مساعدة استفسار عن بنوك امريكا ..

انتي في اي ولاية راح تدرسين علشان اقدر انصحك وين تفتحين حساب في اي بنك

اسمع لا مو شرط تلاقي احد بس تقدر تكتب لك كذا جملة معك و تتفاهم معه بها ..

مثلا تقدر تكتب في ورقة قبل تمشي له

i wan to open an account please
i want to deposite $300

يعني اجلس خمس دقايق مع نفسك اسرد كل اسئلتك و الاسئلة المتوقع يسالك اياها الموظف و اكتبها بالمنتدى و الشباب يعطونك الجمل المفيدة و النصائح منها تكسب لغة و منها تدخل و انت واثق مو متقروش
و بدل ما تطلب الناس و ناس تتأفف و من هالقبيل ..

عمومـًا رحلة موفقة ..

ناويه على كاليفورنيا ان شاء الله

فكره حلوه
بس عندي سأل ثاني هل التعامل معهم سهل
والدفع الفواتير عن طريق الاون لاين او من الكباين سهل ؟

اللي اشوفه هنا الاغلب بنك اوف امريكا
وتجدين بعض الاحيان عرب
انا لغتي زيرو ورحت عند الموظفة وساعدتني حبة حبة وطلعت نخل براسها وبعد ساعة تم فتح الحساب
لكن انصحك
اول خطوة افتحي الحساب بالبنك لانه هو كل شي بالنسبة لك هناك ولا تروح الا ومعاك عقد ايجار الشقة لانه العنوان الدائم لك
اطلب منهم كم شيك عشان ترسله للملحقية ويحولون لك الفلوس بنناء عليه عشان يتاكدون انه حسابك
وخذ معك مبلغ لا يتجاوز ٥٠ دولار ترجع بحسابك تلقائي وبالتوفيق اخوي

بالنسبه للبنوك في امريكا فخدمة العملاء عندهم جدا عاليه الكفائه .. وصبرهم طويل مع العملاء ..
وحتى لو ماتعرفين انجليزي .. بإمكانك مثل ماقال الاخ مايو تكتبينها بورقه .. أو تشوفين احد يساعدك من الاخوات او الاخوان هناك بنفس المنطقه اللي راح تدرسين فيها ..
ترا ماراح يقصرون .. اخوانا واخواتنا في الغربه مايقصرون مع احد حتى لو مايعرفونه ..

فلا تخافين من هالناحيه ..

اما من ناحية افضل البنوك .. فمن وجهة نظري نظام البنوك في امريكا موحد ولكن الفرق في الخدمات ..
افضل بنك حتى الان اشوف خدماته متكامله .. هو Bank of America .. (عندهم هالبنك كأنه الراجحي بالسعوديه) ..
انا افضل انك تفتحين الحساب فيه وتثبتين فيه .. لان تقريبا كامل خدماتهم كلها عن طريق الانترنت هذا شيء .. والشيء الثاني عندهم تييسر لبعض الخدمات مثل خدمة الإيداع مايحتاج تروحين البنك بس صوري الشيك وارفعيه عن طريق الجوال وخلاص يدخل بحسابك ..

يعني فيه مميزات حلوه بخلاف باقي البنوك ...

وافضل خدمه انا اشوفها متوافره فيه بشكل ميسر .. هي خدمة الحوالات الداخليه والخارجيه ..تقدرين تستخدمينها عن طريق الاون لاين .. بخلاف باقي البنوك فغالبيتها تحتاجين انك تحضرين بنفسك للحواله ..

هذا والله اعلم ...

فتح حساب في البنك سهل جدا وما يخذ ربع ساعه متعاونين وبكل سهوله مو زي البنوك بسعوديه حتى لو لغتك مش ولابد كم كلمه ويفهمون عليك ويفتحونه بسهوله اهم شي جواز سفر وعنوان الفندق مو مشكله اذا لسه ما سكنتي بعدين تجددين العنوان

السلام عليكم ورحمة الله وبركاتة

اي نعم فيه ناس تتكلم عربي اذا ماعرفتي يكلم علي واحد يشتغل في الاداره عربي ويكلمك عربي والدعوه سهله موفقه

- - - مشاركة محدثة - - -

وعلي فكره احسن بنك .. بنك اف امريكا ..

يعطيكم العافيه يارب
ربي يوفقكم ان شاء الله