LinkBack URL
About LinkBacks
الحمدالله ع السلامه،،وموفقه يارب،،
7 " 
تقرير كامـــــــــــل ومصـــــور من .. (ولايتي- نيويورك إلى جدة) ع الخطوط السعودية!
تقرير كامـــــــــــل ومصـــــور من .. (ولايتي- نيويورك إلى جدة) ع الخطوط السعودية!
تنبيه: هذا الموضوع قديم. تم طرحه قبل 4421 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- .7 "
ماشآء الله
تقرير جمميل جدّآ
استمتعت فيه گثيرآ
يعطيگ آلف عآفيةة
* آلحمدلله على سلآمتگ
والله يوفقگ ويتمم لگ على خير .. - الحمدلله على السلامة ، عوداً حميداً7 "
- وعليكم السلام ورحمة الله وبركاتة7 "
الحمد الله على السلامة واجازه مهله بالافراح ان شاء الله والله يخليلك ابوك وامك واهلك كلهم اتمنالك التوفيق والنجاح - 7 "
آلحمد لله على سلآمتك، .. وإن شآء الله تفرحي بأهلكـ ويفرحوآ فيكـ ويتمم لكم على خير ..
تقريركـ كآن ممتع .. وسردهـ جدآ مبسطـ .. وإختيآركـ للصور وكل شي .. بس مآدري كيف صورتي بآلمطآر لأنه ممنوع ههههههه
آلله يوفقكـ .. وفعلآ هذهـ آلموآضيع أللي تشرح آلصدر, مآشآء الله عليكـ مآخليتي ولآ بقيتي قلتي كل شي .. ربي يسعدكـ ..
وتتسهل أموركـ وترجعـــي لأمريكآ وتلآقي أموركـ مآشيه ..
بآلتوفيق .. - ما شاء الله تقرير رائئئئئئئع ,,,, تسلمين7 "
لكن وش قصة صيدلي 2009 و موحدي <<<<< يموت في الفضول
- - - مشاركة محدثة - - -
ما شاء الله تقرير رائئئئئئئع ,,,, تسلمين
لكن وش قصة صيدلي 2009 و موحدي <<<<< يموت في الفضول - تصدقيني اني كنت معك على نفـس الرحلـه هههههههههههههه7 "
- وهـ وهـ وهـ7 "
حركتات يا بنت ,, و تقارير و زحمة
اول ابو كل حاجة في الحياة الحمد الله على سلامة الاغراض >>>> انتي ان شاء الله ما احد بـ يختطفك اهم شيء قراشيعك
و بعدين التقرير مرة خطير و ان شاء الله تروحي و ترجعي بـ خير و عافية
اعجبوني الهنود اللي سووا لك فيلم و برضوه الشايب اللي جلستي تقرقري معاه
بس اكثر شيء لفتني شجاعتك الـ منقطعة الـ نظير يومك اكلتي من وجبة الخطوط !!! بعد كل مصايبها باقي لك نفس تاكلي ما شاء الله عليك بس
يسلمو الايادي و ننتظر تقريرك عن رحلة العودة
- هههههههههههههههههههههههههههههه7 "
الحمدلله على السلامة
حلوووووة حركة لا تسرقني ههههههههههههههههههههههههه عسى بس وصلت كاملة ؟؟
December 29th, 2012, 05:43 AM
صباح / مساء الجمال ..
كيف الحال ..؟
وحشتوووني يا وحشين
مثل ما وعدتكم .. حبيت أكتب تقرير كامل ومصور عن رحلتي من ولايتي لنيويورك ومن نيويورك لجدة ..
أول شي قبل سفري بيوم .. كنت خايفة وشايلة هم تصير أفلام هندية ف الطيارة وكذا بس كنت مبسوطة إني طلعت كل الخوف قبل الحدث بيوم ..
لإنه بطبعي إذا أخرجت كل الطاقة السلبية اللي فيني .. أكون مرروووقة ف يوم الحدث والحمدلله . .
بعد كذا جهزت شنطتي وشلت هم الهدايا اللي حتنسرق مثل ما انسرقت شنطة هيفا .. لذلك جا ببالي فوكيرة جيدة ألا وهي ...
لاحظوا بس الترجمة وكلمة بليز .. ابو الذوق حقي ياناس .. المهم إني ألصقتها داخل الشنطة وأستودعتها الله
بعد كذا نمت ثم استيقضت استيقاضا شديد الحماسة هههه من قبل الصبح .. وجلست أشيك ع الأشياء عشر طعش مرة إنها موجودة ثم انطلقت للمطار ..
ف البداية كانت الدنيا زحمة وتوترت شوي .. وكان ورايا رجال وحرمة وداخلين جو .. وقتها أنا عصبت لإنهم فاضين وأنا متوترة هههه
والحمدلله خلصت أموري بسرعة ووزنت شنطتي وكانت 42 وطلبت إنها توصل لجدة ثم انطلقت للتفتيش .. وخلصت من التفتيش ..
