حول حساب مدة استحقاقي للتذكرة في حالة سفري المسبق على حسابي

بما ان محد جاوب خلني اتفلسف شوي
شوف اخوي , الله العالم لك تذكرة كل 9 شهور او سنه
اذا جى وقتها ولا حولها تقدر تطلبها منهم وان شاء الله يوافقو
انا والحمد لله استحقاق التذكرة في سمبتمر
وطلبتها على اغسطس واوفقو الحمد لله
وخاصة انها اول تذكرة لي منهم
انت قدم والله يوفقك ان شاء الله
ومنت خسران حاجه

اذا افدتك في شئ دعواتك لي بالتوفيق والتيسير والستر
والله يوفقنا واياك والمسلمين

شكرا لك أخوي العزيز .. الله يوفقك وييسر أمرك ويحققلك آمالك يا رب

لكن أنا أعرف مسبقا إن المدة 9 أشهر

بس سؤالي متى يبدون يحسبونها في حال سافرت على حسابي قبل

هل يحسبون مدة الإستحقاق من آخر سفرة لي (حتى لو كانت على حسابي الخاص)
أو
يحسبونها من آخر تذكرة أعطونياها على حسابهم (حتى وإن سافرت بعدها على حسابي الخاص)
؟؟؟؟؟؟

هنا سؤالي بارك الله فيكم

مرحلة اللغة ؟
تذكرة واحدة فقط على حساب الملحقية

اصلا لو طلعت على حسابك الملحقية ما تدري عنك .. ولا راح يطلبون نموذج i94 .. بالتالي راح يحسب استحقاق التذكرة من اخر سفره على حساب الملحقية

متأكد أخوي !!!!

غريبة كيف الملحقية ما تدري عني !!؟

الكلام اللي سمعته كان عكس كذا .. بس ما ني متأكد ولذلك سألتكم ... يا ليت تفيدوني وتأكدولي ويكون كلامك صحيح لأني ابرتاح وقتها .. والله يبشرك بالخير مقدما

تحياتي

انا توي جاي من السعودية على حسابي قبل اسبوع ولا احد درى عني ... الطريقة الوحيدة اللي يدرون عنك اذا اخذت تذاكر عن طريق الملحقية او انك سحبت على المعهد او الجامعة خلال فترة الدراسة ..

وش الكلام اللي سمعته ؟؟ وكيف تدري الملحقية انك مسافر ؟؟؟

الله ييسر لك امورك ويكتب لك كل خير

يازميل التخصص

سيم سيم

رحت مرتين على حسابي ولا أحد درى عني

أهم شي لا تكب العشا مع مشرفك وتقوله ! واتوقع حتى لو قلت له هو ماله دخل دامك انت اللي دافع التذاكر


بـالـتوفيق