الحسد!!

لاحظت في بعض الأخوة المبتعثين الهوس الشديد من موضوع الحسد خصوصا مبتعثي أمريكا!!!!! والسبب أمريكا بحد ذانها وليس الدراسة والطموح ووووووو .... ألخ

أنا ماأنكر وجود الحسد ,,, لكن أستنكر الوسواس وهاجس الحسد ,, يعني لدرجة واحد من الشباب كان جالس مع أعز أصحابه عشرة عمر وكانت رحلته من الغد لأمريكا ولاعلمهم أنه مسافر!!!! هذي وسوسه ليس إلا...

أخي وأختي المبتعثة ,,, إبتعاثك لأمريكا أو غيرها لايعني أنك الإنسان الجهبذ والأفضل وأن الناس بتموت أنك طلعت بعثة ترى أغلب الناس لاهي في همه ومشاغله ناهيك أن البعض وضعه في أحسن مايرام في وطنه ولافكر فيك

كلامي هذ رأيي الشخصي ولاأجبر أحد عليه ولاأقصد به التجريح لأحد ,,,, ولكن أنصح كمسلم بالتوكل على الله وأنه لن يصيب المرء إلا ماكتب الله له

مععع زااااااااااتن يااااا زووول ( مع نفسهم)

انت باقي لك شهر خلص امورك وعد اشتر اغراضك وجهز عمرك وقبلها مر ودعهم والسنين تنسي يبووووي


وبالتوفيق ( لااااااااااا تششششغل حالك بخرابيط تروح بعد شهر ولا شهرين)

يا اخوي المشكلة مو انه المبتعث يحس نفسه جهبذ
المشكلة الناس على بالهم امريكا سسطح القمر !!!! انا وحدة من صاحباتي كل ما كلمتها تسألني نفس السؤال
كيف امريكا ؟!
كنت ارد عليها : عادي و الله ما فرقت عندي عن السعودية وانا فعلا احس كذا
تقول لي : كل هـ الحرية و ما تفرق عن السعودية على بالك ابحسدك !!!
ناس زي كذا كيف تقنعهم انه فعليا ما فيه فرق !! ما احد يحس بـ فرق الا شخص يدور على الحرام لانه يلاقيه هنا بـ سهولة
اما اللي عايش وضعه في السليم ما رح يحس بـ فرق كبير يمكن مسألة النظام لا اقل و لا اكثر اما غير كذا فعليا و لا شيء

لا يخلو جسد من حسد
وانت شكلك عارفهم من قبل لذالك ليش ما استعنت بالكتمان
هيا انتبه على نفسك و اتحصن كل يوم وحافض على الصلاه و الأذكار وبطل وسوسه "ماراح يصير لك غير شي الله كاتبه لك"

ايه ولله صدقت بهالموضوع
سبحان الله اشوف البعض من اقرب اقاربي من عرفوا وهم شابين نار على ابوي مع اني لو اموت او امرض ماهتموا ولا سئلوا يذكروني بإن تمسسكم حسنة تسؤهم
حسبي الله ونعم الوكيل

ههههههههه يارجل ذكرتني باول ماقررت اسافر لامريكا هههههه
اذكر اول ماقررت اسافر لامريكا .. لقيت اللي مستانس لي واللي يحسدني ..
بس اخوك تطنيش ماعلي فيهم .. ماحد يقدر يسوي شي القرار قراري والامر بيدي بعد الله سبحانه ..
مادام ابوي وامي راضين علي .. فليش اهتم للباقين .!
وفعلا كملت اموري كلها .. وحجزت .. وكان بيني وبين الرحله تقريبا شهر ..
وكنت اجهز نفسي في خلال هالشهر ..
طبعا انا ماقلت لاحد ان رحلتي بعد شهر .. بس علمت ابوي وامي ..
وهم ماقصروا هههههه مو ناقص الا وزارة الاعلام يعلمونهم هههههه

