جاني أكتئاب نفسي من الملحقه وش الحل ؟

اذا هالشي ما تحملتيه وهو لسه في اول الطريق انصحك ترجعي

لان اللي راح تواجهيه مستقبلا اضعاف ما واجهتيه الان

طريق الابنعاث ليس مفروش بالورد والا لكان الجميع سار عليه بلا معاناه

كلنا اكلنا نفس المشاكل هذي واكثر بعد لكن نقول اللهم افرغ علينا صبرا وثبت اقدامنا

السلام عليكم ورحمة الله وبركاتة

حيااك الله اختي كم صارلك وانتي مقدمة على البعثة ..........؟

طيب ممكن تعطينا الطريقة والصيغه الي تحملين عليها ملفاتك وحجم الملف الله يسلمك...عشان نقدر نساعدك

كلنا واجهنا مشاكل في البداية وبعدين عدت على خير ...والامور تتسهل ان شالله

ليه هذي مشكلة انا ما أعتبرها شي احمدي ربك وارجعي حملي الملفات زين

اختي اختصرلك الطريق .. بحكم تجربتي معهم هم وطلباتهم اللي ماتخلص ..

بالنسبه للاوراق اللي عندك .. لابد تسوين لها سكان كامل .. وتكون الورقه كامله محفوظه .. ولابد ان الورقه تكون ملونه كما هي .. يعني لو كان السكانر اللي عندك يسوي سكان ويحفظها اسود وابيض .. غيري الاعدادات خليها ملونه ..
هذي شغله ..

الشغله الثانيه .. الصور الاوراق اللي تسوين لها سكان .. راح تنحفظ على صيغة صور .. وراح تكون حجم الصور يعني فوق الحجم المحدد لك رفعه .. (مادري وش قصتهم مع الاحجام الصغيره وهم يبون صور عالية الدقه ؟ ) ..

فاللي عليك انك تسوينه .. بعد ماتخلصين من حفظ الصور .. لا تعدلين في حجمها ولا دقتها خليها مثل ماهي .. كل اللي عليك أنك تحولينها الى PDF وتحفظينها بحجم مضغوط .. وبالتالي راح تكون الصوره محفوظه بدقتها لكن حجمها اقل ..

انا استخدم الفوتوشوب لهالطريقه .. ويضغط لي ملفات الـ PDF الى اقل تقريبا 80% من حجمها الاساسي .. مع حفظ دقة الصور .. واتوقع بعد فيه برامج تسوي نفس الشي .. الاخوان يفيدونك بهالشغله ..

وايضا نصيحه .. لاتدمجين الصور كلها بملف PDF واحد .. لا افرزي كل صوره لوحدها .. والله يعينك على هالمشاوير ..

وبكذا ان شاء الله الامور تمشي معك ميه ميه ..

وعليكم السلام
انا أفضل أنه يكون في نسخة لجميع أوراقك من شهادات واثباتات على الجهاز واذا في مشكلة أعملي طلب استفسار على سفير الطلبه
لأنه على حد قولهم " طلب استفسار " وضع لتوجيه الطلبه لرفع طلباتهم