طلعت بالترين ع المحطة المكتوبة ف التيكت والحمدلله كانت الاتجاهات واضحة ومااحتجت أسأل أحد ..
وصلت للبوابة وأديتهم التيكت ورجعت أدتني هو وأكدت لي إنه ف المسار الصحيح ....
جلست ع الكراسي شوي ..بعد كذا نادوا ع الرحلة .. وأنا مشيت فريرة عليهم ودخلت ثاني وحدة للطيارة هههههههههههه
والصدفة كان مكاني جنب الشباك .. يا سلام ..
المهم جلس جنبي واحد امريكي بلكن عمرو ف الخمسين .. وع طول عرف بنفسو علي ومد ايدو .. قلت له أم سوري أي كانت تتش يور هاند .. قام عمل نفسو إنه مفجوع وقال آسف .. قلت له عادي ..ديني ودينك مختلف وكذا
المهم الرجال كان طيب وعسل معايا .. عرفتو بنفسي وعرفني عليه .. تكلمنا ف أشياء كثيرة ودخلنا ف نظريات فرويد وف العالم والسلام والحب .. سألتو عن الكريسمس وكيف طريقة احتفالهم ومعنى الشجرة!
سأللتو عن أول فكرة خطرت بباله أول ما أقلعت الطيارة ..
حبيتو كثير بسبب لطافتو معايا .. كنت لما بجلس أقلب صفحات المجلة .. يقول لي شوفي هذا اسمو كذا وهذا كذا بدون ما اطلب منو.. وجلس يوريني اش بيتفرج ف المجلة ..
وانا كل شوية أجننو وأسألو عن الساعة .. قام قال لي خلاص انزلها لك تاخذيها ههههه ..وجلس يعرفني ع مرتو وع وحدة كانت جنبو وما خلى أحد ما علمو عني ههه
المهم لما هبطت الطيارة قال لي أتمنى لك تقضي أجمل الأوقات مع أهلك وإنك تتحقق كل أمانيك وإني أتمنى تصيري بروفيسور وشوفي أنا آمرك بأنك لازم تعدي هذا الاختبار وكلام كثيررررر
بعدها قال لي لا تقومي من مكانك .. أنا أجيب لك كل شنطك اللي فوق الرف ..وفعلا جابها لي وراااح
تمنيت لو إني أخذت رقمو أو أي شي يوصلني له لإني حبيتووو وحبيت روحو ..و ياارب أتلاقى معاه مرة ثانية
المهم وصلت بالسلامة مطار نيويورك .. وجلست أسأل عن المحطة وخرجت برة وجلست امشي لين وصلت بوابة ثانية ودخلتها طلعت نفس محطتي .. برضو رجعت سألت لين لقيت موظفة هندية طيوبة ..
وصلتني لين عند الكاونتر الخطوط وماكان فيها احد .. وكان باقي ع رحلتي ستة ساعات ...
طلعت أكلت من ماك ونزلت فريرة ..قصيت البوردينق وكل ابو شي ودخلت ع التفتيش ..
خلصت من التفتيش ورحت لبوابتي ..
انتظرت هناك وكانت شبكة النت غبية .. قمت عصبت وطلعت الاشياء الغريبة دي
جلست أقرأ بعدها ..جلست جنبي سعودية كبيرة ف العمر معاها طفل بنتها .. وتجاذبنا أطراف الحديث لحد ما فتحت البوابة ..
وليتها ما انفتحت لإنه صدمتي كانت كبيرة وغريبة .. بدأو اللي يشيكوا يطلوا مننا إنه نصف طابور ..بعدها الناس صارت منقسمة لطابورين وأنا كل شوي داخلة ف طابور مو عارفة فين أروح
بسبب الغباء وسوء التنظيم حقهم .. مافي أي ترتيب ولا شي .. كل شوي معطلين طابور ويطلبوا منو يجي لجهة ثانية ومن جهة لجهة أنا ضعت ولا عرفت فين أروح لحد ما دخلت وافتكيت منهم ..
......
دخلت الطيارة وكان مقعدي عند الشباك .. بعد كذا جلسوا جنبي هندية مع زوجها وأنواع الأفلام الهندية قدامي ..هدا كلو عشان قدامهم الأميرة السعودية العازبة الشبه نائمة .. يبغوا يتفلحنوا قدامي
المهم جلست أصور نفسي ف الطيارة من جميع الاتجاهات وما شاء الله وقتها نزل المطر ع نيويورك ... سبحان الله وجهي دايم خير لإنه من يوم ما طلعت أمريكا وسافرت مرتين ..
