عاجل جدا يا اخوان اخوكم يبي فزعتكم الله يرحم والديكم

July 26th, 2012, 12:12 AM

السلام عليكم ورحمه الله وبركاته

اخوكم يبي فزعتكم الله يجزاكم الجنه

اليوم واتا في الدوام صايم وظفشان خخخخخخخ كلمني واحد امريكي من جامعه mid town university في ولايه فلوريدا

المهم قعد يقوول مبرروك تم اختيارك من قاعد البيانات التي لدينا لاكمال درجتك العلميه اللي حاب تكملها بتخفيض منحه تصل الى 50% من رسوم الدراسه وال 50% الباقيه منحه !!

ويقوول الدراسه عن بعد وعندهم نعميد وان الدراسه معتمد بها في بلدك ؟؟؟

قلت له يا اخي انا اللي اعرفه ان التعليم عن بعد مو معتمد به لدى وزاره التعليم العالي بالسعوديه اللي اعرفه انه ممكن الشهاده معترف فيها في القطاع الخاص عندنا قالي لا راح اوريك الاعتماد من وزاره التعليم العالي بالسعودبه؟؟؟؟
المهم مالكم بالطويله قالي وش تخصصك قلت دبلوم كليه التقنيه تخصص دعم فني الله لا يعيدها من شهاده ههههههههههه
قالي سجل معلوماتك والتخصص اللي تحب تكمل فيه
قلت طيب سجلت واخترت يكالوريس IT المهم فيه بعد في الجامعه تخصص علوم حاسب وهندسه حاسب

المهم ارسلي تكلقه الدراسه في الجامعه
الدراسه عباره عن 24 كورس بتكلفه 11000 دولار قبل المنحه وبعد المنحه اللي يقوول فزت فيها الدراسه بتكفل 5500 دولار شامله لكل شي
طبعا نظام الدراسه وممكن تخلصها في سنه ودعم 24 ساعه للطلبه الهم اني طول اليوم غثني باتصالاته الين يغيت اقوول هونت ما ابي ادرس ذكررني باتصالات السحره اللي يطقطقون علينا مو مصدق اني لقى واحد يطقطق انقليش ههههههههههههههههههه
طبعا بمجرد تحويل 99 دولار تبداء الدراسه على طول ؟؟؟ وتنزل لك المواد
الجامعه لها موقع على الانترنت بس والله اخوكم قارصه قلبي منها
الغريبه انه ما طلب اختبار لعه ولا ايلتس ولا توفل ولا يحزنون

الشي اللي انا اقدر اكد لكم ما في امل التحق ببرنامج البعثه لان عمري فووق ال 35 وايضا ما اقدر اسافر برا على حاسبي لان الاحوال الماديه مش ولا بد
ومتزوج وبزارين وغثه من جد يعني انسى اكمل دراستي برا
المهم اللي ابيه منكم وش رايكم بسالفتي هاذي
اسلئتي كالتالي

1- وش رايكم بسالفه الاعتماد اللي يقوول عليه من السفاره السعوديه والامريكيه ( الشهاده يقوول مصدقه منهم الاثنين )؟؟؟؟؟

2- الجامعه اصلا وش من لحيه ؟؟؟ ههههههه لا ني دورت عليها في موقع الوزاره عندنا ولا لقيت لها اثر هههههههههههه
وبعد دورت لها تصنيف من جامعات امريكا ما لها اي رقم خخخخخخخخخخخخخخخخخخخخ جامعه اي كلام شكلها خخخخخخخ

لو فرضنا ان الجامعه طلعت كويسه وش رايكم في عرض الدراسه ؟؟ جيد ؟ مغري؟سيء جدا ونصب
واذا عندكم عروض من جامعات افضل وبنفس النظام عن بعد ياريت تساعدوني

سؤال اخير بناء على الدبلوم اللي عندي تقنيه حاسب بتقدير 4.60 مرتيه الشرف الثانيه تخصص دعم فني

اختياري لتخصص IT مناسب لي وافضل من علوم الحاسب وهندسه الحاسب لانه قالي ممكن تغير تخصصك عادي

انا قلته ارسل لك صوره من الدبلوم والسجل الاكاديمي ووصف المواد كلها عندي بالانقليش

علشان يشوف وش التخصص المناسب لي ولو فيه معادله مواد لا مانع من ذلك

اللي خوفني انه قال اوكيه ارسل لي الاوراق ممكن تصير لك معادله من ال 24 كورس

طولت عليكم بالسالفه وهي قصيره وسهله ان شاء الله

ارجو الرد سريعا اخوكم من متوهق غثني باتصالاته واخاف صدق انها فرصه وانا ما ادري

الاخوان اللي في ولايه فلوريدا ابي مساعدتهم من ناحيه الجامعه وقوتها

اخوكم ابو لانا

• نشر عبر تويتر
• نشر عبر فيسبوك
• نشر عبر جوجل