ماهو اكثر شي صدمك في امريكا ؟
ماهو اكثر شي صدمك في امريكا ؟
تنبيه: هذا الموضوع قديم. تم طرحه قبل 4504 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - بـ صراحة انصدمت من ردود بعض الاعضاء7 "
ما ادري هل السبب هو الولاية اللي هم متواجدين فيها او انه معاييرهم جدا عالية !
صدمني في الامريكان
قلة النظافة >>> لا انعدام النظافة
على الرغم من رقي الاخلاق الا انه في الفلوس ما فيه يمه ارحميني لو يقدروا يسرقوا اللي فوقك واللي تحتك ما قصروا
انصدمت انه ولاياتهم مو متساوية من ناحية الخدمات يعني فيه ولايات واااااااااااااااااااااااو وفيه ولايات قسم قسمات انها كأنها جزء من السعودية - الله يعين السعودية عليكم كل شي في السعودية كل خبث في السعودية شي غير طبيعي7 "
- مافيه شي بامريكا عاجبني لا مواصلات سنعه ولا معاهد كويسه7 "
الشعب ماقدر احكم لان الاغلب ممتاز وتعامله جيد بعكس الانجليز .. هذي ممكن الشي الكويس اما الباقي كل شي سيئ
لا شوارع كويسه واذا ماعندك سيارة بامريكا تتلحط - وعليكم السلام ورحمة الله وبركاته7 "
انا الصراحة انصدمت من اكثر من حاجه
بس اهم اثنين هي
1- السعوديين غالبآ يتحاشون بعض بشكل غريب وخاصة في المدن الكبيره
2- نظرة الشعب الامريكي لك انك كاش ملياردير " ما يدرون ان اغلب الشعب مطفر "
الله يوفقنا واياكم والمسلمين في الدنيا والآخره - في ناس تمدح بامريكا لان ممكن ماجرب راح دول اوروبيه او انجليزيه مثل درس في بريطانيا ايرلندا نيوزلندا استراليا .. لان هناك فعلا تشوف النظام وكل شي ممتاز7 "
1- امريكا مزعجينا عليها قبل لا اجيها قلت الحين احسن من بريطانيا ونيوزلندا واستراليا لان درست في الدول الثلاث!! لكن فاشله والنصب على قفى من يشيل, حتى ان اهلي لمن يسألوني
كيف وضعك اقولهم كاني في مصر!! حاط يدي في جيوبي. بالعربي مافيه نظام بالجامعة تخيلوا لو تبي يخلص لك ورقه حق الملحقيه اذا تبيها اليوم عطه 10 دولار!! واذا تبيها بالوقت عادي تعاله بعد اسبوع!! كانك في وزارة بالسعوديه!هههههه وانا اقولك ليه حنا فاشلين بالسعوديه اثارينا نتبع امريكا بكل شي!! هذه غير لمن تروح اي مكان او مطعم ياخذون منك رشوه!! والشعب السعودي مبسوط ولو ماتدفع له يجلس يضحك عليك !! يعني يأيد الحرام!
2- المواصلات باغلب المدن فاشله يعني مايهتمون الا بالمدن الرئيسيه جدااا !! النظام بالسواقه همج ولا عندك احد!! بالعربي ماعندك سيارة تاكل تبن!!
