الانتقال الى جامعة اخرى بدون ما يحسبون الدرجات السابقه

و عليكم السلام اخي الكريم

احببت ان ارفع الموضوع كي يتم الرد عليه من قبل من لديه معلومات عن استفسارك

تحياتي

تتوقع ان الملحقية راح تسمح لك بالشيء هذا ؟؟

والشيء الثاني اللي اعرفه لما تنتقل لجامعه ثانيه راح يعادلون لك الساعه .. واذا تبي تبدأ من جديد لازم ترجع السعودية وتقدم على الجامعه الجديده وتدفع رسوم سيفيس جديد وتطلع فيزا جديده والملحقية اكيد راح يرفضون مع الأسف

السلام عليكم ورحمة الله وبركاته.
أنا كنت طالب بالسعودية ووقفت وجيت أكمل هنا حاولت بأكثر من جامعه إني أبدأ من جديد ورفضو بسبب انه عدد الساعات اللي خلصتها بالسعودية عالي وسألت واحد في مكتب القبول بجامعتي وش بيصير لو سويت اني طالب جديد وماقلت لكم اني درست قال يعتبر تحايل على النظام واذا صدناك بتنفصل وتحرم من التعليم وتلغى فيزتك. فيه حل واحد انك تدور على جامعه تشترط للتحويل عدد ساعات عالي وانك تكون تحت ذا العدد وبذالك تقدر تبدأ من أول وجديد. واذا حاب تستفسر أكثر بالموضوع أنا جاهز أجاوبك على اللي تبي.

^^

طيب انا درست في الجامعة العربية تقريبا سنة ووقفت عن الدراسة

اذا بقدم على جامعة لازم اعطيهم المواد اللي درستها او اقدم كاني جديد ؟!!

على حسب عدد الساعات اللي مخلصها. فيه جامعات ممكن تعتبرك ترانسفر اذا كنت مخلص فوق ٤٨ وفيه جامعات فوق ٢٤ وفيه جامعات ١٤ وتختلف من جامعه لجامعه. وبعض الجامعات يشترطون معدل معين. يعني هو يعتمد على عدد الكريدتس اللي خلصتها وعلى الجامعه نفسها.

^^

يعني من كلامك لازم اعطيهم عدد الساعات اللي خلصتها وما يصير اقدم كطالب جديد ..!

مثال لو رحت للجامعه اللي حاط رابطها تحت. يقولون إذا مخلص أكثر من ٣٠ كريدتس احنا بنقبلك بناء على شغلك بالكلية اللي محول منها. إذا كنت أقل احنا بنقبلك بناء على درجاتك حقت الثانوي.
Transfer Student | Admission and Aid | DePaul University

طبعا فيه جامعات أكثر من ٣٠. أذكر كان فيه جامعه حاطين عدد الساعات ٧٦ بس كانو طالبين توفل عالي جدا.

 المشاركة الأصلية كتبت بواسطة al_faisal

السلام عليكم ورحمة الله وبركاته.
أنا كنت طالب بالسعودية ووقفت وجيت أكمل هنا حاولت بأكثر من جامعه إني أبدأ من جديد ورفضو بسبب انه عدد الساعات اللي خلصتها بالسعودية عالي وسألت واحد في مكتب القبول بجامعتي وش بيصير لو سويت اني طالب جديد وماقلت لكم اني درست قال يعتبر تحايل على النظام واذا صدناك بتنفصل وتحرم من التعليم وتلغى فيزتك. فيه حل واحد انك تدور على جامعه تشترط للتحويل عدد ساعات عالي وانك تكون تحت ذا العدد وبذالك تقدر تبدأ من أول وجديد. واذا حاب تستفسر أكثر بالموضوع أنا جاهز أجاوبك على اللي تبي.

حياك الله اخوي

انا طالب بأمريكا وخلصت الان 24 كردتس (ترمين)
كلها للاسف (رسبت فيها)

انا الان (بالترم الثالث) وسجلت 12 كردتس بس حتى الان ماكملتها يعني ودي اسحب وانا بنص الترم هذا


لاني اذا كملت الترم الثالث ولانجحت بالـ12 كردتس كامله وجبت A بكل المواد راح انفصل من الجامعه
وهذا الي خلاني ابي انقل وابدا من جديد لاني واثق اني ماراح اجيب A بكل المواد

فهل فيه امل انهم يقبلوني من جديد بناءً على 24 كردتس مخلصها
او بيحسبون الـ12 كردتس الجديده حتى لو ماكملتها ؟



وجزاك الله خير والله يوفقكم

ألله يعينك أخوي وييسر عليك ويوفقك.
أول شي مالك الا تشوف لك جامعه مشترطه انك تكون مخلص عدد ساعات مثلا نقول ٣٠ وانت مخلص ٢٤ بذي الحالة انت بتكون تحت عدد الساعات المشروطه وتقدر تبدا من أول وجديد.