كم رسوم الإجراءات ؟؟؟كم احتاج عشان أثث لي غرفة بأمريكا ؟؟ تجاربكم .

ما فيه رسوم تندفع اذا وصلتي الا المصاريف العادية ( اكل ، مواصلات ، جوال ، وغيره) الا اذا استأجرتي شقه بعض الشقق يطلبون اجار شهر كامل كتأمين وبعضهم نص شهر وبعضهم 100 دولار فقط وكله يعتمد على ادارة السكن والنظام السائد في الولاية

اثاث الغرفة على حسب النوعيه اللي بتشترينها ويمكن تكلفك النوعيه العاديه حدود 700 دولار مع العلم ان المكيف ما احد يشتريه لان البيوت كلها فيها مكيفات..

ايكيا خيار جيد واسعاره معقوله *وبالنسبه لتخطيط مصاريف الابتعاث فهذا يرجعلك انتي وما فيه خطه معينه تمشي مع كل الناس .. المهم انك ما تروحين مطاعم غاليه بكثره .. روحات السوق والتسوق بدون حاجه ايضا يؤثر على المكافاة ..

هلا بك اخوي ...

طيب من اول يوم اذا ابغى استعمل مواصلات عامة (الباصات) ,فيه طريقة ادفع رسوم واخذ بطاقة وبعدين ماعد ادفع شي صح ؟؟؟كم رح يكلفني موضوع البطاقة هذا؟؟؟؟


طبعا اعتمادي كله ان شاء الله ,باصات بس ,من المعهد للبيت ومن البيت للسوبر ماركت وكلل مشاويري ...كيف احسبها ؟؟؟


جزاك الله خير ,,ياليت تفصل لي بالموضوع هذا ...

معليش اخوي ...سؤال ..

الان بيصير ادفع ضرايب على الاثاث اللي بشتريه بسعر تقريبي 700دولار ؟؟؟

هذا كم بيكلفني ؟؟؟

ناوية اسوي حسبة صح ...

الاغلب في الجامعات الباصات لها رسوم تدفعها الجامعه وتركبيها ببطاقة الجامعه بلاش او تكون برسوم مخفضه للطلاب وتدفعي لها رسوم بالجامعه ويعطونك بطاقه وتركبي الباص ببلاش

واما الضرائب فهي بكل شي لازم تدفعيها حتى ع الاكل وتختلف من مدينه ولايه الى ولايه

وللمعلوميه في الشقق او الغرف مجهزه بالتكييف والتدفئه والفراش دامك ع البعثه اختي اثثي من الاهم الى الاقل اهميه
والله يوفقك ويسرلك

السلام عليكم ورحمة الله وبركاته

الى صاحب الموضوع , ياليت لو تذكر لنا الولاية الي ان شاء الله مسافر لها ؟

صعبة انك تسوين حسبة صح .. لا بد انك تحسبين اسوأ الاحتمالات .. يعني انا قلت لك ٧٠٠دولار وهذا المتوسط قد يكون ارخص في ولايات ويكون اعلى في ولايات اخرى بالتالي احسبيها ٨٠٠ او ٩٠٠ دولار عشان تكونين في السليم وبالنسبة لضريبة المبيعات تختلف من ولاية الى اخرى ولكنها لا تتعدى ١٠٪ باي حال من الاحوال وتختلف على حسب السلعة فمثلا السيارات لها نسبه والاكل له نسبه وهكذا فمثلا في ولاية تكساس ضربية المبيعات على السيارات ٦.٢٥٪ وعلى الاكل ٨.٢٥٪

جزاك الله خير يااخوي ع النصيحة ..شكرا ..

- - - مشاركة محدثة - - -

وعليكم السلام ياهلا...واشنطن - فرجينيا ..ان شاء الله ...

طيب ابي اعرف اسعار الضرايب في فرجينيا ,كيف ؟؟؟؟
الان طلعت لي سالفة جديدة ...قررت احط موكيت لكامل الشقة ...بالذات في الشتاء ,على وصولي بيكون برد ...
سمعت ان كل الشقق فيها موكيت ,بس مااضمن يكون نظيف ,احنا ناس مسلمين نصلي ع الارض مانضمن اذا كانو يربون حيوانات بالشقة قبلنا ..
هذا لحاله حسبه جديدة ...الله يعين ..

جد شكرا اخوي ماقصرت جزاك الله خير ..

الموكيت اطلبي شركة معينة مثل شركة Bright star يجون يسوون تنظيف كامل للموكيت وتنشيف أو خلي المؤجر يتكفل بها لو دفعتي له حقه.
تبين أغراض رخيصة شوفي أسواق Walmart تلاقين أشياء جدا معقولة فمثلاً طاولة دراسة طقم مع أدراجها تلاقينها بحوالي 70 دولار.
الكنب شوي غالي في أمريكا بس بحكم أنها بتكون غرفة مو صالة كبيرة ما راح تكلفك عندك أسواق Big Lots تلاقين فيها أشياء حلوة.
بالنسبة للتلفزيون والأشياء هذي شوفي Best Buy.

وبالتوفيق