أخوكم ما يدري وين الله حاطه لكن الأمل بالله ثم فيكم

وعليكم السلام ورحمة الله وبركاتة

حياك الله اخوي ماجد والله يوفقك ويسر امرك ويكتبلك اللي فيه الخير والصاالح

اخوي والله ما ادري وش اقولك بس بفيدك من المدن سيااتل حلوه بس غاليه شوي بس انصحك لـ وجه لله الولاية الجنوبيه اتركهاا هذا والله اللي اقدر عليه الله يوفقك ويستر عليك


اتمنا من الاخوان يفيدونك في اسرع وقت

سلمت و إن شاء الله إنّي ما بأقربها أنا احتررررررررت سياتل ولا ولاية أوهايو ولا كلورادو ولا مدري وش ...... الخ

أنا لا عمري رحت أمريكا ولا أعرف فيها مثقال ذرة

بصراحة تهت كثير و تعبت مشتت بين المعهد القوي عشان أتأسس مزبوط و الجامعة اللي فيها التخصص اللي أبغاه و المدينة عشان لا أمل و أطفش و أكتئب


قسم بالله عوار راااااااس

الله يكون بعونك ياخوي هونهاا تهوون ان شاء الله اهي فتره وتمر ان شاء الله وهذا شي طبيعي اما سيااتل حلوه واذا عندك القدره في ولاية كاليفورنيا احسن واحسن

لا و الله كل اللي قريت لهم عن ولاية كاليفورنيا يقولون غالية

و أنا بأعتمد على الله ثم على مكافأة الوزارة

لكن الناس هنا فيهم الخير و البركة و إن شاء الله بيفيدوني

الاخ الكريم
السلام عليكم

جامعة اوهايو في مدينة اثنز

الجامعات الموصى بها

جامعة جيده ويتبعها معهد لغة جيد

وهذه قائمة بجامعات غير موقوفة وبها نفس تخصصك في ولاية اوهايو

ومن ضمنها جامعة اوهايو ستيت في العاصمة كولومبس وهي من الجامعات القوية في امريكا

الجامعات الموصى بها

بالتوفيق اخي الكريم

مدينة سياتل فيها معهد جامعة واشنطن ومعهد كميونتي كولج وكلهم ممتازين

المدينه حلوه وجوها حلو وامنه مقارنة بباقي مدن امريكا

التاكس فيها عالي .... بس تقدر تعيش فيها اذا ما صرفت فلوسك على اشياء مالها لزمه
اتمنى اكون افدتك

اخوي .. انا متفهم وضعك ..
ولكن انت و حسب مزاجك اذا تبي مدينة تفلها فيها و بنفس الوقت جوها جو دراسة و كل شي فيها روعه ف انا انصحك ب مدينة سان دييغو
ولكن اذا انت رجال ما تمسك فلوسك ف نصيحة لا تجيها لانها نار ع اللي ما يرتب مصاريفه

لكن خلنا نجرب نحسبها صح ..
طبعا المكافئة هي 1847 دولار على ما اعتقد

بداية الامر اسكن مع عائلة مدة لين تتعرف على ناس ثقة و تسكن معاهم بشقة و ترتب امورك صح

سان دييغو السكن مع روميت تتراوح الاسعار ما بين ( 400 الى 1000 ) طبعا عائلة او روميت
لو قلنا انك سكنت مع عائلة ب 750 دولار شامل الاكل
و 60 دولار جوال
و 75 دولار ترولي و باصات مدة شهر ( مو مهم يمكن عائلتك تكون جمب المعهد )
يصير يبقى لك من المكافئه
960 دولار
قل انه كل اسبوع بتصرف حوالي مابين 50 الى 150 دولار )
ع حسب انت و مصاريفك
لو قلنا بالشهر بتصرف 400 دولار مصاريف شخصية يعني وناسة ويك اند و طلعات مع المعهد بيبقى لك حوالي 550 دولار
يعني بتوفر 550 دولار .. لوقت الحاجة
و هالمبلغ لو تحافظ عليه مدة سنة يصير معاك 6600 دولار ! مبلغ كبير و حلو
بالريال السعودي حوالي 25 الف ريال تقريبا
انا صحيح طلعت من طور الموضوع ولكن عشان توصلك الخلفيه صح

و هال 550 دولار لا قدر الله و انصكيت بهولد يكون معاك مبلغ و قدره تعرف توزن امورك فيه
و الله ولي التوفيق

الله يجزاك كل خير

هذا الرد اللي كنت منتظره ... حددت لي سعر السكن و هو الأهم و نصحتني أول شي بعائلة و بعدين أشوف شخص أرتاح له عشان أسكن بشقة

سان دييقو في ولاية كاليفورنيا ..... الناس صورت لي إنه ولاية كاليفورنيا غالية و ما أقدر اذا ما عندي مبلغ فوق المكافأة

الظاهر الناس كبروا الموضوع و هولوه

راح أحط سان دييقو فالحسبان إن شاء الله




ممكن أي أحد ممكن يفيدني بمدن ثانية

وياك عزيزي
لكن زي ما قلت لك اذا انت رجال ما تمسك فلوسك لا تجي
و ع فكره سان دييغو جوها يعتبر اجمل جو بامريكا
دافيه بالشتا و مناسبه بالصيف
و قديمة تعتبر من اقدم مدن كاليفونيا و روعه من جد

لكن عيبها كثر العرب .. بنفس الوقت فيها 25 سوبر ماركت عربي و 50 مطعم عربي و ايراني و تركي و الخ
و فيها مساجد كثير
يعني جوها دراسي بحت و وناسه ماراح تمل منها
و اتوقع من ثالث شهر ما تفكر ترجع هههههه

ع العموم اذا اخترت هالمدينة انا مستعد ارتب لك كل اللي تحتاجه قبل تجي و بعد ما تجي
بالتوفيق