المشاركة الأصلية كتبت بواسطة 1OK
بالنسبه لشحن من السعودية بشكل عام ..
اذا تم الشحن عن طريق شركات الشحن مثل فيديكس وUPS و DHL .. فالشحنه تلقائيا راح توصل الى باب المستلم في امريكا .. لان في امريكا نظام الطرود يوصل للباب لكل شركات البريد والشحن ..
ولكن الفرق بينها هو سرعة توصيل الشحنه للمستلم .. والوقت المناسب للاستلام ..
USPS اللي هو البريد الامريكي .. تقريبا هذا ينفع لو كان بطرود صغيره .. لو كان الطرد كبير فاحيانا مايوصلونه للبيت بس يحطون ورقه يعلمونه ان فيه طرد باسمك واصل راجع الفرع الفلاني ..
اما الفيديكس واليو بي اس .. لا اذا وصل للبيت ولا لقا احد بالبيت يحط ستكر انه جا .. فتدقون عليهم وتحددون موعد لاستلام الطرد او يقدر يقولهم بامكانه يتركها عند الباب . بشرط أن المرسل مايكون ضايف خدمة التوقيع قبل الاستلام ..
البريد السعودي اذا استخدمتيه للارسال الشحنه لامريكا .. راح يوصل للمستلم في امريكا عن طريق شركة الـ USPS ..
وهو عادة ارخص شحن ..
اما عن تجربه شخصيه ..
فانا شحنت من الخبر الى امريكا بالتحديد اركنسا .. كرتون فيديكس 25 كيلو .. بـ 1200 ريال اذا ماكنت غلطان .. هذا الكلام كان عام 2009 ..
ووصلت الشحنه في خمس ايام ..
بحسب تجربتي ... فيديكس ترسل المواد الغذائيه ... بشرط أن تكون معلبه او معبأه (مثل التمر) .. ويكون عليها تاريخ انتهاء ..
ايضا قبل الشحن بيعطونك ورقه علشان تحطين فيها محتويات الصندوق مع اقيامها .. وهذي فقط للجمركه ..
فيديكس مايفتحون الكراتين .. عندهم اجهزه تكشف ماداخل الصندوق بجميع محتوياته بدون فتحه ..
هذا والله اعلم .
ماشاءالله عليك كفيت ووفيت
بس أكيد تغيرت الأسعار من 2009 نظراً لموجة الغلاء اللي أكتسحت كل شي
كلمت اعتقد DHL قبل كم ساعه قال لي الكيلوين يحسبوا 745 ريال
والشحنه توصل في حدود 5 أيام
ولما سألته عن الذهب قطعه وحده قال نرسل ولكن تأمين 1000 دولار !!!!
ربنا يسهّل وعالأغلب الخيار الأمثل هو البريد السعودي الممتاز دامه واصل لعند البيت وفي حدود إسبوع
لكن الإشكاليه مايرسلون كل شي
يالله الحمدلله رسومهم مناسبه تقريباً
شكراً أخي الكريم على المشاركه الوافيه
ساعدتني جداً
تحياتي لك
ملامح حياه August 29th, 2012, 10:20 PM
7 " 
LinkBack URL
About LinkBacks
بس ايش الفرق بين واصل العالمي والبريد الممتاز؟
وهل فيه مميزات اكثر من البريد الممتاز؟
وشكراً