استفسار سؤال عن تأجيل البعثة والفيزا

بالنسبة للسؤال الاول نعم تقدر تدخل بللفيزا الحالية اذا رقم السفيس هو نفسه الى تاريح 8/12/2012 لذلك حاول ترجع قبل ذلك التاريخ وللعلم لايمكنك دخول امريكا قبل 30 يوم من بداية الدراسة

اما بقية الاسئلة ما اقدر افديك ماني متأكد منها ....

الفيزا...نعم بعد خمس شهور تلتغى و لازم تسوي مقابله جديده...

اما بالنسبه لقبولك.....ايش تقصد بالقبول.....عطوك I-20 ثانيه او كيف ...ولو عطوك وحده جديده هل رقم السيفيس فيها نفس القديم

نفس حالتي

الآن راجع لمدة 5 أشهر، الامقريشن قالوا لي ارجع السعودية وجيب قبول وروح للسفارة وطلع فيزا جديدة بنفس رقم السيفيس الجديد الي راح يجيك في الآي توني الجديد

قالوا لي ممنوع تدخل أمريكا برقم سيفيس على الفيزا يختلف عن الآي توني الجديد، رقم السيفيس على الفيزا لازم يتطابق مع الآي توني حسب كلامهم..

أما سالفة انك تدخل أمريكا قبل 5 أشهر تخلص، فلا أعلم عنها شيئاً لكن كيف راح تدخل بفيزا يختلف فيها رقم السيفيس عن رقم السيفيس الي في الآي توني؟

لن يسمحوا لك إلا في حالة واحدة والله أعلم، وهي أنك تكون قد عملت ترانسفير من مدرستك الأخيرة للمدرسة الجديدة ونقلت نفس رقم السيفيس للمدرسة الجديدة وأصدروا لك آي توني بنفس رقم السيفيس الموجود في الفيزا

لكن إذا كنت ما عملت ترانسفير مثل حالتي لأنك ماوجدت قبول بعد، فلازم تدفع السيفيس وتقدم على فيزا من جديد وتصدر لك الجامعة الجديدة آي توني بنفس رقم السيفيس الجديد ..

بالتوفيق

الله يعطيكم العافيه جميعاً على الردود

لكن علشان اكون واضح اكثر انا فيزتي طلعتها على معهد جامعة توليدو في اوهايو والحين انهيت اللغه ولا بعد بديت الدراسه الأكاديمية لأني ما جبت الدرجه المطلوبه ولكن الحين حصلت عليها ولله الحمد

سؤالي هل اذا اعطوني الجامعه الـ i-20 ما يحتاج اني اطلع فيزا جديده ؟؟

وكيف اعرف انه نفس رقم السيفيس ؟؟ ولا لازم ابلغ إدارة القبول في الجامعه ؟؟

رقم السيفيس هو الرقم الذي في يبدأ بـ N000 وتجده في الجواز تحت الكلمة Annotation فوق اسم المعهد الي في جوازك، وتجده في أعلى اليمين من الآي توني في أول صفحة

لو حصلت على قبول وأنت ما زلت في أمريكا، كلم المعهد يسوي لك ترانسفير على الجامعة الي جبت منها قبول، المعهد تقريبا راح يطلب منك تجيب صورة من قبول الجامعة وضمان مالي للجامعة وورقة ترانسفير وانت شوف طلباتهم بالتحديد وش..

اذا عمل لك المعهد ترانسفير على القبول الجديد، خلاص هذا يعني انهم يحولون رقم السيفيس حقك على الجامعة الي جبت منها القبول، وما تحتاج فيزا جديدة (تأكد من الجامعة احتياطا أنا ماني ملم بالموضوع 100%)

إذا المعهد ما عمل لك ترانسفير على الجامعة وانت اخبرت المعهد انك ماراح ترجع له نهائيا راح يحطون رقم السيفيس حقك للإلغاء لأن هذا قانونهم اتوقع..

أتمنى أني أفدتك، واتأكد بنفسك من واسأل الايمقريشن للتأكد بنسبة 100% في حالتك

الله يجزاك خير ويوفقك يارب

اشوف أنك تراسل الجامعة أفضل وتشوف خويك وش صار معه بخصوص القبول إذا حصلت على القبول من نفس الجامعة التى منحتك I-20 فلا يحتاج أي شيئ غير أنك تحضر وتباشر الجامعة وترفع مباشرتك وتنزل جدول المواد حتى يتم إعادة الصرف عليك من الملحقية

أما بخصوص الدخول إلى أمريكا فلا ينطبق عليك شرط الدخول للمرة الأولى والمحدد بشهر من تاريخ بدء الدراسة ولك الدخول قبل ذلك إذا رغبت في العودة

ملاحظة مهمة
عليك التواصل عاجلاً مع الجامعة حتى تتمكن من تنزيل المواد ولا تترك الموضوع حتى بدء تاريخ الدراسة

بالتوفيق

http://www.mbt3th.us/vb/forum8/thread335128.html