سآعدني بآختيآر الولاية المناسبة :(

وعليكم السلام ورحمة الله وبركاته
شوف اخوي , رايي من خبره بسيطة
وانت ابحث بنفسك واسال الشباب هنا
اذا رايح للوسطى روح كلورادو دنفر ولا حولها , صحيح السعوديين زياده
بس المدينه جيده جدآ , اما عن الشرق فيه جامعات بالهبل
والافضل تحدد الولاية ثم تبحث عن الجامعة المفتوح فيها تخصصك من قبل الملحقية
اذا نويت تروح للغرب , روح كاليفورنيا بس تراها ايضآ فل سعوديين بس اشوف انها ولاية تستاهل
ولا روح سياتل في ولاية واشنطن ولا اوريغون بورتلاند

نصيحة اخيره , الخيارات امامك كثيرة , حدد الولاية وابحث والله يوفقك ان شاء الله

اذا افدتك في شئ يا ليت تدعي بالتوفيق والتيسير والستر
والله يوفقنا واياك والمسلمين

الله يوفقك ويرضى عليك ..
لكن الاماكن اللي ذكرتها انت كلها شبه مليآنه سعوديين ..
في البآية ابي اعرف افضل الولايات وين ؟
شرق-غرب-وسط ؟؟
وبعدها نحدد

الله يوفق الجميييييييييع

يا اخوي كل الولايات ملياااااااااااااااااااااااااانة سعوديين فل
الملحقية توها مقفلة حدود 80 جامعة حول امريكا لانها ما عادت تستوعب اعداد اكبر من السعوديين
اقليم الغرب و الشمال افضل من الشرق من ناحية رخص الاسعار فقط ( الكلام مو على وجه العموم )
استهدي بالله ولو ما تبغى تخالط سعوديين ما احد رح يجبرك الا تروح و تجي معاهم

يعني آغلب العرب يتمركزون في الشرق ..
طيب الولايات الغربية ؟؟

شوف اخوي يا لبا قلبك
اذا كان في الاسكا وهي الاسكا فيها سعوديين
كيف ما تبغى باقي الولايات تمتلي منا !؟
نصيحة اختر المكان المناسب لك ثم اختر الجامعة
لا تطالع مليانه سعوديين ولا لا
في كل مكااااان ما شاء الله علينا

بالتوفيق لنا ولك ولكل المسلمين

والله هالسؤال جداً صعب


انا اشوف لو انك تنزل الموضوع بطريقة ثانية بيكون أفضل
والكل بيشارك اكثر في الموضوع وخصوصا انهم بيصيرون بدون قيود

مثلاُ

لو تقول كل واحد يتكلم عن ولايتة وش السلبيات ووش الايجابيات

هنا كل واحد بيتكلم عن ولايته ويقول كل شئ في خاطرة
غير لما تقول انصحوني بولاية ...لان الكل هنا بيكون متحفظ
مثل انا خايف انصحك اقولك تعال هنا وفي الاخير ماتعجبك
او يطلع لك في الواقع شئ عكس اللي توقعته او انا ماعرفت اوصل المعلومات صح


شئ اخر انت قلت
قوة الجامعات وسهولة القبول
للاسف الجامعات القوية قبولهم مو بسيط وخصوصا في الماستر


عموماً
اختيار الولاية قبل القدوم لامريكا اصعب قرار بصراحة

بالتوفيق ان شاء الله اخوي

الله يجزآك آلف خير ..
من جد لي الآن اكثر من اسبوعين وانا افكر بالولاية المنآسبة ..

ياخوي الطلاب عملوا مثلك واختارو الولاية المناسبة .. وهي بالطبع نفس اختيارك على اغلب الاحوال .

فطبيعي انك راح تدور مدينة امنة رخيصة جوها حلو فيها معهد كويس وهي نفس تفضيلات زملائك المبتعثين .. فطبيعي جدًا ان المدن الزينة مليانة سعوديين .. والمدن الرديئة فيها سعوديين شويين يبون يبتعدون عن الاماكن المتركز فيها السعوديين بغض النظر عن اي مكان سيذهب له .. فبعضهم تلقاه في ايداهو او نبراسكا او اركانساس .. ومع ذلك بيجدون سعوديين ولكن ليس بكثافة المدن الكويسة او خلنا نقول المميزة ..

كلامك صحيح ..
لكن ايش الولاية اللي صدق تستآهل الواحد يروح لها بدون ما يفكر ويتعب