تقرير فتح ملف المبتعث والمرافق .. جميع الخطوات وبدون الحاجة إلى الذهاب للملحقية +الروابط

يعطيكم العافيه على الموضوع الجميل

انا ابغى استفسر عن حاجه هل لازم اسجل مكان السكن اللي بكون فيه دايم

او عادي لو اسجل عنوان الفندق اللي انا بكون فيه لمدة محدده الى مااحصل سكن وبعدين اسوي تعديل للبيانات بتعديل السكن


ولكم جزيل الشكر

غير صحيح
الخروج من السعوديه بتصريح السفر اللي من الجوازات وبدونه فعلا مارح تطلعي الا مع ولي امرك
صك الوكاله من ضمن متطلبات وزاره التعليم العالي وممكن تسقط
انا مبتعثه من الجامعه وكلمت اداره البعثات قالوا مو لازم
فكلميهم يمكن يسقطوه عنك لظروفك

يب عادي اكتبي العنوان المؤقت اللي انتي فيه عشان تخلصي اجرائات فتح الملف وبعدها عادي يمديكي تعدلي بيانات.

بالتوفيق لك.

ايش اللي غير صحيح ؟!!!!!؟؟؟!!!؟!!!!

بتصريح من الجوازات وصك الوكالة تقدر تطلع مكان ماتبغى لو تروح المريخ ومو لازم يكون معاها ولي أمرها وانا بنفسي اول سفرة سوولي مشاكل بمطار الرياض لأنه كنت مع اخويا وماكان معايا تصريح ... والمره الثانية جبت معايا تصريييييح وسافرت وماكان معي ولي أمري ولا احد قال كلمة وطلعت من المطار والحين بأمريكا!
أهم شي معاك التصريح من الجوازات ان ولي أمرك موافق انك تسافري مع اخوك ولا عمك ولا خالك ....... او تسافري حتى وحدك عااااادي ولا احد يتكلم عليك ... ولو مامعك التصريح ماحتطلعي خارج السعودية إلا ومعاك ولي أمرك بنفسه ولا يرجعوكي من الباب......


وانا مبتعثه من جامعة زيي زيك ... ايش الزايد بمتعثين الجامعات؟!

النظام نظام بالجوازات والقانون السعودي... وتأكدي ياأختي ثاني مره من المعلومة قبل لاتكتبيها...

بالتوفيق لك ومشكوره عالمرور!

يعطيك الف عافيه اختي

شكرا لك اختي .. وانا برضو زيكم مبتعثة عن طريق الجامعة


الحمدالله صك الوكالة عملته وانتهي امره بفضل الله.
ولكن تصريح الجوازات لن أتمكن من عمله نظرا لضيق الوقت ولاني اصبحت في رياض ووالدي حفظه الله في مدينة ثانية



فدعواتك تتيسر سفرتي من دون التصريح :'(
بس مع العلم ان صديقتي سافرت الاسبوع الماضي مع اخوها وليس هو ولي امرها ولم يطلبوها لاصك ولاتصريح ابداااااا والان هي في بلد الابتعاث بفضل الله

( تمت المشاركة باستخدام تطبيق مبتعث )

اقرأي مزبوط قبل الرد الله يرضى عليكي !
انتي ذكرتي انو لابد من التصريح + صك الوكاله للخروج من السعوديه صح ؟!؟
انا ذكرت انو فعلا التصريح مهم وماتخرجي بدونه
لكن الصك لا ويمكن السفر بدونه الصك
والجامعات (بعضها) ماتطلب لاصك وكاله ولا اعاله وبيتم الابتعاث بدونها لانو اجراء روتيني
لكن التصريح امر مفرغ منه

رديت على السطر الأول يااختي وليس على صك الوكالة !

وياليت يتقفل الحوار هذا لأن الموضوع مثبت للرد على المبتعثين في بداية مشوارهم وليس للنقاشات بدون نهاية!


شكرا على مرورك وموفقه ان شاء الله.

الله ييسرلك اختي ان شاء الله سفرك يااارب ...

بس طالما انك ماعاد تقدري تتلقي بولي أمرك حاولي تخليه يروح الجوازات اللي عنده ويعملك التصريح إلكتروني لأنه لما يجي يشيك بالكمبيوتر يلاقيه او يرسلك التصريح عن طريق الفاكس او غيره ...

لأنه من تجربة مني شخصيا ومن صحبتي كمان ادارة الجوازات رفضت السفر بدون التصريح ولعلمك كان معي صك الوكالة والورقه الصفراء نفسها كمان ورفضوا وقالوا هذي ماتفيد ولازم التصريح...

عشان كذا نقول لو مره ولي أمرك ماقدر لضيق الوقت .. ان شاء الله ربي ييسرلك وتكونوا مع واحد طيب وابن حلال ويخليكم تسافروا بدون عرقلة ووجع راس !

موفقه يارب ...

الله يعافيك وبالتوفيق ان شاء الله.