حوار ==> طــريــقه الــتعامل مع الــروميــتات سواءً أمريكان او سعوديين او حتى أجانب !!

خلك بطبيعتك لاتتصنع شخصيه خلك زي منت افضل وعاملهم بما يرضي الله

السلام عليكم

موضوع هادف بنوعه كلنا نواجه الروميتات وهذا شي جيد منك طرحت مثل هالموضوع
في بداية الأمر كلنا جايين للدراسه زي ماقلت لكن اللي جا للدراسه له حق انه لما ينام يكون متطمن على نفسه
يكون الروميت مودب ولا هو راعي خراب لانك راح تتاثر فيه
بس التعامل مع الروميت الأفضل تكون بحد ما يصل للمرح الدائم ولا الجديه الدائمه
وعلى فكره ترى الروميت عن روميت يختلف كلن له طبعه فا اضم صوتي للي قبلي خلك بطبعك

الاخ الكريم
السلام عليكم

موضوع جميل واكيد ستجد من الاخوة من يعلق على ماكتبته بناء على تجربة شخصية

ملاحظة بسيطة ياعزيزي في البروفايل الخاص بك كتبت اسم الجلالة برقم 9
آمل منك تعديلها بما يليق بجلال الله وسلطانه

شكرا لك وبالتوفيق

وش نظام الروميتات هذي اول مرة اسمع فيها ؟ يعني طلاب يسكنون مع بعض ؟

وهل هي مخصصة لطلاب الجامعه فقط ؟ ولا طلاب المعهد اللغة ؟

موضوع جيد

اتمنى من الاخوه الذين سبقونا في هذه التجربة و ضع تجاربهم و نصائحهم

نعم طلاب يسكنون مع بعض سواء كانوا في سكن الجامعة او خارج سكن الجامعة
خارج سكن الجامعة للتخفيف الضغط على ميزانيتك بدل ما تسكن لحالك و تدفع الاجار لحالك ممكن تشترك انت و اكثر من واحد في استأجار شقة و غرف بعددكم و تدفعون الاجار
و الهدف الثاني لاكتساب اللغة اذا كان الروميت من النيتف سبيكر

Roommate

موضوع جداً ممتاز انا مقبل عل سكن مع روميتات ودي اعرف عادات وتقاليد الامريكان في السكن المشترك

كمان نصائح كيف اكسب ودهم واستفيد منهم في تعلم اللغة

عندي كمان معلومة انه الكريم عندهم ( غبي ) صح

اخوي نصيحة خذها مني .... عامل الناس بأخلاقك لا بأخلاقهم واللي ما يقدرك ولا يسوي لك حساب هذا العيب فيه مو منك
انت تعامل معه بما يرضي الله واذا ما قدرك فأجرك على الله وعلى قولت المثل سو خير وارمي بالبحر واجرك على رب العباد... انا متأكد في ناس تقدر اللي تسويه وفي بعضهم ودك تكفخه
بس انت خلك على شخصيتك وأسلوبك ولا تتصنع بشخصية من اجل واحد ما يسوى .... واخيراً اسأل الله لك التوفيق بالدنيا والاخرة ويرزقك بالصحبة الصالحة المصلحة
تحياتي

والله يالي تسأل عن الامريكان يختلف فيه الطيب وفيه الوصخ لكن كلهم يجتمعون ويتفقون على (( أنـا )) (( نفسي )) يعني ممكن يضحكون معاك ويسولفون لكن وقت الجد لاتعتمد عليهم وبنفسس الوقت يغشووون ويستغلووون طبيعه الحياه في امريكا علمتهم كذا