بكل اسف سوف انسحب من البعثة والسبب الحضانة حسبي لله ونعم الوكيل من كان السبب

مدري وش اقول...... لكن ما اقول الا الله يكتبلك الخير و ييسر امورك

صحيح إن قيمة الحضانة ماتتناسب مع المخصص المالي للأطفال ولكن بصراحة ١٠٠٠ دولار شهريا كثير!
إما إنك تغير حضانتك لحضانة أرخص , أو تغير الولاية لولاية أرخص
فيه هناك مدن وولايات قيمة الحضانة فيها مابين ٤٠٠-٥٥٠ دولار
الاختيار المناسب = نصف التوفير
والنصف الآخر هو حسن التدبير

بقولك شي ,, الابتعاث فرصه لا تعوض ,, عند اول مشكله استسلمت ,, انا حاسس فيك ,, لاني اب لثلاثه اطفال وعايشين عيشة تقش ,, اترك الحضانه ,, الحضانه مهي لنا ,, ما ودي اقول لمين خليني ساكات ,, روح للمسجد الي عندك في المدينه وبحث عن عائله مسلمه تمسك الاطفال ما لقيت ,, طلع سوشل سكيورتي ,, ما قدرت ,, روح لبنك شيس ,, وطلع سياره جديده كيا ولا سزوكي صغيره قيمتها ما تتعدا ,, 10000 الاف دولار ,, خذها اقساط القسط لا يتعدا 300 دولار ,, اسكن في مكان شوي بعيد ورخيص ,, حتى لو كانت المسافه ساعه ,, عشان تقدر توفر من المكافئه ,, انا مو جالس اتفلسف عليك ,, هذا الي سويته والمكافئه بالدف يا دوب تكفي ,, والكل يعرف الحضانات واسعارها في كلفورنيا

حتقولي ليش السياره الجديده وليش بنك شيس ,, لان شيس يشتريلك اليساره من غير سوشل ويستقطع من راتبك ,, السياره الجديده ما تعطل ولا تصرف بنزين

وتذكر دائما زي ما الله معاك في السعوديه ايضا الله معاك في امريكا وفي كل مكان في العالم ,, صلي على النبي وستهدي بالله وبتلاقي حل لمشكلتك

الله يسهلك امورك ويسهلنا امرنا وامر جميع المسلمين امين

والله يا أخوي أحيان الواحد ينجبر على جامعة معينة.
صدقني بعض التخصصات ما تلاقي إلا جامعات معدودة على أصابع يدينك فيها دكتوراه في تخصصك، وإذا قبلتك جامعة منها فأنت سيد المحظوظين.

تحياتي،،،

السلام عليكم ورحمة الله وبركاته

من الآخر

إنتم جيتوا على الجرح, وما ودي أشارك في الموضوع, بس قررت اشاركم في تجربتي.

أخوكم أب لطفلين أربعة سنوات وسنتين.

أول قبول وصلني كان في شيكاغو, غاليه نار.

حولت على جورجيا على أمل منها أرخص. طلعت غاليه, بس أفضل من شيكاغو.

وصلت أتلانتا

لقيت كل العوائل يتركوا أطفالهم عند جليسة أطفال في بيتها الخاص, ولقيت بعض أولاد الزملاء لهم في امريكا سنة ونص ومايعرفوا يتكلموا إنجليزي, وإذا أتكلموا مكسر وماهو مفهوم.

أنا جاي البعثة مو لفائدتي أنا فقط, فزي ما تعرفوا جميعاً البعثة فرصة, وهذه الفرضة ليست للمبتعث بل للعائلة كلها.

قلت في نفسي, لو أجوع طول الشهر ما أترك أطفالي عند جليسة أطفال أندنوسية أو عراقية.

سجلت أطفالي في حضانة رخيصة جداً( أطفالي الآثنين 500 دولار). ولكن كل إلي فيها امريكان.

طلعت ز ب ا ل ة

يوم أودي ولدي في الصباح ما كان يعرف وين حنا رايحين. بس يوم يدخل الفصل, يمسك رجلي ويحضنها بكل قوته, ويقول لي لا لا لا تروح, ولدي ما كان يتكلم في هذاك الوقت, بس نطقها في هذيك اللحظة.

كنت أروح الكلاسات وبالي مشغول على أولادي. وما كنت أركز في كل الدروس.

عموماً, أولادي ما طولوا في الحضانة أكثر من عشرة أيام. ما قدرت أتناسي أو أتجاهل الموضوع.

قررت أعيش على الحصير

حولت أولادي على حضانة الجامعة, تعتبر من أفضل دور رعاية الأطفال في أتلانتا. أدفع شهرياً 1900دولار للحضانة + 1000 دولار للشقة شهرياً.

هوب طب , خلصت المكافئة

أولادي الآن

كل يوم بيتعلموا أشيء جديدة وأحياناً يعلموني أشياء أنا ما أعرفها.

اللهم أقر عيني بأطفالي يااااااااااارب

وأنا كتيت تجربتي لكم للفائدة.

ولازم يعرف كل أب وكل ام مننا إن وجودنا في امريكا فرصة لكل العائلة ولازم تستغلها بشكل جيد للحصول على أكبر فائدة

كثير من الشباب غلطوني في تصرفي

لكن انا مقتنع بالتصرف إلى عملته

وياليت الكل يعمل مثلي

بالتوفيق للجميع

الكلام صحيح التعليم ليس لوحدي لازم ابني يتعلم اشكر الاخ الكريم علي تعليق للبحث عن حضانة رخيصة الرخيص معفن نحن نبحث عن الافضل المشكلة البعض يعتقد انني هنا للمراح فقط لم يجرب مثل باقي الاخوة
المبتعثين يعرف ان لله حق في كل دولار يصرف والتخصص يحكم الشخص اين يدرس لو علي الكيف اختارت ارخص ولاية وارخص مدينة لكن للاسف

لاحول ولا قوة إلا بالله حسبنا الله ونعم الوكيل
رددوها مع الاستغفار وراح يتحسن الحال للكل
واحمدو الله في كل وقت وفي كل حال
نصيحة مجرب

الله يعينكم ويسر اموركم حاول دائماً تبحث عن الولايات الرخيصه لأن اسعار السكن والحضانه بيكون رخيص فيها وايضاً المعيشه

بكل صراحه ما استطيع ان اقول شي بس فعلا تألمت ودمعت عيوني والله لحال اخوي الي راح يترك الدراسه ، وبكل صراحه والله ما الومك ابدا ، يا مسئولين اتقوا الله تعالى اتقوا دعوة المظلوم هذولا الطلاب اصحاب العوائل مظلومين بهذه المكافئات ، ودعوة المظلوم ليس بينها وبين الله حجاب ، يا اخــــــــوان احنا مسلمين ، والمسلم اخو المسلم .
لا اتستطيع ان اقول سوى حسبنا الله ونعم الوكيل . يا اخـــوان علبة الحليب قيمتها 26 دولار والطفل يحتاج الي 4 علب حليب بالشهر 104 دولار حليب ، حفائض علبتين كل علبة 24 دولار 48 دولار + ملابس للطفل تعرفون ان الطفل يحتاج الي تغير ملابس كل ما يكبر . 152 دولار حفائض وحليب ، كم يبقي للحضانه ؟؟؟؟؟؟؟؟؟ . الله اكـــبر الله أكبر الله اكبر .