اخطاء السبلنق

والله يا اختي مشكلة السبيلنق تقريبا مشكلة معظم طلاب اللغة
و حلها كثرة التدريب و كثرة الكتابة فقط لا غير !!!
ما ادري اذا فيه كتب مختصة بـ هالشيء بس كانت عندي نفس المشكلة و اتحسنت مع كثرة الكتابة
اتمنى غيري يقدر يفيدك اكثر

القراءة افضل وسيلة لتعلم السبلنق

اذا قريتي...سبلنق الكلمات يتخزن بعقلك الباطن

و لما تجي تكتبي...بتشوفي ان كتابتك العفوية بتطلع صح...لان الكلمة اساسا موجودة بمخك

فـ كل ما تقري اكثر كل ما صرتي افضل بالسبلنق

ادري كلامي كأنه خرابيط علم نفس بس تراه مجرب و 100 % فعال

حياك الله اختي ...

والله اختي من ناحية تجربتي .. فالكتابه هي اهم نقطة عندك في السبلينج ..
كثرة الكتابة بجميع انواعها تساعد الشخص على التعود وحفظ السبلينج بشكل تلقائي ..

فيه اشياء كثيره لازم تعرفينها علشان ماتغلطين بالسبلينج .. وغالبية هالاشياء تكون ثابته بقواعد الكلمات بالجرارمر سبق ومرت عليك بدروس الجرامر ..

مثلا بعض القواعد :
@ الحروف الساكنه اللي تكتب ولا تنطق مثل : Night, School, Foreigner ... الخ

@ متى يكتب حرف الـ i قبل او بعد الـ e :
- قبل الـإي : achieve, believe, piece .... الخ
- بعد الإي : deity, height, receive .... الخ

@ معرفة الفرق بين الكلمات المتشابهه بالنطق مثل : new/knew, piece/peace , site/sight .... الخ

@ معرفة الكلمات الشاذه والكلمات الثابته .. ( الكلمات الشاذه هي الكلمات اللي تختلف من المضارع للماضي للمستقبل .. اما الثابته فهي اللي ماتتغير لما نستخدمها لاي سلك زمني اخر ) ..
- الكلمات الشاذه مثل : Write / Wrote / Written
- الكلمات الثابته مثل : Watch , Watched, Watched ...

@ الكلمات اللي تحتوي على مجموعة حروف تنطق ولا تكتب ..
- مثل : option, sure , permission ... الخ


يعني مثل هالقواعد لو تحفظينها وتحفظين الكلمات الشاذه مع السبلينج حقها .. خلاص اضمن لك باذن الله انك راح تتخطين مايقارب 60% من نصف المشوار ..
وهذي يحتاج لها وقت بالشرح .. لان كل قاعده لها خصائصها الخاصه ..

بقية الامور تكون مكتسبه من كثرة الكتابه .. خصوصا لو كنتي تكثرين كتابه بشكل يومي وتتعلمين على الاقل خمس كلمات جديده بشكل يومي ...

تقدرين تنقلين مقالات من المجلات والجرائد او حتى المواقع .. ترجعين تكتبينها من اول وجديد بخط يدك .. وتتمرنين عليها ..
وتغيرين كل يوم مقاله مثلا ..
او تقدرين تاخذين الكلمات وتكرررينها اكثر من مره وتفتحينها دفتر كشكول وشخاميط .. يعني تعيدين الكلمات اكثر من مره لحتى تحفظين السبلينج حقها بدون قيود ..
ومثل ماقالوا الاولين .. التكرار يعلم الشطار ..

بس اهم نقطه في هذا كله واللي راح تساعدك بشكل كبير .. هو التهجأ .. تتهجين كل كلمه وتحاولين بإجتهادك انك تجيبين السبلينج صح بدون ماتشوفين الكلمه .. وبعدها تقارنين صحة السبلينج وتعرفين ايش اخطيتي فيه ..
وقت التهجأ لابد يكون بطريقه بطيئه .. وتكون مفصله ..

