الغربة .. هل هي صعبة لهذه الدرجه ؟

عادي انا 3 مرات في السنة !! اكلمهم

ههههه امزح بس يمكن اسووووويها لاني ماني فاضي لحددد

جزاااااااااكم الله كل خير على الردود
والله دعوت لكم كلكم .. شكراً لكم

مافي شيئ سهل
كل شيئ حلو بالحياة يحتاج تعب
انت مستضعف نفسك
لازم تقنع نفسك انك قدها وقدود
وغيرك مو احسن منك
حتى لو رحت هناك وتعبت ولقيت الحياة صعبه
مجرد انك وصلت الى هالمرحلة وحققت حلمك انجاز بحد ذاته
وفي الغالب انك راح تنبسط وتتاقلم مع الوضع الجديد ويصير نفس اللي حلمت فيه بالظبط

ياخوي انا انسحبت عشان هالبعثه وتندمت ..
لاتستعجل
انا من رايي اعتذر ترم وروح لك شهر والا ثنين وشف ان جاز لك الوضع كمل وانسحب من هنا وان ماجاز لك تكون ماخسرت شي

الله يكتب لك الي فيه الخير ويوفقك ..

انا تخرجت ولله الحمد. طول فتره دراستي ماعمري حسيت بالغربة!! والسبب كثره السعوديين في جميع ولايات امريكا والله انك تحس نص السعوديه طالعين ابتعاث. مره لاتشيل هم شي اسمه غربه الا اذا انت من النوع الانطوائي فالله يعينك. نصيحه لاتتردد و ابدا بامور الابتعاث وعيش حياتك

توكل على الله ولا تضيع فرصه البعثة دامك انسان عندك طموح وهدف حاول تحققه وربي يوفقك

انا حبيت ارد على الموضوع لانه ضرب على الوتر اللي عانيت منه طبعا انا شخصيه تختلف عن الاشخاص اللي في سني انا الحين عمري 20 سنه بس انا اكبر اخواني فمن يوم كان عمري 15 كنت انا اللي ماسك البيت لان ابوي كان مشغول في الشركه والمعارض فكنت انا اللي ماسك كل شي بعد سن ال 17 صرت اروح مع ابوي للشركه وشوي شوي بدا ابوي يوكل الي مسوليات اكبر لاني اكبر عياله ويثق فيني كثير فكنت متعود على العمل وكان جدولي مليان فما كان عندي وقت اني اطلع مع اصحابي والا عيال الحاره فكنت على طول مشغول فيوم خلصت الثنوي كنت متحمس وابي اسافر وادرس برا وكنت جدا رافض الا ادرس برا وفعلا طلعت وقبل السفرة كانت اوضاعي تمام ونفسيتي تمام وكنت اقول لامي وخواتي انا بروح ادرس وارجع ان شاء الله ما في مجال للحزن والقلق ويوم جات لليله السفره مدري وش صار فيني كرهت نفسي وكرهت الدراسه بس كنت ضاغط على نفسي ما ابين لامي وابوي واخواني اني حزين فلما وصلت اول اربع اسابيع وصلت لمرحله غير طبيعيه من الحزن والقلق والغربه والله اني كنت ادور حجز ابي ارجع فكنت اصبر نفسي واقول خلاص هذا الطريق انت اخترته لنفسك وكنت اتصبر واكلم اهلي كل يوم بس ماكنت ابين لهم شي لاني كنت مشغول وكنت انا اللي شايل كل شي في البيت والشركه وفجاءه تشيل كل هذا اكيد بتكون صعبه علي فوالله عانيت معاناه ما انساها طول حياتي ولكن مع هذا انا اقول لك روح لان الابتعاث هذا فرصه وراح تنتهي فاتمنى انك تستثمرها وتلحق عليها والله يوفقك يارب ودعواتكم لي تكفون

أخوي أنا باقيلي على التخرج سنه ونص مع ذلك تلقاني افرفر هنا من كل يوم
يعني كلنا مثلك فكرنا وتعبنا وان شاء الله نوصل للي نبي
المهم انا ماجربت الغربه وخايفه منها طبعاً
لكن بقولك معلومه يمكن ماتعرفها وهي جداً مهمه تخص دراستك
اللي هي اذا سحبت ملفك من الجامعه وجلست مدة لاتزيد عن سنتين يحق لك ترجع ملفك وترجع لدراستك مثل ماكنت ّأول
وهذا الكلام اكيد ...ومعروف وتلقاه في أغلب مواقع الجامعات السعوديه في قسم عمادة القبول والتسجيل
والكلام نصاً يقول ( يحق للطالب أعادة قيده مره واحده فقط خلال مدة دراسته على ألا تتجاوز مدة طي القيد أربعة فصول دراسيه )
أنا أتكلم عن الدراسه العاديه ما ادري صراحه اذا كان التحضيري يختلفون بس ما اتوقع
لذلك ان شاء الله حتى ولو لاسمح الله رحت بعثه وماحبيتها تقدر ترجع السعوديه في الحال وتكمل ولاكأن شيء صار
با التوفيق يارب وأدعلنا نلحق بك ..

بإختصار ..

لو كان لي القرار في ابتعاث ابن او اخ

ماراح اخليه يبتعث الا دراسات عليا..
أقل شي يكون فيه شهاده بيده .. لو لا سمح الله ما قدر يكمل الدراسه في الخارج لأي سبب من الاسباب..
ثانيا .. تكون شخصيته تكونت و يكون أكثر نضج ..

هذا رأيي ..

اقلك ضبط اوراقك واطلع وادرس وتمشى تنسى همومك وجب شهادة ولغة

والله يوفقك ولا تسمع لفلان وعلان الغربة غربة عادي محد ماااااااااااااات وش قولك في الهندي والبنقالي والفلبيني والمصري ؟؟

رح هناك تعرف على شباب اوااااااااادم كون صداقات هناك تمشوا سوا فلوها سوا واخر اليوم ارجع تعبان وارررررررقد واليوم الثاني كذا

لانك لو قعدت فاضي تبدا توووووووسوس وتحن (لكن بتتعود على امريكا وتحبهاااااااا بعد وقل ما قلت لك )

خلص اوراق وتوكل على الله