتمشي امورك
وقبل كل شي صف النيه ولا تسوي مثل كثير مايسوون طالعين وناسه وماتلقاهم الا بالبارات والمراقص "ماقلت اكثرهم بس كثيرين اللي كذا"
والا اذا حصلت حصلت واذا ماحصلت نرجع للديره
وخصوصاً ان لك اربع سنين متخرج من الثانوي يعني اغلب الفرص راحت عليك
والله يعينك ويوفقك ويستر عليك وترا المكاتب ماتجيب لك الا المعاهد الفاشله خل الشباب اللي بالمنتدى يساعدونك لو بيدي كان ساعدتك لكن المعهد اللي انا فيه مقفل من الملحقيه

الله يعافيك كلامك صدق الالتحاق توفيق من الله انت باأي مدينة وكيفها حلوه ولا لا