3- مايهتمون فيك كـ طالب انترناشيونال يعني اللي ماعنده لغه او لغته سيئه مانصحه نهائيا يجي امريكا لانه ممكن ينقط بالسجن باي مشكله!! بسبب انه محد يساعد والمعاهد التابعه للجامعة مخيسه
والجامعة تبي بس فلوس.. يعني مايشرحون لك كل شي فقط يرسلون على الايميل طيب افرض هذه مايقراء ولا يعرف!! بعكس الانجليزي في الدول اللي ذكرتها بالاول مديرة المعهد يتابع كل شي لك ويسوي معك جلسه كل
نهايه اسبوع يجلس معك وينصحك على كل شي وش تسوي وكيف امور السكن... يعني تحس انك طالب انترناشيونال
4- في ناس مسويه زحمه انه الامريكان راعيين نظام ومواعيد.. هههههههه اقسم لكم بالله يوم كنت ادرس بالمعهد كلاسي يبدا 8 الصبح ولاني اخذ الباص الخايس والمواصلات خايسه
والباص يجي كل نص ساعه وانا بطبعي نظامي ولله الحمد فمتعود اجي المعهد قبل الكلاس بساعه!! تخيلوا المعهد يكون مسكر بالكامل!!! يعني مومشكله الناس ماتجي بس افتحوا المعهد اجلس بالسيب او اي شي
قلت خليني اجي 7 ونص والله العظيم المعهد يكون مسكر نفس الشي!! والاخوان مايفتحون المعهد الا قبل الكلاس 5 دقايق او شي!! والمدرسين يتاخرون
5-واللي اعتقد الاهم راتب امريكا مخيييييس ولاتقدر تعيش والملحقيه مستلعنه على الكل حسبنا الله عليهاز
اخيرا في ناس ممكن تقول انا ساكن بمدينه صغيره ولا اقدر احكم ابقول للجميع انا رحت اكثر مدن امريكا رحت كالفورنيا كلها من ساندياغوا الى نهائيا فرانسيسكو
ورحت فلوريدا كلها ورحت نيويورك ورحت هيوستن
الشي الحسن والممتاز علشان مانكون ظالمين: الامريكان صراحه الاغلب ممتازين في التعامل في الحياة العامه يعني عادي تسولف معه وتفتح موضوع بعكس الانجليز كانو شوي عنصريين
اخيرا انصح اي شخص يدرس لغه يذهب للدول اللي ذكرتها بالاول - مرحبا7 "
كثير ناس تغيرت عليهم الحياة بامريكا وابغي اكثر شي انصدموا فيه وماكانوا متوقعين هالشي في امريكا وهكذا
انا انصدمت ان
1. الشعب ديني ومحافظ ع دينه وكنايسهم بكل مكان كنت احسب انهم متحررين دينيا ومايهم ايش دينك
ممكن بنيتي حكمك على كثرة الكنائس لكن السؤال ( ماهي نسبة اللي يحضرون بالكنيسة بشكل مستمر) ، تحصلين الشعب المتدين والمنغلق فقط في الولايات الفقيرة والمدن الصغيرة ، لكن المدن اللي فيها جامعات كبيرة أو مايسمى الكولج تاون نادرا ماتحصلين المتدينين لإن المجتمع هناك يكون ليبرل ومنفتح على الجميع .
2. انه شعب راقي و متقدم و نظيف وشفت العكس انهم low class و همج
بكل امانة فيه نسبة فوق المتوسطة راقية ومثقفة ، لكن هذا مايمنع إن فيهم نوعيات متخلفة وهمجية، لكن أعيب عليهم الصراحة بنقطة النظافة .
3. الرقي بمستشفياتهم خرطي لاني قبل كم يوم بمستشفي وطفآ الكهرباء وعادي جدا الناس صارت تمشي بجولااتهم لا اضاءه احتياطيه ولا شي لدرجه قالوا تعالي بكرا
الصراحة توني أشوف مستشفيات ، لقيت عندهم ( النظام ، الدقة في التشخيص ، النظافة ، حسن الرعاية ، المتابعة المستمرة للمريض ، المرونة بالمواعيد ).
5. مطاعهم سيئه ما تنوكل اللي اكتشفته الله يكرم النعمه وسخه بشكل مقرف بعكس اوربا
بالنسبة لهالنقطة بوضح لك إياه بهالمشاركة
http://www.mbt3th.us/vb/forum8/thread344903.html
حسب ملاحظتي على الشعب الأمريكي :
1- شعب عملي للنخاع ( قد تجدين شخص عنده أكثر من ثلاث وظائف ، وبنفس الوقت مبسوط ).
2- شعب الإبتسامة ماتفارقهم .
3- شعب يحب مساعدة الأخرين .
4- شعب يحب القراءة بشكل كبير .
