طفشني بسبب عدم فهمي للمادة العلمية

الي تمرين به شي طبيعي يمر به كل الطلاب و يختلف حدته من شخص لآخر وبناء على صعوبة وسهولة التخصص

لكن خلاصة ما اريد قوله انك الآن في الطريق الصحيح من خلال ما تفعلينه وصدقيني مع مرور الوقت سوف تتضح لك الصوره اكثر و اكثر ويسهل عليكي محتوى المنهج

واتمنى ان لا تعطين الموضوع اكبر من حجمه حتى لا يتحول الى معضله حقيقيه

و انصحكي بعدة امور
1- حصني نفسك اول بأول
2- نظمي وقتك ونامي بدري
3- لا تكثرين من شرب المنبهات و ان كان لابد ففي الصباح فقط

يبدو لي من كلامك انك في اول سمستر في الجامعه ..

اذا كان كلامي صحيح .. فلا تخافي ولا تقلقي .. مع مرور الوقت و بالجهد بتطوري..

اول سلايد تقريه يمكن ما تفهميه كله !!
لكن الثاني راح تفهمي منه 30 %
لأنك عرفتي الكلمات من السلايد الأول ..!
السلايد الثالث بتفهمي منه 50%
لحد ما توصلي 100%

و قبل كل شي تذكري .. انه الشهاده مو سهله .. وخصوصا للدراسات العليا ..
ولو كان الموضوع سهل .. كان شفتي كل الناس معاهم شهادات !!

اسألي الله التوفيق و توكلي على ربك .. وثقي تماما أن الله سبحانه لا يضيع تعب المجتهد ..

اسأل الله لي و لك ولكل اخواني و اخواتي التوفيق .. وان يعلمنا ما جهلنا .. و ينفعنا بما علمنا ..


ملاحظه .. لا تنسي تبشرينا بتخرجك

هذي البداية دائماً .. لكن فيه طريقة حلوه انا استخدمها
اذا حسيت ان فيه شي صعب علي .. اقول "انا بسوي اللي علي كله والباقي بيد الله .. حتى لو اطلع بمقبول اهم شي سويت كل اللي علي" وسبحان الله بالنهاية اطلع بدرجات حلوه

مثل ما قــــالوا الاخـــــــوان / كرســـي الجهد في التعلم والحرص علي التنبيه لـ نفسك معا تذكر الحوافز والانشطه الجميله وباذن الله ســـوف يكون لك مجال في التوفيق

الله يوفقك ويفرج همك
ومافيه صعب الا بعد نجاحه بإذن الله

جميع المبتعثين يمرون بهذه المرحلة في البداية .. خصوصاً طلاب الدراسات العليا لأن مستوى المحاضرات عالي جداً .. وهذا شيء طبيعي جداً ..

صدقيني بعد فترة بسيطة سوف تجدين نفسك تفهمين كل شيء في المناهج وكأنك تقرأينها بالعربي .. فقط حاولي التركيز على تجميع المصطلحات

الصعبة والجديدة في ورقة أو كراسة خارجية وحاولي الاطلاع عليها باستمرار..

أنا أذكر أول سنة لي في الجامعة كنت أمضي ساعة كاملة على باراقراف واحد فقط حتى أفهم مافيه ..


وفقكِ الله ويسر لكِ جميع الصعاب.

نعم أتفق معك والله.

العلم بحر كلما تقول أني خلاص صرت أعرف هالمادة، تجيك موضوعات تشعر معها بالضياع.
تكاد تكون قاعدة أن أول شهرين أو حتى أول فصل خصوصا في الدراسات العليا يسبب قلق كبير، خصوصا إذا كان يدرس قبلها لغة؛ لأن فترة اللغة ما يكون فيها ضغط دراسة علمية، فلما يدخل الشخص للماجستير أو الدكتوراه ينصدم بالكم الهائل من المتطلبات والكتب والمقالات والمهمات و...و....


بالتوفيق،،،

وعليكم السلام ورحمة الله وبركاته ..

الواضح من مشكلتك ان مرحلة اللغه كنتي مركزه فقط على اللغه تحدثا وكتابتا .. ولا ركزتي على القرائه اكثر ..

انا ماعرف ايش تخصصك .. ولكن باعطيك بعض الحلول اللي كنت اتخذها ولازلت اتخذ بعضها في دراستي ..

