لازم ارسل الترانسكربت للملحقية بالبريد؟

لازم ترسل الترانسكربت كل فصل بالبريد على عنوان المشرفه اللي عليك ..

لابد يكون عندها النسخه الاصليه ..

انا اللي اسويه اخذ الترانسكربت واسويله سكان عندي بالكمبيوتر وبعدها اروح للـ USPS وارسل الترانسكربت على المشرفه حقتي ..
حتى لو احتجت الترانسكربت في البوابه الالكترونيه اقدر استخدمه ..
لان احيانا احتاج الترانسكربت في طلبات البوابه ..

فيه ناس قالوا لي مايحتاج ارسله بالبريد .. بس ارفعه ع البوابة
انت متأكد؟


ويعطيك الف عافية ماقصرت

وش على كيفهم النظام ؟ ..

ياغالي كل فصل تجي رساله من المشرفين بإرسال الترانسكربت للمشرف قبل نهاية الفصل والا بيجي عليك هولد !

المشرفين يبون الاصل مايبون صوره بالكمبيوتر ..

الاصل ترسلها مره وحده على المشرف على كل نهاية فصل دراسي ..

اما حق البوابه فهذي مجرد مطابقة معلومات لا اكثر ..

يعني بإختصار .. اللي ترفعها على البوابه بس يشيكون على الصوره يشوفون المعلومات اللي يحتاجونها وانتهينا ..

اما الاصل فلا تبقى في ملفك وتحت المتابعه .. لان اساسا الملحقيه مايقدرون ياخذون اي معلومات من الجامعه عن الطالب .. وهذا سبب طلب إرسال الترانسكربت الاصل بالبريد .!


لو رفعت الصوره بالبوابه ماراح يقبلونها راح يرجعون ويقولون لك ارسل لنا الاصل على البريد .!

بإمكانك تسوي سكان للترانسكربت وترفعه على البوابه وتشوف بنفسك : ) ..

اقول لحد يلعب عليك انا بامريكا اكثر من سنتين ادرس الدرجات عندك طريقتين
للمعهد وللجامعه
المعهد ترسلها بريد الكتروني للمشرف
والجامعه ترفعها بالبوابه
والله يوفقك ان شاء الله

طيب وأنا أخوك أنا أرفعه أون لاين من التقارير الدراسية، والمشرف أبد يعطيني "قبول الطلب" ما قال لي أرسله بالبريد.
أعتقد القضية قضية اختلاف مشرفين.

جامعتي لديها اتفاقية مع الملحقية بان تقوم الجامعة ممثلة بمكتب التسجيل بإرسال كشف الدرجات كل فصل دراسي، وأتوقع اغلب الجامعات مثلها. لذا انت ملزم على ما اعتقد برفع كشف الدرجات عن طريق البوابة فقط، كل ما عليك رفع استفسار للمشرف للتأكد *

حبيبي عشان تتفادى الخطاء
ارسل استفسار لمشرفك عن طريق البوابة الالكترونية ماراح ياخذ منك دقيقة
وبتأخذ العلم من صاحب العلم والمشرفين كل واحد يعرف عملة ويعرف كيف يسير العمل
ممكن تلقى مشرف يقبلها عن طريق الايميل وبعضهم ممكن يطلب الاصل تختلف من مشرف لآخر
لذلك خذ العلم من أهل الشأن وماوجد طلب استفسار في البوابة الا للاشياء اللي تتشابة عليك

بالتوفيق

اما اون لاين .. اجل هالمشرفه اللي عندي ليش تحب التعقيد ...
والله انا حاولت ارفعه اون لاين لكن ترجع وترفضه وتقول ارسله لي على البريد !

وشذا يعني لهدرجه حظي نحس ..

والله اني على هالحال تقريبا من 2009 وانا كل فصل ناط على الـ USPS ومرسلها الترانسكربت ..

اذا على كذا لازم اشوفلها صرفه .. صدق مالله رزقني بمشرف صاحي ..

طيب ماقدر اغير المشرف حقي ؟ < سؤال جانبي !

< بيدور له مشرف كويس بدال هالتعقيد اللي عايش عليه !

المسألة مسألة اختلاف مشرفين لا اكثر
فيه مشرفين يحبوا يعقدوا الامور و فيه مشرفين يسهلوها

كان عندنا مشرف الله يذكره بـ الخير كل الناس يذموه علما بانه الشهادة لله ما صار لي معاه اي موقف سيء
لكن كل اللي سووه الطلبة انهم يرفعوا شكاوى على المشرف و ما هي الا فترة بسيطة و تم تغييره و جابوا لنا مشرف ثاني
احسن من الاول بـ كثير اقل الايمان يرد على الاتصالات و الايميلات ما يسفلنا

فـ احسن طريقة لك انه تتواصل مع مشرفك و تشوف ايش يطلب منك بـ الضبط