من بعد ماعلمتهم بيومين .. الا الامور اختلفت ..
اول شي صار انا مرضت اسبوع كامل حمى لدرجة اني ماقدر احرك يدي ..
ولما تعافيت لله الحمد .. بعدها بيوم .. صارلي حادث ههههههه
والحمد لله جات بالحديد وانا بخير وصحه .. وانشغلت بسالفة التامين والسياره ...
وبعدها اذكر امي كانت تقولي ياوليدي اقرا على نفسك واقرا الاذكار واظب عليها وباذن الله مايصيبك شي ..
وواظبت عليها لله الحمد .. واموري مشت بالسليم ..
ليما وصل يوم رحلتي .. يوم ركبت الطياره كان الوضع عادي ...
بس يوم مسكت الطياره خط بالجو .. جاتنا مطبات قويه لدرجة اني حسيت ان الطياره بتطيح من قوتها ..
انا قمت اتشهد .. واسمع هالمصريين وراي يقولون " يالهووووووي " .. ههههه انا فيني الضحكه خلاص مسلم امري لله ..
وهي 14 ساعه رعب هههههه بس مع ذلك اخوك متوكل على الله ..
ووصلنا لامريكا لله الحمد وتاخرنا عن رحلتنا وتمرمطنا يوم كامل بالمطار لان رحلتنا تاجلت لثاني يوم .. الخ
بس الحمد لله قليل من الصبر وكثيرا من التوكل على الله .. وصلنا لمرادنا لله الحمد ..
وبعد كم يوم جاني خبر من اهلي ان فيه واحد من عيال عمي جا في نفس اليوم اللي سافرت فيه جاهم ..
ولما عرف ان سافرت قال لاخوي " هالادمي ريشه ماتمسكها القاع" .. < ابوك يالوصف هههههههههه
وعرفت انها جات بالطياره ههههههههه بس الحمد لله ربك ستر ههههههه

وهذا بفضل من رب العالمين ثم بفضل الاذكار والتوكل على الله ..

فانا اعيد عليك الكلام واقول " واظب على الاذكار .. وتوكل على الله " .. ولو اجتمعوا عليك الناس كلهم يبون يقطعون رزقك ... والله كاتبه لك .. راح تاخذه رغم انوووفهم كلهم ! ..

مو حكاااية وسوسه بالحسد بس من واقع اللي نشوووفه

انا عن نفسي مخبيه الامر وباااقي ماسويت شي
والا وحده من اخوياااتي جابت خبري بالرغم ماكنت ابيها تعرررف

ما ابغئ اظلم نفسي واظلمها لكن هي الله يهديها كل مررره طااابة لي بسؤال
هااه وش سويتي؟ بتكملي اجرأتك والا لا؟ ومتابعه الموضوع من غيري حبه حبه
لدرجة يوم نزلت الترشيحات قااامت تسالني وتقوول هاتي رقم طلبك انا بتابعه


بالله وش اسمي هذا

وفوووق هذا كله ع الواتس صررت مراقبه متئ اطلع ومتئ ارجع
من قبل ماكنت احس بذا الاهتمام كله

والحمدلله ع كل حاااال

الله يسامحني ان كنت ظلمتها لكن هذا الظاهر والنيات علمها عند ربي

عادي يارجال ذي تصير مع كل واحد

والحافظ الله

ماعليك من احد انت تحقق شي لك
بكره ليا رجعت وتوظفت بتمنون انك تعطيهم وجه

شد حيلك

ههههههههههههههههههههههههههههههههههه عبالي انا الوحيدة
والله أنا كنت ساكتة لييين شافتني وحده بتدقيق الاوراق وكشفت أوم أومي عند بنات دفعتي
وناس زعلت مني ووضحت لهم انو مجرد تدقيق أوراق ماجا قبول
وساكته يادوب كم خال ليا يعرف وخاله طبعا الاقرب إلى قلبي
ولمن تقريبا خلصت وقالت ماما لقريبة لها حقت عتاب شديد قالت لها باركي لبنتي بتطلع تكمل دراستها
أول سؤال انسأل مع مين << عارفيين ماعندي أخوان كبار
طيب الله يجزاك خير فين ربنا يوفقها فين ان شاء الله ترجع وترفع راسكم بين الناس مافيي
غير وحده قابلتها لا اعرفها ولا تعرفني لمن عرفت اني مبتعثه ان شاء الله ( يوووه صعب مررا بتتعبين ايش دا ) <<وهي مبتعثه
ببساطه سرنا نعرف مين اللي قلبه علينا ومين اللي لا
اتحصنوا , استودعوا انفسكم الله , وكملوا أموركم

يا ربي حسد
يا عمي تراها بعثه قرف و طفره و غربه
u will see