حوار سفرتي بعد يومين الى سان دييغو (بإذن واحد احد) الي عنده استفسارات يتفضل

وعليكم السلام ورحمة الله وبركاتة

الله يوفقك ويسر امرك توصل بسلامة اتمناالك التوفيق والنجاح

اخوي على طاري القبول المشروط باللهي عليك وين جبت القبول باللهي علمني خويي يبي قبول مشروط ..اذا ماعليك امر

الله يوفقـك ..

يآ‘ليت بس تقولنإ عن نظآم المعهد هل هو شهري وكم ليفل فيه ؟ .. وسعره ؟

امين وياك ي رب ..
عن القبول المشروط امره سهل
هذا رابط لستة الجامعات التي تعطي قبول مشروط - الملتقى السعودي فيه لسته طويله الي تعطي قبول مشروط
اختار منهم واحدة واكتب القبول عند طريق الاونلاين ورفع صورة من الجواز و الضمان البنكي او الشهادة البنكية
بعدها تدفع رسوم
بعدها بكم يوم يردون لك ارسلنا شهادتك الثانوية وتوصيتين والغالب م يطلب توصية
وبس ويسهله الله بعده بكم اسبوع يجي القبول او لخويك

و يوفقك ي رب المعهد اسمه cisl لا ادري بتحديد نظام المعهد لان ماخذ كورس ٨ اسابيع استعداد لتوفل
لان اللغة معي كويسة
لكن فيه نظام كل اسبوع يبدا كورس وفيه كور اكديمي لتجهيز للجامعات مدة حول ٦ شهور الئ ٩ وفيه كورسات تبداء كل ثلاث شهور مدة ٦ و ٨ اسابيع

الله يجزاك خير يالغالي الله يعطيك العافيه المشكلة في تعبية الابلكيشن .... موفق خير ان شاء الله

عندي كم سؤال ..


المعهد دفعت رسومه ولا اذا وصلت بتدفع لهم غير رسوم الابليكيشن طبعاً !!..

العائلة عن طريق موقع او من المعهد وهل دفعت لهم اول شهر او كيف ؟!!

اي اخطاء او تجربه مريت فيها ياليت تذكرها حتى نستفيد ..


وجزاك الله كل خير والله يوفقك يارب ..

ابي تبناني ,, لان 90% حاختار كالفورنيا , واحتاج شوي من خبرتك اذا تسمح ( وياليت لو لي بطريقة تواصل مع سموّك ترسلها ع الخاص ايميل او ماشابه ) ,,

صدقني ي الغالي تعبيته سهله بس شوية انجليزي واذا جيت تعبي عطني النموذج اترجمة لك لا يهمك ،،

المعهد ارسلوا لي عن طريق البريد الاكتروني ورقة اطبعها وحط بيانات الفيزا والتوقيع وبعدها اسوي لها سكان ويخصموا المبلغ
وعطوني تاكيد القبول وبس ..

ومن الاخطاء الاستعجال وتبكير السفر لانه تقروش وهذي اول مره ارتب الامور
فا تلاقين اغلب وقتي ع هذا الكمبيوتر الاسابيع الاخيرة
من قراءة وحجز وتعلم كيفية التقديم والدخول على مئات المعاهد
لعدم خبرتي وامور والجامعات راسلت جامعتين
ودفعة رسوم التقديم وبالنهايه م تعطي قبول مشوط ومن هذي الامور عاد

العائلة فيه عن طريق المعهد كل معهد يوفر عائلة لكن المشكلة اسعار بالحيل مرتفعه ولا فيه اي ميزة تفرق فيه

فالافضل انك تروح تبحث بنفسك

البحث ويكون عن طريق مواقع homestay بحيث تبحث وتحط جنب الهوم ستي المدينة الي تبيه ويطلع لك ميات العؤائل الي تقدر تراسلهم
اما عن طريق الجوال وهذا انصح فيه بقوة تشتري رقم عن طريق السكايب وتتفاهم معهم او الاميل الي الموقع بيكون موفر لك وسيلة تواصل

ومن المواقع المشهوره لهذا الغرض واستفدت شخصيا منها
homestay, looking for host families, homestay accommodation
Homestay Finder - Helping host families and international students to find each other
HomestayWeb - Find a homestay family
Homestay in USA, Canada, Australia, New Zealand, UK... and all over the world

راسل كل عائلة تشوفها مناسبة واطلب صور للمنزل وتحاور بالسعر تراهم حبيبين :P

غير كذا في مواقع تدفع لهم ١٠٠ دولار و٢٠٠ دولار تأمين ويجبون لك العائلة

اما الدفع فا عند الوصول تدفع شهر بشهر او الغالب بالاسبوع وفيه بالايام
اتمنى اكون افدتك

من عيوني خذ السكايبي تبعي k-abuwaleed ضفني وان شاء الله يكون خير هههه ي سموك ^ـ^

القبول المشروط .. هو اللي يقولون لك خلص المعهد وتدخل الجامعة بدون توفل ولا ايلتس صح ؟

طيب ابي كذا انا