كانت فيه أمطار ع المناطق اللي أنزلها هههههه صدق والله ..
بعد كذا جاني النوم ومو قادرة أقاوم وجالسة أستنى العشا بفارغ الصبر .. وف أثناء ذلك ..قاموا المضيفات بتوزيع المنيو والعصيرات وشراريب(جوارب توضع ف الرجل ..ليست للاكل ) هههه وحقت العيون مدري اش اسمها ..
حينها << أرسي ع بر ..عربي وإلا عامي .. << مالك شغل
حينها قلت ما بدهاااش .. أنام وبكيفو .. بس ماش ما قدرت لحد ما جا البرياني يمي يمي .. أكلتو وندمت إني تعشيت أصلا ..مدري ليه ونممممممممممت بدون ما أحس
المهم كالعادة نومي مقطع وكل شوي أصحى والظاهر إني جلست أدف ف الهندية وأنا نايمة وأخذت مكانها وأنا مدري ههههه بعدها لقيتها نايمة ع مقعدي وشوي تنام ف حضني !
أنا هنا عصبت ..وطار نومي وحسيت نفسي فايقة وكان مو باقي ع الرحلة غير خمس ساعات .. قمت صحيتها وقلت لها قومي انت وزوجك بروح الريستروم ..
المهم لما قمت انصدمت من أشكال النايمين .. وأصوات الشخير ما شاء الله عليهم .. متقولبين حسب المقعد وهاااتك يا دخلة ف النوم ..
وأنا جاتني ضحكة وقتها بس تعوذت رب العالمين مني .. ورحت غيرت حجابي واسكارفي و حبيت نفسي أكثر ف المراية ورحت أخذت لي سناك..
جلست وأنا فرحانة إني نكدت ع الهنديين ههههه .. مع انهم طيوبين
بس كذا عشان السبب اعلاه ههه
جلست أدعي طبعا ..ودعيت لكل أعضاء مبتعث .. حتى موحدي وصيدلي 2009 ..دعيت إنه الله يردهم إلى الصواب لإنه حالهم مزري هههههههه ..دعيت لأهلي ولصاحباتي ولنفسي ولكل ابو شي
بعد كذا ..تابعت لي فيلم هندي .. وليتني ما تابعتو .. قسم إنهم قاصين أبو نص الفيلم .. ومسوين تضليل ع كلمة حشيش ف الترجمة ههههههههه. وانتهى الفيلم وأنا مدري بسبب قصهم للأحداث ..
يعني تقريبا الفيلم خلص ف خمس دقايق ههههههههههههههههههههههههههههههههههههه .. جالسة أتفرج ع دعاية مو فيلم !
المهم قفلت شاشتي وجلست أتفرج ع شاشة اللي جنبي واندمجت مع فيلمها هههههههههههه .. << ابو العبط ..
طبعا وجبة الفطور تأخرت وأذن الظهر والناس نايمة ما صحيت .. واضطروا المضيفات يصحوا الناس بالقوة لما بقي ع الهبوط ساعتين ونص
أفطرت وجلست أصور السحب ..
بعد كذا .. كتبت كلام بسيط للذكرى ..
دخلنا جووو مع الجوووو وحلمنا شوي!
بدأ العد التنازلي للهبوط ...
وصلنا وقتهااااااااا جدة وماشاء الله لا قوة الا بالله قبل الوقت .. واتصلت ع مامتي اطمنها ..
ولما خلصت من تختيم جوازي .. ورحت لصالة الخروج .. لقيت أخويا وأختي الكبيرة والصغيرة ومعاهم باقة ورد ..
ما قدرت أتمالك نفسي وحضنتهم ف جو مزحوم بالنظرات المتجهة لصوبنا هههههههههه ..
وقتها خبروني إنه جا مطر ع جدة وتذكرت للمرة الثانية إنه وجهي خير سبحان الله هههههههههه ..
المهم وصلت البيت وأخذت أبويا وأمي الغالية بالأحضان ... واستقبلوني بحفاوة شديدة وألقى أبويا ع مسامعي قصيدة إهداء لي من تأليفو ربي ما يحرمني منه .. وسلمت ع العضو الجديد ف بيتنا (حفيدة)
وأهم شي أكلنا كبسة .. وأغراضي الحمدلله ما انسرقت
أخيراً .. دعواتكم أرجع بالسلامة .. وتتسهل أمور دراستي وتحويلي وكل أبو شي حلو ف حياتي .. ومثل ما أنا تذكرتكم ف دعواتي .. ودعيت لكم ف أصدق وأعظم موطن استجابة الدعوات (السفر)
تذكروني بدعوة ف ظهر الغيب ..
ممتنة للمتابعة .. للتعليق .. للحضور .. وإلقاء نظرة ع الموضوع ..
تراتيل الفرح