سألتكم بالله تشوفون حالتي تكفون يارب هونها على من يهون علي والله لأدعيلكم تكفون .حوسة

August 21st, 2012, 07:59 AM

السلام عليكم
الموضوع طويل شوية بحاول اختصرة قد ما اقدر واقسملكم بالله العظيم ان راسي يوجعني من كثر التفكير ومالي بعد الله الا انتم تقولون اش اسوي والله ما انساكم من الدعاء
انا بإختصار دخلت الجامعه وتوفقت ولله الحمد وتخرجت والقسم تقريباً يعرفني جيداً ماعداً البعض وعلاقاتي معهم مبنية على الاحترام والتقدير وكان حلمي وامنيتي ادرس برى عن رغبة صادقة وارادة قوية ولله الحمد لين ماوصلت المستوى السادس وبدأت افقد شوي من هذه الرغبة والمستوى السابع فقدتها قليلاً ثم الثامن يعني ماني متحمس جت ما جت عادي بس في داخلي شي متمسك بها المهم تخرجت شهر سبعه الماضي (هجري) وزي اي حد يقدم على وظائف بس انا قلت بقدم على البعثات وبقدم معيد تقدمت انا وخويي رفيق دربي وبحكم اننا درسنا في الكلية تم اصدار توصية من رئيس القسم بتعيينا في الكلية على وظيفة معيد (لأن رئيس القسم بيمشي بعد العيد) وقالي رئيس القسم تطمنو وان شاء الله اني معاكم رغم إلحاحي علية بالاعاده والسؤال الدائم يقولي تطمن انا ما اقدر اقدملكم ضمانات اما تضحون وتنتظرون لين الفصل الثاني او تشوفولكم وظائف وهذه كانت المفاجأه يعني اجلس سنه كاملة بدون شغل على امل فيه ومافيه فحاولت معه وترجيته يقدم الموعد للفصل الاول وقال يصير خير وصدقني اني احاول بدون ماتقول يوم قالي كذا حسيت ان فيه امل طبعاً خويي هو اعلى مني وفاجأني بإتصال اليوم قال ابشرك جتني الامنية واستخرت الله سبحانه وبروح وانت كمل المشوار انا هنا تغيرت حساباتي كلها من أ - ي يعني قلت بيسندني في الغربة ويكون معي وووو احلام صداقه وانا الحين متردد وفي رمضان قابلت واحد من جماعتنا من المبتعثين بس هو في بريطانيا قالي صدقني الدراسة سهله واللغه صح بتبرطم اول 3 شهور لكن بعدها ينفك لسانك وحفزني . جاني اخوي اللي عنده دورة في امريكا كلمته وسولفت معه قال نصيحة حاول قد ماتقدر تبعد عن الابتعاث الغربة هم وغم الله لايوريك قلت مافيه وظايف اش اسوي مامعي الا كذا او اقعد سنوات انتظر الخدمة المدنية على الفاضي قال بكيفك وانا ما اخفيكم انا من الناس اللي نفسيته مزاجية ويتخذ قرار على حسب المزاج يعني لو ما عجبني الوظع ممكن ارجع بدون تفكير وانسان عاطفي بشكل كبير جداً والذكريات معي دائماً وهذا اللي مخوفني اكثر والحين انا انسان مجهول محتار سمو اللي تسمونه خوفي كله من اني ارجع بس رغم ان الوالد معارض لفكرة السفر بالخارج بعد ماسافر اخوي بس ممكن يرضى والوالدة كل ماتذكرت اخوي تبكي وهذا موجود دائماً في بالي وانا اهم شي عندي راحتهم رغم ان الاعاده تحتم عليك تدرس سنه بس وبعدين تروح واذا رجعت قد تتعرض للفصل من الوظيفة وناس تقول تحول لوظيفة ادارية وناس تقول لايحول الا اذا فشل مرتين في الدراسة بالخارج بس الاكيد اللي جاني تشكل لجنه لدراسة حالتي ولايخرج القرار عن عن 2 فصل او تحويل لوظيفة ادارية حسب الظروف
ونفس تقولي اجلس هنا واترك عنك الهم والغم ودورلك وظيفة الناس معاد تلقى وظايف واستقر وكون نفسك
ومش ميال للبعثه بسبب تشويش الفكر

والله والله والله معاد ادري وين اروح ولا ادري وش اسوي خايف اتقدم واندم وخايف انتظر الخدمة المدنية وتطول وخايف ارجع يعني لاتقولون انسان متشائم لكن ماخذ كل الاحتمالات في البال

هونوها علي والله ما انساكم من الدعاء ابداً
واسف على الاطالة

• نشر عبر تويتر
• نشر عبر فيسبوك
• نشر عبر جوجل