وش رئيكم في فكرة الزواج

توكل على الله , ولاتشيل هم , الزواج نعمة

انت حتداري زوجتك و العسل و الزبيب و الدلع والموز ولا تداري الدراسة و المعيشة وغيرها !!
الموضوع ليس بالسهولة حتى في طرحه كسؤال , الزواج يترتب عليه امور عرفية وقبلية ومعنوية ومادية جمّة , وليس بخذني جيتك كما تعلم ,
من وجهة نظري دامك الان في بلد الدراسة وفي بداية حياتك الجامعة : آحفظ الله يحفظك وغض طرفك واقم صلاتك , واذا رجعت بالشهادة ان شاء الله وتوظفت حينها فكر بالزواج

الزوجه تساعدك بعد توفيق الله على النجاح والتفوق .. اذا عرفنا ان اهم اسباب النجاح الراحه النفسية وهذي راح تلاقيها برفيقة دربك وام عيالك ان شاء الله .. الغريزة العاطفيه والجنسية موجودة بكل احد ومع المناظر الحلوة اللي راح تشوفها بامريكا راح تتأثر نفسيتك لان غريزتك في اوج حالاتها ولاتقدر تسوي لها كنترول .

والامر نسبي .. وهو توفيق من رب العالمين .. اقصد بعض الزوجات ممكن ما تكون متفهمة انك جالس تدرس ولا تقدر هالشي وتصير عبئ عليك وبعضهم و الاكثيرية راح تتفهم هالشي وتتنازل عن بعض الاشياء في سبيل دراستك وهالنقطه لازم تتكلمون فيها قبل الزواج ..

ما اقول الا الله يوفقك

والاستخاره الاستخاره

مؤيد وبقووة

اصلاً المفروض مايبتعث الشخص حتى يتزوج

توكل على اللـه وتزوج ولاتنسى آنك راح تكون بعيد عن العادات وكلام الناس بما انك في الخارج وبكذا راح تكون احلى ايام حياتك ان شاء اللــه

أنا مع الفكرة، ولا تلتفت للي يقول صعبة ما صعبة هالناس حتى شرب الماء من الكأس قالوا عليه صعب
توكل على الله

ابو فهد11 .. كفففى ووفى

قبل لا تاخذها فهمها انك ما راح تكون فاضي 24 ساعه وطالعين شهر عسسل !! من مكان لمكان !! ولا تحبسها مررة وخااف الله فيها تراها غربه ورااح تنطق بوجهك 24 ساعه لان ما عندها احد تروح له

وحاول تداريها بععد تراها انثى والعواطف تسسسسحححب فيها يمين وشمال

بالتوفيق والله يتمم لك على خير وانا اوؤيد الزواج اذا كان ما يشكل عائق على دراستك ..موفق خيير

السلام عليم ورحمة الله وبركاتة

صراحة اناا مؤيد الفكرة وبقوووووووه اناا ان شاء الله اذا خشيت الجامعه على طول بتزوج العيشه هنا تنعاف والله الله يصبرني يارب

انا متزوج وراح اختصرها عليك بجمله وحده فقط

اذا اخترت صح راح تعيش صح سواء مبتعث او غير مبتعث
واذا اخترت غلط فلا تلومن الا نفسك


بعضهم يختار الزوجه عشان فقط جمالها او عشانها بنت عمه ومن هالكلام
وللاسف ما تتحمل انها تعيش معاك بمصروف مبتعث وتقولك انا لازم البس الماركه الفلانيه وما اركب الا السياره الفلانية وما اعيش الا في فله

يعني لو من البدايه اخترت وحده وعارفه وضعك وموافقه انا اقولك تزوج وانت مغمض
باختصار : اكسر العادات واطلب من اهلها انك تكلم البنت على بلاطه تقول لها مكافاتي 1847دولار فقط وراح امشي امورنا بيها
عشان تكون على بينه من بدري وماتكون ظلمتها معاك واذا قالت لك اوك وماعندي مشكلة روح والقلب داعيلك


الزواج له اثار اكثر من ايجابيه على المبتعث واسال مجرب

والله وانا اخوك الزواج نصف الدين .. قبل كل شيء ..
وهو سنة الحياه سواء تزوجت اللحين او بعدين ..

