استفسار رخصه دوليه معتمده في امريكا

أنا معي رخصه دوليه
والله يا اخوي بأمريكا مايناظرون فيها .
عموما شف الرخصة هذي اللي تتكلم عنها وتلاقي فيها الدول اللي تقدر تستخدمها فيها . غالبا ماراح تلاقي امريكا

اشكرك علي الرد
والرخصه موجود فيها امريكا وكندا

يالحبيب خذ العلم انا اجرت سيارات قبل كذا واشتريت
الرخصة الدولية واللي عندي مكتوب فيها امريكا
هاذي طال عمرك ارميها في اقرب برميل ماحد يعترف فيها هناك
اللي يعترفو فيها الرخصة السعودية اللي مكتوب فيها عربي وانجليزي
او الرخصة الامريكية غير كذا لا تتعب نفسك وهاداا من واقع تجربتي

نعم تقدر تشتري سياره (كاش) وتحطها باسمك وتاخذ تأمين السياره برخصتك الدولية ..
ولكن الإختلاف سيكون بالمدة المسموحه لك لحمل هذه الرخصه ..
فبعض الوالايات "عادي" ماتنظر لهالموضوع بشكل جدي .. فتلاقيهم متساهلين بهالموضوع .. وعندهم اهم شي ان معك رخصه مفهومه ..
والبعض الاخر "متشدد" ويقولك مثلا لك مهلة سنه .. ولازم تطلع رخصه من ولايتك ...

فهي تعتمد على الولايه نفسها .. لكل ولايه تشددها وتساهلها بالامور ..

فأنت عادي طلع الرخصه الدولية ولما تطلع سياره بامريكا ... شوف انظمة ولايتك .. اسأل عنها وشوف ايش المسموح لك وايش اللي مو مسموح ..
بالتالي راح تعرف ايش اللي تسويه ...


هذا والله اعلم .,

الله يجزاك خير ويسهل امورك وامور المبتعثين
ما قصرت

خذ العلم وأنا أخوك الرخصة السعودية الجديدة معتمدة في أمريكا لكن لمده معينه وتختلف من ولاية لولاية لكن أنصحك لا تطلع دولية وما دولية والله ما يعترفون فيه ما يعترفون غير برخصتهم إذا كانت أمريكا في أغلب الأحوال لا تعتمد رخص القيادة الصادرة من غير ولايتها فما بالك بالرخصه السعودية فأنا أقول خلك من الرخصة الدولية جب معك رخصتك السعودية والرخصه ليست شرط أساسي لشراء السيارة فأهم شيء الجواز بعدها طلع لك رخصه أمريكيه لأن التأمين بينزل عليك يمكن يصل إلى النصف ومثل ما قلت لك أمريكا لا تعتمد إلا رخص القيادة الصادره منها فقط

اشكر الجميع علي الرد وما قصرتم

اخي مين قالك انو الرخصه مهي من شروط شراء السياره
تقدر تشتري سياره بالجواز وما تقدر تطلع عليها لوحات ولو سقت من غير رخصه تعتبر جريمه
الرخصه الدوليه معتمده في اغلب الولايات الامريكيه بالاضافه لرخصه السعوديه تكون مع بعض لمده سنه واحده عشان تقدر ترتب امورك وتشتري سياره بعد سنه لازم تكون معاك الرخصه الامريكيه

يوسف أنا أتكلمت عن واقع والكثير سواها تقدر تشتري سيارة بدون رخصة تشتري سيارة بالجواز فقط فقط فقط

هنا تكلم عن ملكية السيارة بالنسبة لقيادة السيارة إذا معك رخصة سعودية تساوي الرخصة الدولية

والأفضل إذا كنت بتقيم في أمريكا أنك تطلع رخصة أمريكية لكي تنخفض عليك قيمة التأمين وأيضاً الرخصة السعودية يمشونها لك فتره معينه بعدها تلزم بإستخراج رخصة أمريكية