عفشنا بالسفر :)

بالنسبه لجوالك عادي طبعا مو لازم تغيريه
وفيه شركات اتصال كويسه هنا
انا اخذت شريحه من شركة تي موبايل
50 دولار شهريا
وفيها مكالمات مجانيه غير محدوده ع امريكا
ورسايل اس ام اس مجانيه
ونت برضو مجاني
كلووو ان ليمتيد


وبالنسبه للحاجات اللي محملتها الافضل انك تكوني في السليم وتمسحي اي حاجه بطريقه غير قانونيه

انا ما فتشوني ابدا
ولا فتشو اجهزتي
بس الواحد لازم يحتاط

وبالنسبه للادويه عادي مو لازم روشته ولا شي

انا جيت هنا وانا حامل ومعايا ادويه مرره كثير وبكميات كثيره حقت 3 شهور قدام
وحطيت كل مجموعه في شنطه
حتى شنطة يدي حطيت فيها ادويه كتير
ومحد كلمني عليها!

وزوجي برضو عندو ربو ومعاه بخاخات بدون وصفه ومشي الحال الحمدلله

والمترجم صراحه ما تحتاجيه
خلاص الجوال يغني عنه


تجي بالسلامه يارب

يسعدك ربي ياسمييت أختي

طيب سؤال يعني خاص بالبنات , دحين كم عباية تقريبا احتجتي وكم طرحه

وعادي تلبسي الجاكيت فوق العباية والا شكلنا يجي

والله انا حاليا البس بنطلونات وجاكيتات طويله للركبه

بس اذا بتلبسي عبايات لازم تتاكدي من نوعية القماش مزبوط للنو اغلبها تنعدم مع الغسيل وكدا

واتوقع عدد ٣-٥ عبايات كافي

وبالنسبه للطرح اشتري كثيير مو اقل من ١٠ وبرضو حتلاقيها هنا موجوده


وبالنسبه للجاكيت فوق العبايه عادي فيه بنات يلبسو كدا بس فالشارع ولما يدخلو المعهد او المول يفصخو الجاكيت


ويسعدك يارب يا بنت مدينتي وجامعتي ^_^

اهااا يب شوفت الاقمشه طلعت عنوني

يب الجاكيت عشان لمن فكرت فيها ادا لبست جاكت تحت العبايه باحتر واتورط

وخفت البس جاكيت ويجي شكلو أوبس يتبروون مني ههههههههههههههه

آمين يارب ,

أقولك قدرتي تعيشي بدون نعناع

يب عاادي
النعناع يهووووون مع باقي الاشياء

الحمدلله ع كل حال

وعليكم السلام ورحمة الله وبركاتة

صراحة ما انصحك في T-mobile والله خدمتهم للاسف الشديد سيئه مره انصحك في شركة تابعة لـ At&t اسمها H20 حلوه وشبكتها ممتازه

اما من ناحية المترجم انصحك تحملينه من الجوال اذا معاك iphone اسمه camDi...nary كويس موفقه

يسلمو خيو

شكلنا نبسط هناك نشوف الشركات , لا قوالي اس 3 سامسونغيه للنخاع

دحين اشوفه بالستور ان شاء الله القاه

- - - مشاركة محدثة - - -

والله أنا العطرة اعشقها مع الشاي
غير المكسرات اليابانية أحب أمشي وأطقطق فيها

بـ النسبة للجوال عادي رح تلاقي شركات تشغله لك بس ما رح تحسي بـ السرعة الخطيرة تبع الجهاز الا بـ فواتير تقص الظهر
بـ النسبة لـ المترجم اشوف انه ما ودى الطلاب في داهية الا هوه لانهم يعتمدوا عليه بدل ما يعتمدوا على ذاكرتهم و قدراتهم الشخصية في فهم
الكلام فمهما عدوا مستويات يظلوا اقل من غيرهم خاصة في ناحية التحدث
العباية اذا انتي رح تلبسيها بـ استمرار فـ يفترض انها تغنيك عن اللبس و احسبي كرف سنه كاملة و مع الغسيل و الكوي رح تنعدم بـ سرعة
يعني يبغى لك ما لا يقل عن 8 عبايات عشان تبدلي بينهم و تظلها بـ شكل مرتب عليك واهم حاجة خليها على قدك بـ التمام مو اربعة متر وراك
لانها رح تبهذلك في الشتاء مع الثلوج و الامطار
من ناحية النعناع ترى فيه ولايات كثيرة تبيع النعناع عادي يعني صحيح انه مو زي النعناع المديني بس لساته نعناع
و المكسرات اليابانية انا شفتها اكثر من مرة بـ الوول مارت بس اكيد ماهي نفس جودة اللي في السعودية >>>> لا تخافي ما رح تروحي مقطعة كل شيء موجود ان شاء الله
بس يبغى لك تفرفري شوي عليها

أجل فواتير ها هههههههههههههههههههههه ممكن نت بس , لأنو مو راعيه هرجة جوال مرا وانغث منها
8 والله كتيره مرا
والله شكلي اروح النقلي والا الرفاعي أخد لي كيس محترم

شكرا ياعسل