طلبتك والله اني تعبت نفسيا من المدينة اللي انا فيها

ان شاء الله يفيدوك الاخوان بالتوفييق

- - - مشاركة محدثة - - -

ان شاء الله يفيدوك الاخوان بالتوفييق

نفس الووووووووووووووووووووووووووووووووضع ...بس الحمدالله على كل حال ..افضل تشتري لك سياره وكل ويك اند تروح لمكان راح ترتااااااااااااح ...

وعليكم السلام ورحمة الله وبركاته,,
حياك الله عبدالعزيز,,
دعنا نناقش الموضوع من خلال النقاط الواردة أعلاه,,
١- المساجد في كل أمريكا عددها قليل جدا ، وكل الطلاب لهم نفس الوضع اللي معك. صلاة الجمعة تكون في الجامعة مع المسلمين ، بينما الفروض نؤديها في الغالب بشكل فردي. يعني لا تتوقع أن انتقالك إلى مدينة أخرى سيغير هذا الوضع .
٢- أسعار السكن مرتفعة في أمريكا ، ويعتبر السكن لديكم في حدود المتوسط والمعقول جدا. السكن لوحدك سوف يكلفك الكثير من المكافأة ، بينما المشاركة -مع الصحبة الصالحة- سوف يوفر عليك الكثير. إذا كنت من الشخصيات التي تحب العزلة والانفراد ، يجب عليك تحمل تبعات هذا الشيء,,
٣- بإمكانك استغلال الساعات المكتبية للدكتور من أجل السؤال والاستيضاح عن النقاط الغامضة. غالبا في السنة الأولى ستواجه بعض الصعوبات في بعض المواد بسبب اختلاف الحياة الأكاديمية ، لكن بما أنك استطعت النجاح -ما شاء الله تبارك الله- فهذا يعني أنك متميز جدا. مسألة وجود المدرسين الخصوصين تحتاج إلى إعادة نظر من أغلب الطلاب السعوديين ، لأن الأمريكان أسوأ وأكذب من المصارية في السعودية فيما يتعلق بالدروس الخصوصية ، لأن الهدف لديهم اكتساب الدولار بأي طريقة. ومع ذلك: تستطيع تجاوز هذه النقطة من خلال الدخول في أعمال مشتركة مع مجموعات لكي تتمكن من فهم المادة العلمية بشكل صحيح. كذلك يمكنك الانتقال إلى جامعة أخرى ، لكن كل جامعة لها شروطها الخاصة وربما تخسر بعض الساعات الدراسية عند المعادلة,,
٤- الشيء الذي لم أستطع تصديقه أن ولاية أريزونا فيها ثلوج وأنها باردة نصف السنة. إذا كنت ممن يكره البرد عليك البحث عن جامعات في ولايتي تكساس أو فلوريدا فقط,,
أسأل الله لك التوفيق,,

دام انه ودك بمدينه كبيره ودافيه طوال السنه عندك تامبا في فلوريدا فيها جامعتيين شيك عليهم

اخوي يعطيك العافية انا معك بالشي الصلاة بالاغلب بيوم الجمعة بتكون جماعه لكن حتى صلاة الجمعة الجامعة معانده وكله انذارت وتقول متى راح تشوفون لك مسجد!!
اما عن السكن وجهة نظر مارح يرتاح اللي يدرس جامعة ويكون مع احد وتحفظا على المدينه اللي انا فيها نادر تحصل سعودي مايدخن او راعي بلاوي واذا رحت مع امريكي تحمل الازعاج كذلك والحياة المختلفه
وجهة نظري الدراسه الاكاديميه تحتاج هدوء وسكن لحالك

اما المدرسين الخصوصيين اكيد بكل مكان فيه النصاب وغيره لكن انا عارف نفسي احتاج مدرسين خصوصيين ولا مارح امشي في الرياضيات وغيرها من الكيميا.
اما عن المدينه اللي انت مو مصدق انها بارده الان روح لقوقل واكتب Flagstaff وشوف وش يطلع لك الجو عندها وشوف اذا انا كذاب او لا ..! ولاتنسى تتاكد هي بأي ولايه اذا في ارزيزونا ولالا
الشي الاخر ماحطيت الجو عائق جدا لان انا اقول شي يأثر علي اذا ماكان عندك سيارة اما اذا في سيارة ممكن امورك تضبط لان الباصات فاشله والمواصلات زيرو

وانا والله مابي اروح مدينه ثانيه علشان انبسط وافلها انا عزمت اروح لان ماني لاقي متطلبات الحياة اليوميه في مدينتي وانا جاي لهدف الدراسه واذا مدرس خصوصي ماني قادر احصل كيف بمشي!!

شكرا للجميع انا ياجماعه ان شاء الله اروح مدينه 50 تحت الصفر بس ابي مدينه فيها كل متطلبات الحياة

حنا حتى الاكل الحلال ماعندي لو بقيت اكل حلال لازم اقطع 3 ساعات بالسيارة علشان اشتري!! وانا ما املك حتى سيارة. انا بس ابي احد يساعدني بالقبول او يشوف لي جامعه
واتواصل معه اذا المدينه جامعتها متساهله بالتحويل من جامعة الى جامعه اخرى

حاس بمشكلتك وانا عانيت بنفس المشكله لمن كنت في المعهد

كنت في مدينه صغيره بولاية واشنطن اسمها سبوكان وبرد وقرف ونكد والله لايعيد هذيك الأيام ..

الحين في سان انتونيو

وحاس اني بالرياض .. مافي فرق ابدا

ودي اقولك تعال هنا بس المشكلة ان كل الجامعات المعترف فيها تقفلت من الملحقية ..

اللي حاب اقولك انو لازم تختبر توفل او ايلتس هذا شي مؤكد

حضر تحضير حلو لواحد من هذي الإختبارين وشوف اقرب مدينه من عندك تعطي اختبار واختبر

بعدين قدم على الجامعات ..

وان شاء الله تحصل مدن جميلة ..

على العموم الواحد مايقدر يقولك روح مدينه معينه

امريكا كبيره جدا

انت لما تختار مدينة اعتبر هذي الخيارات في بالك

١- السكن
٢- الطقس
٣- حجم المدينة وعدد سكانها . والتنوع اللي فيها

وبتحصل مدن كثيرة تلبي طلباتك ..

يعطيك العافية ياغالي.. انا سمعت عن هيوستن كويسه ماشاء الله
بس اخوي تتوقع كل الجامعات مسكره الحين مافيه ولا جامعة انا بحاول ابحث عن تخصصي سيفيل انجنيرنق يمكن احصل جامعة مفتوح التخصص هذه
من الناحيه الثانيه ماتعرف وش وضع التحويل عندها ولا لازم توفل وايلتس!؟

الله يعينك ويسهل امورك