5- البساطة في الحياة ( يعني عادي تلقى برفسور بالجامعة وعمره فوق الخمسين ويروح ويجي للجامعة على سيكل ، أو تكون معه شنطة لعشر سنوات يستخدمه) ماأرهقوا أنفسهم بالشكلايات زي اللي موجود في مجتمعنا.
بالنهاية أمريكا عبارة عن خليط ثقافي يجمع كل بقاع العالم ، الداخل الأمريكي يعكس الصورة الأوربية والأسيوية والأفريقية والاتنية .
تحياتي - موضوع حلو7 "
انا ما زرت غير امريكا بس ما اقدر اقول انها احسن دوله بالعالم
باختصار سفرتي لها خلتني اشوف سلبيات السعوديه بكل شي الشوارع المستشفيات الجامعات الشي الوحيد اللي ما عجبني اكلهم طبعا لان اكل السعوديه غير
وصح اللي يقول كل شي عندهم بفلوس يعني في الحاجه هاذي اقول الحمدالله السعوديه مو زيها ورغم كذا السعوديه غاليه
يعجبني عندهم ان حياتهم بسيطه جدا ما فيها تكلف ما فيها فلان لابس ايش وراكب سياره ايش
مستحيل اقول انها احسن من السعوديه لانها ما تملك الامان اللي احنا الحمدالله نحسه واحنا نمشي بالشارع في السعوديه ، ما فيها جو العيله اللي نعيشه في السعوديه
باختصار السعوديه محتاجتنا احن يا المبتعثين نرجع ونغير السلبيات اللي فيها
محتاجين المهندس اللي يطور لنا شوراعنا والمباني حقتنا
الدكتور اللي يحسن الخدمات الصحيه عندنا
والاستاذ يطور مناهجنا عشان جامعتنا تنافس الجامعات العالميه
محتاجين الفرصه بس
.
.
. - 7 "حلو هذا الموضوع:
أنا عشت في بريطانيا 3 سنوات، وكنت أسمع أن البريطان رسميين، وأن أمريكا فرندلي ومن هالكلام.
بعدما جيت أمريكا انصدمت، وحنيت لبريطانيا، وعرفت أن أكثر الشباب اللي يروحون أمريكا، تكون أمريكا هي وجهتهم الأولى ويصير مقتنع أن أمريكا هي أم الدنيا يمكن لأنه ما جرب بلدان أوروبا.
المهم صدمتي تتلخص فيما يلي:
1) الشعب (أكثره) وقح في تعامله، لا تقول لي أنه فرندلي، والله هي وقاحة، وفيه نوع من العباطة.
2) احترامهم للمسلمة أقل مما كنت أشوفه في بريطانيا.
3) الدكاترة في الجامعة حسب ما شفت حتى الآن تعاملهم جداً سيئ وما ودي أقول عندهم عنصرية ضدك كأجنبي لكن فيه عدم اهتمام بك مطلقاً، أنا في كلاسين من الكلاسات كان ما عندي ولا أجنبي وأنا الوحيد اللي في القاعة، الدكتور يتجاهلني كثييير، ومرة أرسلت له إيميل وقال لي: Check with your classmates وطبعاً السبب أنه كان عندي Misprint في نسخة الكتاب اللي عندي، فرقم السؤال كان خطأ ولما أرسلت أسأله قال شف زملاك!
4) فيهم خيانة وغش، لو أنت ما انتبهت لنفسك، راح يأكلونك... قبل مدة كنت في محل، وأعطيت المحاسبة فلوس ورجعت لي مبلغ أقل وحاسبته وقلت لها باقي، قالت: You are wrong قلت: أنا عطيتك عشرين والحساب 14 كيف ترجعين لي دولار! قامت تكملت مع اللي جنبها ورمت لي 5 دولار كأني أشحذ. موقف ثاني صاحب تكسي عطيته 100 دولار، ورجع لي دولار قال أنت أعطيتني دولار، قلت: أنا ما عندي إلا مية دولار كيف عطيتك دولار، ويمين يسار، قلت خلاص اتصل على الشرطة، قام طلع الجوال وطلع فلوس، ورجع لي 87 وشوي بعدما أخذ حق المشوار، ومواقف والله كثيرة منها المؤجر حق البيت وغيرها وغيرها.
