جامعة UNCC ومعهد ELTI طلبو معادلة شهايد الثانويه عشان يعطوني القبول, عندي كم سؤال!BA

اها طيب راح اسويها هذي حركة الختم .. وبالنسبه للمكتب ابشر تامرني امر بس اخلص بنزل موضوع عنه وهو الى الان ايجابي جدا ماعانيت ابد ممكن يحصل تاخير يومين ثلالث بس طبيعي نقدر انشغال الناس .. وبخصوص المعادله هو اول ماكلم الجامعه قالو له بيجيك قبول المعهد والجامعه بمده من 4 اسابيع الى 7 اسابيع وجلسنا نضبط الاوراق ونراسل و و و بعد كذا لما جينا نرسل الاوراق للجامعه توها تقول مسؤولة القبول للرجال حق المكتب توها تعلمه انه لازم نسوي معادله للشهايد هو ماكان يدري وهي اصلا ماعلمته فهو زعل منها وقال ليش من اول ماعلمتيني وهي اعتذرت وانحرجت فقالت هي اساسا القبول ياخذ 3 الى اربع اسابيع ومع المعادله الي مدتها اسبوعين كله ياخذ 4 الى 7 اسابيع وقالت انها نست تعلمنا عن المعادله فهو جا علمني عن هالشيء وقال لي اسم الشركه وعنوانها وسالته عن طريقة مراسلتهم وهو امس دق على الشركه ماردو وكلمهم على الايميل واليوم بيردون خبر بيعلمونا كم التاكليف + طريقة المعادله .. وبخصوص المكتب الي اتعامل معه هو اتعامل مع شخص واحد بس وما شاء الله عليه فاهم شغله وكل شيء الى الان معه ماشي تمام " ما شاء الله " وهو قال لي انه حاليا خلص كل الطلاب الي عنده جاب لهم كلهم قبولات بس بقيت انا وبيخلصني قبل اجازت الحج وانهم حاليا مراح يستقبلون طلبات الا بعد الاجازه فزي ماتقول انه ولله الحمد تفرغ لي والانسان مره طيب وعملي جدا وانا واثق فيه كل الوثوق ومعتمد على الله ثم عليه .. والمكتب حقهم على علاقه مع جامعة شارلوت من سنتين وهم يتعاملون معها وهو الرجال ذا اتوقع انه يعرف مسؤولة القبول بحكم انهم على تواصل من سنتين .. سالفت المكاتب اريح بكثيررررررر من انك تشتغل لحالك بس اهم شيء تلقى مكتب كويس وتنشششششب لهم .. وشكرا لك يا اخوي تشارلوت ان سي

ممتاز كلام المكتب منطقي جدا ويطمن بدون عنصريه شكله سعودي.

اغلب المكاتب يعطون وعود خلال ٣ اسابيع وبنشيل عليك المعادله وكذا لين ياخذون الفلوس ويبدا التسحيب لكن خويك واضح انه منطقي
انا اقولك بتاخذ من ٤- ٦ اسابيع من اكتمال المتطلبات الي من ضمنها المعادله.
وبتوافق اجازة راس السنه.
يعني خويك كويس الي ما يعطي وعود واجد ادر انه كويس

بخصوص انه يتعامل مع نفس الجامعه من قبل كيف ما عرف انها تطلب معادله!!

نصيحه:

ترى قبول اللغه ممكن يخلص في اسبوع الى اسبوعين اطلب الاي توني
وابدا في اجرائات الفيزا

يااخوي انت وين رايح هههههههههه
انا متخرج من الثانوي قريب وجبت قبول معهد وقبول جامعه الحمدالله
صراحه اول مره اسمع ان في معادله الشهايد حقت 3 سنين
الي يعادلون الشهاده هم خريجي الدبلوم وحقين البكالوريس
بس انت لا لان الشهاده مترجمه حقتك
واذا المكتب قال لك الكلام فهو نصاب يبي ينتفك في اي طريقه تره في واحد نتفه المكتب في 8 الف ريال وانت انتبه
في مكتب يجيب لك القبولك بدون ماتعادل شهايد واضن ب2000 ريال قبول معهد + قبول جامعه + حجز موعد وتعبيه نموذج D164حق السفاره الامريكيه لا وفي 10 ايام في الكثير 20 يوم
اما تقولي تعادل الشهاده اول مره اسمعها

من 4 الى 6 اسابيع هذا قصدك قبول الجامعه والمعهد ؟ ولا بس المعهد .. ان شاء الله بطلب i-20 مثل ماقلت عشان السفاره بس اذا بعد شهر ونص اخاف تاخرني السفاره .. بالعاده كم تقعد اجرائات السفاره ؟؟ واجازة راس السنه من متى لمتى ؟ اخاف لما اخلص كل شيء تبدا اجازتهم واجلس انتظرهم وانقع
والرجال نعم سعودي ومايعطي وعود كلامه واضح

شكرا لك

اشكرك على ردك واتفهم نيتك بمساعدتي بس هي يا اخوي تفرق من جامعه لجامعه انا جامعتي ومعهدي لازم الطلاب الاجانب يعادلون درجاتهم وهذا شرط من شروط الجامعه الي بنضم لها عكس جامعتك الي ما عندهم هالشرط .. فهي على الجامعه مو من راس المكتب ولا راسي .. وانا بدرس بكالريوس وتو متخرج من الثانوي عارف ان المعادله بس للي معه دبلوم بس ذوليك اتوقع معادلت اوراقهم اصعب واكثر تعقيد اما معادلت الشهايد لا ماهي ذيك المشكله ..
وبخصوص المكاتب الي تلعب على الناس صحيح موجوده بس المكتب الي انا معه واثق فيه .. وما اتوقع اي مكتب يقدر يجب لي قبول من هالجامعه الي انا مختارها بدون معادله لان مثل ماقلت لك من شروطهم.. والمده عندي مو مهمه طالما ان كل شيء يخلص قبل تاريخ 1/1/2013 وهذا المتوقع باذن الله العلي العظيم .. ادعو لي بس واذكرو الله ترى العين حق

طيب حبيبي المعهد بيقدر يجيبه لك في فتره قصيره ممكن اسبوعين او اقل
والمعهد هو الي بيصدر لك الاي توني
وعن طريقه تبدا في الفيزا الي بتاخذ معك حول ٣ اسابيع
خلالها يكون قبول الجامعه قرب يجي

امش مع الرجال وامورك طيبه ان شالله

بالنسبه للاخ الي مدرعم لا تعليق