ما أفضل طريقة لتحويل الفلوس من السعوديه الى امريكا

وعليكم السلام ورحمة الله وبركاتة -- فيه تحويلات الراجحي بس اتوقع تاخذ 3 ايام فيه مكاتب تحول في نفس اليوم او الساعه ما ادري بضبط بس فيه فرع على اطريق لملك فهد الرياض

شكراً ، هنا الشرقيه ربي يطول بعمرك ، المبلغ كامل بحسابي وابغى احولة كامل دفعه وحده لما أوصل هناك ان شاء الله ، مادري وش أفضل طريقه ان الواحد يسويها ، افتح حساب في بنك بأمريكا وبعدها اونلاين من بنك الاهلي احول المبلغ لأمريكا ، بس مادري كم ياخدو سعر الصرف وسعر التحويل والبنك الي في امريكا كم ياخد عمولة الاستقبال

الي مجرب وعنده طريقه رخيصة ياليت يذكرها بالتفصيل

والله ياخوك اناا صار معي موقف في بنك wells fargo كان معي فلوس في بنك الراجحي وقلتهم ابي احولها من الرحجي الا عندكم يمكن 6 مرات او 7 مرات اجيهم ويقولون السستم عطلان واخر شي قالو ما نقدر !!

انا بنسبه لي البنك الأنماء, ياخذون مني 20 ريال للتحويل لإي بنك امريكي.
فاذا انت بالسعودية ولسى ماعندك حساب امريكي افضل شي تفتح لك حساب في بنك الانماء. ر
ضروري تسجل رقم جوالك السعودي الي راح تاخذه معك امريكا(عشان تفعيل اضافة حسابك الامريكي اذا وصلت امريكا)
2- اذا وصلت امريكا تفتح لك حساب امريكي.
3- تضيف رقم حسابك الامريكي بحسابك ببنك الانماء. وزي ماقلت لك بيرسلون لك رسالة عشان تفعل رقم الحساب.
4- تحول المبلغ الي تبيه من حسابك الانماء لحسابك الامريكي ب20 ريال رسوم خدمة.
التحويل ياخذ مابين 3 الى 4 ايام عمل.

ملاحظة: اخترت بنك الانماء عشانه الارخص في التحويل الدولي, بالاضافة الى ان بنك الانماء عندهم خدمة (الفيزا) مربوطه بالحساب والي راح تفيدك بانك تستخدم البطاقة باي مكان في العالم وهذي راح تفيدك انك تستخدها في امريكا باول ايامك على ماتوصل فلوسك لأمريكا.

موفق

وعليكم السلام ورحمة الله وبركاتــه

ترجع للمبلغ اللي حابب تحولـه يالـغالي ،

يعني لو كان المبلغ تقريبا 5 أو أقـل فأفضـل طريقة " تحول من حسابك إلى بطاقة مسبقة الدفع " وفي غضون 5 ثواني والمبلغ عندك بالبطاقة واتروح تسحب المبلغ مقابـل عمولة البنك الأهلي " 30 ريـال " ،


أما لو كان البملغ أكبـر فالأفضل إن المبلغ يتحولك عن طريق " التحويل السريع " الخـاص بالبنك الأهلي وأهم شي اللي حيحولك المبلغ يوريهم بطاقتك الأساسية في حال إنها كانت في السعودية على أساس المبلغ اللي ياخدوه منك كعمولة للتحويل يكون أقـل ،

* صرافات البنك الأهلي الفترة الأخيرة تجددت و لاحظت عليها شعار " التحويل السريع " أعتقد وبنسبة كبيرة بإن البطاقة الأساسية لو موجودة في السعوديـة راح تقدر تحـول المبلغ عن طريق الصرافة : )

بالتوفيق يـــارب

بخصوص بطاقة الإنماء للأسف بإن البطاقة مقيدة بمبلغ يومـي للدفع والحجز اعتمادا على فئة البطاقـة : ( على عكس بطاقات مسبقة الدفع واللي طول مالبلغ موجود في البطاقة بإمكانك الحجز والدفع بدون حـد أو قيود يوميـة

افضل طريقة لتحويل مبلغ كبير وبما انك ما زلت في السعودية .. روح لبنكك في السعودية واطلب شيك مصدق باسمك بالمبلغ اللي تبغاه .. واول ما توصل امريكا افتح حساب واودع الشيك

شكراً لكم يا أخوان للأسف الشديد سفرتي مابقى عليها سوى يوم واحد مايمدي اسوي الشيك الجمعه مقفلين ، حالياً راح أشحن بطاقة مسبقة الدفع الأهلي واسحب منها كاش ، لو فتحت لي ياشباب حساب في بنك اوف امريكا وربطته بحسابي بنك الاهلي وحولت له اونلاين كيف تصير العمولة ؟

والله طريقه الشيك حلوه ، الشيك المصدق بأسمي لو اسويه مايحتاجو معلومات عن حسابي في امريكا ؟ انا سمعت بهذه الطريقه يسموها الشيكات السياحيه وحسب ماعتقد كنسلوها الشيكات السياحيه

بالسلامة ياصاحبي

طمنا لما توصل