هل أخطأت الوزارة؟أم قصدته؟

الوزارة تقصد

القانون
و
المحاسبة
و
تمويل
و
..


يعني قانون تخصص و محاسبة تخصص

طيب هل من مجالات عمل للقانون للمراة في السعودية

اهلين اختي مشاعل
تبين نصيحتي .. اذا حصلك تدرسين اي شي تبع البيزنيس ... اتكلي على على الله وادرسيه
اسأليني انا .. انا موظف في ادارة بنك .. والتخصصات هذي مطلوبة وبقوة .. يعني اضرب لك مثال
قبل 3 اسابيع توظفت عندنا وحده تخصصها انجليزي جامعة سعود .. وداخله معنا في البيزنس والاستثمار .. وهذا واحد من العيال قاعد يعلمها شغله .. يعني انتي بتروحين هناك وبتدرسين لغة حلو وبتصير لغتك احسن من لغة الموظفه اللي عندنا ولا فيه مقارنه اصلن ..وغير كذا انتي بتجين معاك ماستر في البيزنس .. يعني جاهزة للعمل على طول.. ومرغووووووبة .. يعني ماراح تتعبين خوينا لو افترضنا انك اشتغلتي
وعموما الله يوفقك ويحطك في خيرته المباركة

يبقى كلامي وجهة نظر خاصة فيني ..وشي حاصل امام عيني
تحياتي .. فيرساتشيـ

اخي فيرساتشي الاخت تقول قانون يبدو ان صار في لبس عليك لان القانون ماله دخل بالبزنس .

أنا من رأيي ان تدرسي التخصص الي يعجبك واكيد بيكون في فرص وظيفية في المستقبل القريب اما الان ما اعتقد ..

هلا والله اخوي عزوزي .. يالذيب انا ادري انها تقول قانون .. وانا ما كتبت ردي الا عشان السؤال اللي ذكرته هي ونصه كالتالي :" طيب هل من مجالات عمل للقانون للمراة في السعودية "
فحبيت اعطيها رأيي .. وانوو حرام تضيع دراسة ثلاث سنوات من غير ما تستفيد منها

الاحظ انا ان الردود الثانية مصحصحين مع ردي .. بس انت الله يصلحك شكلك قمت من النوم وعلى طول رديت علي

عموما تحياتي للجميع .. فيرساتشيـ

يعني بنظرة واقعية لواقع السعودية تقدرين تعرفين اذا للقانون مجال للمرأة في السعودية او لا

شخصياً اشوف انه ( لا ) لا يوجد مرأة تعمل في مجال القانون في السعودية, او ربما يوجد لكن بالدس! لاني لم ارى ولم اسمع ولم اشعر حتى .


الله يوفقك

أشكر لكم ردودكم " اخلاق عالية,فرزاتشي,عزوز , مسافرة وطير"
فعلا اللبزنس " الهرجة له"
التسويق صراحه لما أفكر ألاقيه حلو لأنه في حركه وجهدك تشوفه ملموس , هذا غير انه فيه دعاية وتطوير للمنتج هذي الأمور فيها ابداع
القانون صراحة حلو وتفكير لي يميل له لكن .. تبقى الوظيفة مو واضحة

دمتم سالمين

ادخلي التخصص الي ترغبينه علشان تبدعين فيه ازين لك لايجيك واحد ويقولك التخصص الفلاني يمدحونه وتميشن على كلامه وتدخلين التخصص وممكن تنسحبين ميه وممكن تكملين ولكن ماهي رغبتك الاساسيه وبعدين ممكن تفشلين بالمستقبل ممكن تنجحين ولكن لا يمكن ان تبدعين وتأتين بالجديد وحياتك بالنهايه اختارها لك شخص ماهي رغبتك الاساسيه.

نصيحه: لا تسمحين بشخص ان يدمر حياتك بأن يرسم لك الطريق الى النهايه ومن ثم تسلكينه، وكوني دوماً قائده ليست تابعه.