اذا انت مستقر نفسيا .. ومهيأ نفسيا لتشرك احد بحياتك .. ويكون معك على طول .. فاقولك تزوج ..
ولكن لابد أنك تتزوج البنت اللي تناسبك بوضعك الحالي .. يعني تكون متفهمه لاوضاعك الدراسيه ..
وعادي مو شرط انها تقعد بالشقه 24 ساعه ماتسوي شي .. اذا شفتها طفشت سجلها بالمعهد ممكن البنت تكمل دراستها ومافيها شي .. انت تكمل دراستك وهي تكمل دراستها ومثل مايقولون زيادة الخير خيرين ..
وعطلتكم راح تكون مع بعض ودراستكم مع بعض .. بحكم الدراسه ..

واهم شي بالزواج هو التفاهم .. واللي يقولك ماتقدر توازن بين اهلك ودراستك قوله هالكلام مو صحيح ..
لان الموازنه تختلف من شخص لاخر .. ففيه اشخاص مخربطه حياتهم .. فبالتالي ضاع التوازن بحياتهم ..
وفيه اشخاص لا .. تجد التوازن بحياتهم والسبب انهم مأسسين حياتهم على امور ومواقيت ثابته .. وقت الصلاه صلاه .. ووقت الدراسه دراسه .. ووقت الراحه راحه .. وما الى ذلك ..

فالامور ليست كلها ماديه .. وليست كلها معنويه ...
انما هي خليط بين الاثنين .. ولكن الامر ينصب كله على التوازن بالامور ..

فأنت لا تمشي على كلام الناس .. الا امش على رايك انت واختيارك انت ..
ادرس وضعك .. ووضعك المادي .. شوف البنت اللي بتاخذها .. مثلا بتاخذ احد اقاربك .. شوف اختك اي سؤال في بالك خلها تقعد معها وتكلمها تاخذ منها تشوف عقليتها تفهمها للامر واللي ودها فيه ..
يعني سوالف بين بنات يعرفون لبعض .. اذا عرفت من اختك الاشياء اللي تبيها .. وقتها قرر .. اذا هي مناسبه للزواج بوضعك الحالي او لا ..

ولا تفكر ماديا كثير .. فانت ركز اكثر شي على المسائل المعنويه .. اذا صار الوضع اوكي .. فالامور الباقيه راح تتيسر باذن الله ..
لان لو فكرنا ماديا .. راح نقدر مثلا نطلع اول شي مستحقات الفواتير وايجار الشقه .. اللي يبقى هذا بيكون معيشة لاخر الشهر ..
اذا كان يبقالك مثلا 800 دولار شهريا تحت تصرفك .. ومايجي قبل اخر الشهر باسبوع الا انت مصفر .. فهذا ممكن يتغير ..
ممكن حتى لو تزوجت ومشيت على نفس الراتب .. مثلا الـ 800 هذي اللي تعودت انها تبقى معيشه لك .. يمكن مايجي اخر الشهر الا وباقي لك منها مية دولار ..
والسبب ان زوجتك وفرت عليك امور كثيره مثل امور الاكل .. بدال ماتروح المطاعم صارت هي تطبخ وتجهز لك الاكل ..

غير هذا لاتنسى انك تقدر تضيفها كمرافق يعني راتب المرافق راح يزيد من مكافأتك وان شاء الله الامور تتيسر اكثر ..


ووعادي انتوا متزوجين جداد .. تقدرون تستانسون وقت ماتبون تطلعون اي مكان تتمشون تخلون حياتكم كلها شهر عسل .. مو الدراسه اللي راح تكون عذر ..
لان الدراسه ماراح تاخذ يومك كله دراسه !؟ لابد على الاقل 4 ساعات تقعد بالبيت بدون ماتسوي شي لو فترة راحه لك ..

فمثل ماقلت لك المسأله بيدك وبعقلك .. ماهي مسألة واحد يقولك تزوج وتروح تتزوج وانت مادرست وضعك ..

وماحد يقدر يعطيك الجواب الانسب لوضعك الحالي .. والسبب انك اعرف الناس بحالك .. فانت اللي تشوفه مناسب سووه ..


عسا الله ييسر لك امورك ويكتب لك اللي فيه الخير وانا اخوك ..,