الكتب اللي تطلب في الكورسات ماطلع منها ولا اروح اشتري مراجع اخرى .. كل اللي اسويه اني امشي على السيلبس .. اشوف الكلاس حق بكره وش بناخذ واروح اقرا الموضوع واحضره والكلمات اللي مافهمها احدد عليها بالبرتقالي .. واما التعاريف احدد عليها بالاصفر ..!

احيانا احتاج الى ترجمة الكلمات واحيانا اعتمد على فهمها بسياق الجمله او بتعريفها بالكتاب باكثر شي .. وغالبا اعتمد على التعاريف بالانجليزي حتى لو مافهمت احاول ادور ترجمه انجليزي الى انجليزي اخرى .. واذا مررره مافهمت اروح اترجمها عربي .. والسبب أني احاول اتفادا الشيء اللي انتي فيه الان .. لان الشغله اللي اتعبتني اني كنت اترجم الى عربي بشكل كبير واحفظ وافهم .. بس مع الوقت لقيت لغتي وفهمي قليل لان كل فهمي عربي فصرت اترجم الى انجليزي وأسست فهم لاباس فيه ومشيت على هالطريق لحتى الحمد لله تحسن الفهم عندي بشكل كبير ... لان اذا حولتيه من انجليزي الى انجليزي تكون لك اكثر من فايده .. فايده بمعنى الكلمه .. وفايده انك تكتسبين كلمات ثانيه بنفس المعنى او مقاربه له ومعها امثله .. وفايده ايضا أنك تعودين عقلك انه يفكر بالانجليزي ... لحتى ترفعين من مستوى الاستيعاب باللغه عندك ..


ايضا من الاشياء اللي كنت اسويها اغلب الكلمات كنت ابسطها بنفسي ..
فالكلمه المعقده اللي اشوفها صعبه بالفهم ادور لها كلمه سهله بنفس المعنى واربطها معها .. ودائما اكتبها بجنب بعض ..

الكتب مو شرط لازم نقراها كلها ... فاغلبها حشو كلمات .. كل اللي عليك انك تستخلصين الفائده من القطعه اللي تحتاجين ..

مثلا القطعه تتكلم عن فوائد الصناعه مثلا ..
طلعي منها النقاط المهمه واتركي الباقي ..


الدكتور لما يشرح .. من المفترض ان الطالب يكون عارف درس اليوم ومحضره وجايب اسئلته معه .. فلما يشرح الدكتور يكون في باله هالشيء .. فلابد تركزين في كلامه اكثر شيء .. فهو ملخص للكتاب عندك .. واي شيء تحسين انك مافهمتيه او ماستوعبتيه .. تقدرين تسألينه ويفيدك بالموضوع بشكل ملخص ويسير ..

وتقدرين تستفيدين من النوتس اللي يكتبونها زملائك بالكلاس .. تقدرين تتفقين معهم على اساس انهم يساعدونك فيها ..
او تقدرين تفقين مع زميله لك بالكلاس تراسلينها بالايميل بحيث اي شيء يصعب عليك ترسلينه لها وتساعدك فيها .. ترى الشعب متساعد ..


فيه شغله احب اسويها في اول يوم اشتري الكتب فيها ..
اول ما اشتري الكتاب اروح للاندكس اللي فيه الكلمات اللي في الكتاب واقعد اقراها الشيء اللي مافهمه اكتبه على جنب واخليه واكمل قرايه .. وكل كلمه ماعرفه اكتبها على جنب لحتى انتهي من الفهرس ويطلع عندي تقريبا كم صفحه فيها كلمات ماعرف معانيها .. اروح واترجمها واحاول احفظ منها كم كلمه كل يوم او على الاقل افهم معناها مو شرط احفظ السبلينج او كيف تكتب .. اهم شي نطقها ومعناها عندي لاني باقراها وباعرف انها هي او باسمعها من الدكتور .. فكنت اركز على هذه النقطه بشكل كبير ..


على العموم .. اذا كنتي تبين تحسنين لغتك .. فركزي على مصطلحات مجالك العلمي اكثر .. يعني دايم اقري مقالات او مواضيع عن تخصصك في اي شيء كان اهم شي انه يخدم تخصصك .. طبعا هذا في وقت فراغك .. وان شاء الله كلها كم شهر ويضبط وضعك ..

هذا والله اعلم ..

الاخت الكريمة
السلام عليكم



الرد السابق من الاخ 1OK
رائع جداً

وعليك بالقراءة والقراءة والقراءة