شرح تعلـم الكتابة باللغة الإنجليزية بدون اخطاء إملائية ..

حياك الله ياغالي ..
بالنسبه لسؤالك ..


فالـ ed تستخدم في الماضي ..
مثلا كلمة close تعتبر الفعل الأول او المضارع البسيط ..


يعني تقدر تقول كذا :
I close the door every night.


اما اذا كنت تبي تتكلم بالماضي تقول كذا :


I closed the door yesterday .


تحتاج الى الرجوع لقواعد اللغة الانجليزية Basic Grammar ..
حتى تراجع القواعد الاساسية اللي تحتاجها ..


اتمنى ان النقطه وضحت لك ..

الله يعطيك العافية يا رب

ماشاءالله تبارك الله
موضوع متكامل وجاء بوقته
كتابتي جيدة الحمدلله ويعيبها الإملاء أعتدت أكتب الكلمة بدون تهجئة
أحفظ كثير كلمات ولكن لا تقولي أكتبيها( لكن بإذن الله بأشتغل على
هذه النقطه الهااااامة قبول دخول أختبارات اللغه لأن هذا ما ينقصني ...

الله يجزاك فوق ماترجو من خيري الدارين وسدد خطاك وكفاك ما أهمك ورفع قدرك وقدر والديك للفردوس الأعلى

أختك: مياسين

اخوي من ناحية شغلة الافعال الشواذ القائمه اللي أرفقت بدائيـــــــه ومستخدمه بكثره لكن الافعال كثيره وفي منها المستخدم بكثره ايضاً وماتحضرني حالياً لكن لاجل نكون على علم

كانت معي ورقه بالافعال الشاذه تقريباً أربع صفحات مفيده مره

وبرضوا اضافه اخرى اخوي لاهنت الافضل الكلمه الجديده عليك تشوف كيف تكون مقسمه عن طريق الصوت بالقاموس الورقي عندك مثال

in-terest-ing برضوا تساعدك ع كتابتها بالتهجي الا بعض الكلمات الشاذه من ناحية الصوت الخ

طبعاً كمبتدى انصح بشراء معجم ورقي مثل longman Dictionary of American English 4th edition

اتمنى أني افدتكم ومشكور أخوي على الموضوع الاكثر من رائع ومهـــــــــم

مره الموضوع حلو رائع

totat2010


اشكركم على هذا المرور العطر .. والله يجزاكم خير ..


ياهلا فيك ياغالي .. معاك حق ياغالي .. اللي حطيتها بدائيه ومثل ماقلت مستخدمه بكثره وهذا السبب الاول .. اما الثاني فهو كثرة الكلمات او الصفحات اللي فيها الكلمات .. لما يشوفها الشخص يمل او يتثاقل على حفظها لكثرها ..
فحفظ الكلمات المبدئيه الشائعة بالاستخدام .. هي وسيله تمهيدية لحفظ البقية .. على الاقل نقول انه حفظ جزء نسبي منها يفيده بحياته اليومية .. افضل من انه مايحفظ ولا شي ! .
وأولا واخيرا انا بموضوعي هذا فقط لتبيين الطرق الصحيحة والتي ممكن البعض يغفل عنها في تفادي الاخطاء الاملائية .. وبالاول والاخير الاعتماد يكون على اجتهاد الشخص نفسه ..

وسأضع رابط الكلمات كاملة لمن أراد الفائدة ..
http://www.usingenglish.com/referenc...-verb-list.pdf

اما بالنسبة التهجئة بالقواميس .. فهذي ياغالي ممتازه لكن مشكلتها ان الواحد بيتعب وهو كل شوي مستخدم الديكشنري ولازم يفصلها مثل مايفصلها الدكشنري بالتهجئة .. واضف على ذلك انه صعب الحفظ بالمطابقه ..
وهذا مشوار طويل على الشخص بانه يحفظ الطريقه لسبب انه كل مره يبي يتهجأ الجمله راح يرجع ويشوف التهجئه ويحاول يتهجأها مثل الديكشنري .. وهذي شغله متعبه جدا وغير مجديه للاغلب لانها مقيده وهنالك اشخاص لا تحب التقييد ومستوى الحفظ عندهم سيء مقارنة بالفهم ..
ولكن لما يكون الواحد يتهجأ بدون تقيد بالامور .. ويصنع له طريقة تهجئه تناسبه بنتائج صحيحة .. يكون افضل لانه بيكون سهل عليه انه يتهجأ بسرعه وايضا يحفظ اكثر وتتطور مهارته بشكل اسرع ..

واما عن النطق بالكلمات الجديده لاجل التهجئة .. فبإمكان اي شخص انه يستخدم ترجمة قوقل او اي موقع دكشنري يوفر خاصية نطق الكلمات باللكنة الامريكية والبريطانية ..
حتى لو عنده دكشنري الكتروني ممكن يستفيد منه بهالخصوص ..

وبالتالي بعد مايتعلم نطقها الصحيح .. يفككها بنفسه ويرجع يتهجأها بالكتابه ..


اشكرك جزيل الشكر ياغالي .. وجعلها الله في ميزان حسناتك ...

تقبل عبق تحاياي ..
اخوك محمد

ياشيخ روووح الله يبيض وجهك
ويفتحها لك وين ماترووووح

استفدت من موضوعك على اني ضعيف في اللغه >>لكن قاعد اشتغل على نفسي قبل اطلع خلال الشهرين هذي ان شاء الله

واذا فيه شيء للمبتدئين لاتبخل علينا ..

شكراااااااااااااااااااااااااااااااً

آمين .. والله يعطيك بمثل مادعيت ....

اما عن مسألة المبتدأين .. فلابد انك تركز على الجرامر وتحفظه مثل اسمك ..
لان هالشيء باذن الله راح يختصر لك امور باللغه كثيره .. ومن ظمنها مهارة الكتابة ..

جزاك الله خير موضوع يستحق الشكر والثناء

اخي الكريم اتمنى منك طرح سلسلة متواصلة لباقي المهارات بطريقة شرحك نفسها وإضافة موضوع للتأسيس .

تمتلك أسلوب شرح ممتاز للتعليم وفقك الله بهذه الإفادة التعليمية .

فيه اشخاص في المنتدى قبل ما اقرأ اللي كاتبينه اعطيهم لايك لـ سبب بسيط
انا على ثقة بـ رقي طرحهم و عموم فائدته

على الرغم اانه خلصت اختبارات اللغة و مرحلتها منذو مبطي الا انه استفدت كثير من موضوعك
يا شيخ تسلم يمينك على هـ الموضوع اللي مشكل عقدة عن معظم المبتعثين

ربي يجعله في ميزان حسناتك و لا يحرمك الاجر
لك من الدعاء اصدقه