5) إزعاج الجيران كثير، ولا تستغرب لو أحد دق عليك الباب ومشى، أو سمعت خبطة على الباب إلخ.
6) مواعيدهم اخرطي بمعنى (اخرطي) يقول لك موعدي معك 10 ويجيك 10:30، آخ بس سلم لي على البريطانيين، أما الأمريكان والله فيهم منا الكثير.
7) سواقتهم شوي عفشة، وعند الإشارة لازم تنتبه لنفسك فيهم عباطة شوي، وعجلة، ومو ملتزمين زي ما كنت أشوف في بريطانيا. أيضاً يحبون السرعة هههه
8) فيهم شغلة كرهتها من كل أعماقي: تطنيش للإيميلات من جد جدهم! وإذا رد عليك رد بعد ثلاثة أيام، وأنا والله اكتشفت هذا وأنا باقي في السعودية كنت أاراسل الجامعات ويتأخرون في الرد ومرة ما يردون، وكنت مستغرب جداً، لكن بعدما وصلت هنا عرفت الوضع. من تجربتي في بريطانيا: والله يا هم يعشقون الرد على الإيميل.
9) جامعاتهم (على الأقل جامعتي) غير مهتمة بك، كل يوم تكتشف أنت بنفسك أنه كان لازم أسوي كذا وأنا ما سويته، ما فيه أحد يوضح لك بعض الجوانب، وطلابهم فيهم غباء متجذر في خلايا عقولهم، ما يفهمون بسرعة يجننون الدكاترة.
10) فيهم ريحة ما أدري وش هي بالضبط بس والله إني أتفادى القروبات في الكلاس لأني ما أطيق ريحتهم أعوذ بالله.
11) مطاعمهم وسخة! مقارنة بمطاعمنا في السعودية ما راح أقول المطاعم اللي شفتها في أوروبا.
12) مناهجهم قوية بس دكاترتهم ما يعرفون يشرحون، والله كأني في السعودية.
13) النقل العام عندهم من جنبها، ومواعيده غير منضبطة، ووساخة إلخ.
14) وأخيرا ذابحتهم السمنة هههههه
باختصار: تجربتي في بريطانيا كانت أفضل بكثير، وكنت أقول راح أطول في دراستي في أمريكا، وسرعان ما غيرت رأيي، بأشتغل وأخلص بأسرع وقت بإذن الله.
تحياتي،،،
لي أخـوة يـدرسـون في بريطـانيـا ونسمـع الكثيـر وبإختصـار الولايـات المتحدة بلـد الخيـارات الـواسعة..
إذا تعرضت لتصـرف ما, لا يعنـي بالضـرورة تعميـم ذلك علـى الجميـع,
نحن نتكلـم عن الأغلـب والصفـة السائـدة في المجتمـع الامريكـي.
المجتمـع الامريكـي لايقـارن بالمجتمـع البريطـاني من ناحية التصـرف والتعـامل. بالطبـع المجتمـع الامريكـي أفضـل.
امريكـا لا تقـارن مع بريطانيـا من ناحيـة الجامعـات والمستـوى المعيشي وطريقـة التعليـم.
توجـه السعـوديين لبريطـانيـا لسبيين رئيسين :
قصر مـدة الدراسة مقارنـة بأمريكـا.
السبب الآخر, قربها الجغرافي من المملكة العربية السعودية.
لكن أغلب الاسباب التي ذكرتهـا, أنا لم أرى منها شيئ وممكن يكون ,لكن لا يكون السـائد في المجتمع الامريكي.
- لسع ما قريت و لا كلمة في الموضوع7 "
لكن أعجبني السؤال في العنوان
جديد و مهم و مفيد
شكرا لك
جاري قراءة الموضوع و الردود
انا صراحة انصدمت من الملحقيه اللي معقده الامور مافيه طالب الا ويشتكي منها