اكتبي .. ثم اكتبي .. ثم اكتبي .. ثم اكتبي .. !
كثر كتابتك كثر قلة اخطاء السبلينج عندك .. خصوصا لو كنتي كل يومين ثلاثه تجددين بكلمات جديده ..

بإختصار .. فكري كيف يتعلم الطفل الكتابه .. وتعلمي مثله ! ..


انا قلت لك طريقتي انا اللي تعلمت عن طريقها .. وصدقيني اختي بهالطريقة وصلت لمرحلة اني اصحح لبعض الدكاتره وبعض الطلبه في الجامعه السبلينج وهذا بفضل من الله ومنته .. !
ماقولك هالكلام الا من باب ابين لك تجربه حيه امامك ... لو كنتي تبين تصيرين فعلا خاليه من اخطاء السبلينج ! ..


هذا والله اعلم ..

^^

رائع اخوي اشرح لنا زيادة .

صعب اني اجمع كل النقاط اللي درستها وتعلمتها في خلال العشر سنوات الماضيه واللخصها في كم صفحه ..
لاني ماراح الم بالنقاط كلها بإختصار ...
والسبب ان اغلب النقاط تكون متفرعه ومتفرقه على اشياء ثانيه .. فمثلا فيه بعض النقاط مختصه بالقرائه وبعض النقاط مختصه بالنطق ولكن تبقى مرتبطه بالكتابه ..

فيه كتيب تعلمت منه بعض من هالنقاط .. اسمه " الكلمات الشائعه في اللغة الانجليزية". أو شي من هالقبيل .. بس اذكر الكتيب كان صغير ولونه ازرق ..
هذا الكتيب كان مفاده أنه يعطي الشخص بعض القواعد في كيفية قرائة الكلمات ونطقها .. ومن ظمنها نقطة الحروف الساكنه بالكلمات كيف تعرف ان هذا حرف ساكن يكتب ولا ينطق ! ..
والكتيب كان مركز على القرائه والنطق .. ماكان مركز على الكتابه بشكل كبير ..
بس طلعت منه بفوائد للكتابه مثل النقاط اللي طرحتها فوق ..

غير ان فيه نقاط الواحد يتعلمها من كتب الـ Basic Grammar ... ( مثل تصاريف الافعال الثلاث verb 1 + v2 + v3 ) ...

فهنا المشكله ياعزيزي اني ماراح اقدر اجمع كل شيء واجعل الشرح كامل وما انسى شيء .. لان اغلب الامور ترا تكون اجتهاد شخصي .. يعني تعرف كم قاعده والباقي اجتهاد شخصي ..

لكن النقاط اللي ذكرتها فوق هي تقريبا اكثر النقاط المهمه والشائعه في الكتابه .. لو تم التركيز عليها .. تقريبا تنحل اغلب مشاكل السبلينج عندك .. وطبعا الباقي مثل ماقلت لك اجتهاد شخصي من عندك ..

شوف وانا اكتب الرد تذكرت نقطه ناسيها ورجعت عدلت ردي السابق واضفتها ..

واحيانا تكون هناك كلمات لابد تكون عارف الجذور حقتها الاصليه .. وتعرف الاضافات اللي تقدر تغير حالتها ... مثل الفعل : act لو اضفنا عليه ress طلع صفة ( actress : ممثل او ممثلة ) .. لو غيرناه واضفنا عليه tion تغيرت حالته الى اسم( action : اثاره أو فعل اداء ) .. والكلمة الاساسية هي act .. بس تتغير معناها مع الاضافات ..

وهذا يسمونه بالانجليزي Word Roots. وهو انك تملك الكلمة الاساسية .. وتغيير معناها باضافة بعض الاضافات البسيطه ..

يالله وهذي نقطه ثانيه برضوه تذكرتها ..


اتمنى اني افدت ياغالي ..

^^

يعطيكك العاااافية

الحل الوحيد لمشكلة الاسبلنق هو كتابة الكلمه اكثر ممن مره في دفتر خارجي ومعرفة بعض القواعد البسيطه مثلا الحروف الصامته وهكذا لكن افضل كتابة الكلمة اكثر من مره