شرح للشباب الي حايسين بالمطبخ

يعطيك العافيه .. وانا اول المتابعين

بس ياليت تكبرين الخط وتكون الخطوات مرتبه .. عشان نضبط الطبخه يعني خخخ

موضوع قمييييييل
الله يجزاك بالخير خيتووووه
مع ان مكانه الصحيح هو مطبخ مبتعث
الا ان الفائدة هنا اكبر لتواجد الاعضاء
و الله يستااهلون المبتعثين اللي يساعدهم على كل خير
ولو بكيفي سافرت لأمريكا و عملت حملة إفطار صائم من إعدادي وبأذن الله بيتحقق قريب
و شيخة الحريم في الخدمة بس مشكلتي ما اعرف انزل صور
و الله يتقبل من الجميع صيامهم و يعينهم على القيام
ودي و احترامي،،،

قسم بالله مأساة
ما أعرف اسوي حتى الاندومي ، وصار لي موقف مضحك مع أول محاولة طبخ بس ما راح أقوله لكم وبعدها حررمت أطبخ ههههههه
كرررهت المطاعم ، امس الليل رحت مطعم وانسدت نفسي وطلعت منه ورجعت نمت جوعان

الاندومي سلمك الله
١/ تضع ماء قي قدر لين يغلي و تحط الاندومي و البهارات( لكل حبة ان دومي كاس ماء)
٢/ تخليه يطبخ تقريبا ٤-٥ دقائق او اقل
يقدم ساخنا هههه
و أنصحك بعد ما تطفي النار عليه تضيف ملعقة زبادي يممممي لذيذ
و بالعافية

فاهيتا الدجاج يمممممي لذيذة+ سهلة++ تشبع

المقادير:
صدور دجاج مقطعة

بصل مقطع

طماطم مقطعة

فلفل رومي اخضر مقطع

جزر مبشور

ملح + بهارات

مايونيز

جبن سايل

خس للتزيين > ميب هينة فيها تزيين السالفة

الطريقة:
- تسلق الدجاج بموية لمدة عشر ددقائق و تخليه على جنب

- تجيب مقلاة او قدر صغير و تحط فيه 3 ملاعق كبيرة زيت لين يسخن

- تضيف البصل و تقلبه لين تشم ذيك الريحة اللي تدوووخ و يشقر لونه

- تضيف الدجاج و تقلبه عالبصل لين يأخذ النكهة

- تضيف ملعقة صيغة بهارات و ملح

- تضيف الطماطم و الفلفل و الجزر وتقلبا عال دجاج لين تذوب مع بعض

- تطفي على النار ج، و تضيف ملعقة كبيرة مايونيز+ ملعقة كبيرة جبن سايل وتقلبها عالخليط

- تجيب الصامولي و تحشييه بالخلطة و تزينها بالخس اذا حاب

- وبكذا تكون خلصت

- وجهز لك كوب عصير

- لحظة تعال!!! حط العصير و الفاهيتا في صينية تقديم و هات الجوال و هاتك يا تصوير < اهم شي هههههه و اكتب فاهيتا تايم هههههههههه


و بالعافية،،
و لا تنس تسمي، و بعد الأكل" الحمد لله الذي اطعمني هذا الطعام و رزق نيه من غير حول مني و لا قوة"

طيب انا جايبة طبخة سهله و سريعة ويمي يمي يمي

المقادير
1/ بصل
2/ ثوم
3/ زيت
4/ فلفل رومي مقطع جوانح / بالطول / جوليان >>> هذي الاسماء اللي اعرفها لـ هالتقطيع
5/ طماطم مقطعة بنفس الطريقة
6/ جزرة مبشورة
7/ بطاطا مبشورة
8/ كوسا مبشورة >>> استغني عنها لانه فيه حزب ما يحبها
9/ ربيان
10/ ماجي او ملح اذا مافيه ماجي
11/ بهارات حسب الرغبة ( فلفل اسود _ كمون _ كزبرة ) هذي اللي انا اعتمدها لـ هالاكلة
12/ صويا صوص >>> اختياري اللي ما يحبها بلاش منها



الطريقة /
نشوح البصل في الزيت لحد ما يذبل و نضيف عليه الثوم داااااااااايركت والماجي

نضيف بعدها بـ الترتيب الفلفل الرومي و الجزر لحد ما تذبل ونضيف عليها الربيان

نقلبها مع بعض شوي لحد ما نحس انه الربيان استوى او اتغير لونه او صار ينقطع معانا بطرف الملعقة >>> هذي الطرق اللي نعرف فيها استواء الربيان

بعد كذا نضيف الكوسا اذا حابينها و البطاطا ونقلبها شوي وبعدين نضيف الطماطم اخر شيء ونهدي النار تحتها علشان تتسبك شوي المكونات مع بعض

نضيف البهارات اخر شيء قبل التقديم مع الصويا صوص

ورشة ليمون والطعم ماااااااااااااااااااااااراااااااااااااااااااا لذيذ

عادة اقدمها مع الرز الابيض او تناكل لوحدها بـ الخبز

وصحتين وعافية على قلوبكم

بيض الله وجهك والله انكم ماقصرتوا..

<< انا عزابي واطبخ لنفسي داااايم لان ماقدر أكل من المطاعم معي المعده

ودايم اسوي المصقعه والبشاميل واضبطهم لكن مدري ليه ماحسه انها تصير طعمه من يدي!! هل في طريقة ثانيه احد يسويها

المسقعه بالصور من مطبخي ( حياكم الله )

~{مكرونهـ البشاميل [بالصور المتحركه]}~



و بالعافية على قلوبكم،،،

السلام عليكم ورحمة الله وبركاتة ---- يمال العافيه الله يوفقك ويفتحها في وجهك اشكرا

كلام كبير الله يعطيك العافية.. ويوفقك يارب

بصراحه مبسطه الطريقه .. مع اني تعبت وانا ابحث ماحصلت طرق كويسه

شاكرلك