استفسار شحن من الشرقيه لأمريكا

بما انك من الشرقيه , شوفي احد يشتغل في ارامكو ويرسل لك عن طريق الارميكس ويوصل لباب بيتك ويعطونه تخفيض تقريباً 50 ويوصل إلى 75%.
واذا ماتعرفون احد بارامكو ارسلي لي رسالة بالخاص وشوف لك احد من معارفي يخدمكم.
انا مجربها ووصلتني لفرجينيا لباب الشقه.
بالتوفيق.

شكراً لك على مساعدتك

بس بغض النظر عن المبلغ أبي شركه توصل الإرساليه لبيت
وسؤالي الآخر هل تفتش الشحن قبل الإرسال؟

انا مجربه أرامكس محلي وخليجي ماتفتح شحنتي للتفتيش بس مادري عن أمريكا كيف؟

وهل مسموح شحن ذهب ؟


وشكراً لك مره أخرى فيك الخير

واللي قريته ان ارامكس ترفض شحن المواد الغذائيه !

انا شحنين لي تمر وقهوه!!

مدري والله عن الذهب بصراحه.

اذا في احد بالسعودية يمرهم ويسألهم. يمكن فيه ارسال ذهب ويكون عليه تأمين اهم شي لايضيع.

موفقه

شكراً على إهتمامك
والله يوفق الجميع ان شاء الله

الشهر الماظي أرسلت عن طريق البريد السعودي الممتاز تمر ووصل الى باب البيت خلال اسبوع

شكراً اخ يوسف يعطيك العافيه

واصل العالمي

هذا رابط لواصل العالمي ( البريد السعودي )

إلى امريكا 10 كيلو ب500 ريال.

بالنسبه لشحن من السعودية بشكل عام ..
اذا تم الشحن عن طريق شركات الشحن مثل فيديكس وUPS و DHL .. فالشحنه تلقائيا راح توصل الى باب المستلم في امريكا .. لان في امريكا نظام الطرود يوصل للباب لكل شركات البريد والشحن ..
ولكن الفرق بينها هو سرعة توصيل الشحنه للمستلم .. والوقت المناسب للاستلام ..

USPS اللي هو البريد الامريكي .. تقريبا هذا ينفع لو كان بطرود صغيره .. لو كان الطرد كبير فاحيانا مايوصلونه للبيت بس يحطون ورقه يعلمونه ان فيه طرد باسمك واصل راجع الفرع الفلاني ..

اما الفيديكس واليو بي اس .. لا اذا وصل للبيت ولا لقا احد بالبيت يحط ستكر انه جا .. فتدقون عليهم وتحددون موعد لاستلام الطرد او يقدر يقولهم بامكانه يتركها عند الباب . بشرط أن المرسل مايكون ضايف خدمة التوقيع قبل الاستلام ..


البريد السعودي اذا استخدمتيه للارسال الشحنه لامريكا .. راح يوصل للمستلم في امريكا عن طريق شركة الـ USPS ..
وهو عادة ارخص شحن ..

اما عن تجربه شخصيه ..
فانا شحنت من الخبر الى امريكا بالتحديد اركنسا .. كرتون فيديكس 25 كيلو .. بـ 1200 ريال اذا ماكنت غلطان .. هذا الكلام كان عام 2009 ..
ووصلت الشحنه في خمس ايام ..

بحسب تجربتي ... فيديكس ترسل المواد الغذائيه ... بشرط أن تكون معلبه او معبأه (مثل التمر) .. ويكون عليها تاريخ انتهاء ..
ايضا قبل الشحن بيعطونك ورقه علشان تحطين فيها محتويات الصندوق مع اقيامها .. وهذي فقط للجمركه ..

فيديكس مايفتحون الكراتين .. عندهم اجهزه تكشف ماداخل الصندوق بجميع محتوياته بدون فتحه ..


هذا والله اعلم .