حوار ادور وظيفة , او اسعى للآبتعاث !!

السلام عليكم ورحمة الله وبركاته

هل صليت استخارة قبل ما تكتب هذا الموضوع ؟

عندي تجارب كثيرة لمبتعثين ومبتعثات من العائلة ومن المعارف من حملة البكالوريوس والدراسات العليا وللأسف عاطلين

وكم مرة ذكرتها هنا بالمنتدى الابتعاث عن طريق الجامعة او غيره اضمن

لدي كلام كثير لكن أخاف انت او غيرك يقول ليش التحطيم

في بعض الاحيان تجبر الحياة بالتعايش حيال أشياء واقعية فرضتها عليك هوامير الأحلام


الله يكتب لك اللي فيه الخير

والله وانا اخووك مابي احطمك لكن ..

راي انك تشوف لك وظيفة في سابك او غيرها من الشركات في الشرقيه لان عندهم اقبال بالهبل مثل . معادن . وصدارة . وارامكوا بععد . هذي الشركات ان شاء الله تبتعثك على حسابها

او انك تاخذ اجازة بدون راتب او تفرررغ . وتطلع على حسابك تدرس ( وتضمن وظيفتك اذا جبت العيد لاااااااااااااا سمح الله )

لان الواحد الحين يبي الستر ويتوظف وياكل عيش مع العرب

هذا اللي اشوفه انا ولا تنسى الاستخارة

موفق خير

اشكرك على ردك اختي لكن هل الابتعاث هو السبب في كونهم عاطلين !
هل من المعقول ( تعلم اللغة والشهادة العليا ) ما اضافت لهم اي اضافة ايجابية !!
هل من المعقول ( لو ما طلعوا وتغربو ودرسوا ووسعو مداركهم ) كان حصلو وظيفة !!

اتمنى استقصي اجابه منك , واحب ان اعزز معلومة لديك ( دائما الاستشارة قبل الاستخارة والاستخارة تآتي للتآكيد )

الله يجزاك بالخير , لكن كيف نوصل لمثل هالشركات , كثير مقدم على سابك من عهد ( هترك ) وإلى الان ( حتى اتصال بالخطأ ما لقوا ) !!

ويااك ان شاء الله

كللل شيء ويب سايت الله يحييك . ادخل على الموقع وروح careers وشوف تخصصك وسجل

وصداااااااااااارة شركة جباارة وكسرت خشم ارامكوا وجديدة فررش تطلب موظفين بالهبل بكالوريس ودبلوم ...راتب طالب الثانوي 9500 ريال !!

Sadara Job and Careers :: Sadara

وعندك الموقع ذا فيه كل الشركات وتقدر تحط اسئلتك

وظيفتي كوم

اعذرنا على القصور

ياخوي صحيح اذا رجعت قد لا تجد الوظيفة الي تناسبك لكن, بعد 5 او 10 سنوات من العمل والخبرة, راح تشوف الفرق بينك وبين الي معه بكالوريوس فقط, أيضاً بالمستقبل راح تمر عليك وظائف متاحة تتطلب خبرة مع ماجستير او دكتوراة بالتخصص براتب عالي, وقتها الي معهم بكالوريوس مايقدرون يقدمون عليها, اذا انت مو متزوج وماعندك ارتباطات وودك تكمل دراسة توكل على الله هذي فرصتك استغل فرصة فترة الابتعاث حالياً وسافر ولا تفكر بالوظيفة

اشكرك كل الشكر جزاك الله خير , وماجا منك قصور

اشكرك اخوي , ولا فيه اي ارتباط , اعزب ولا ني مسؤول الا عن نفسي والحمد لله , وكلامك فيه نظرة بعيده كنت غافل عنها يعلم الله , ورجحت لي كفة الابتعاث

ياولد عمي سو اللي تقدر عليه لا تجلس تفكر اذا رجعت بحصل وظيفه ولا لا انت أدي المطلوب ترا وراك اتقان لغه و حصول على قبول جامعه وغيره

الشهاده ماراح تجي بسهوله خل تفكيرك على اتمام بعثتك والحصول على الشهاده انت الحين خلصت تقريبا كل امور البعثه خلاص مافي وقت للأنسحاب قدك ضيعت اكثر من نص سنه

وانت تتم امور البعثه و تخصصك ماشاء الله حيوي ومطلوب في السوق تخصصات الاداره ترا على كثره خريجيها سوق العمل مايوقف عن طلبهم

فإن شاء الله امورك متيسره لا تجلس تسمع كلام الاهل و الاقارب الكثير منهم خبراتهم من عهد جدي ماسوولها تحديث والزمان صار يتسارع الفجوات الثقافيه بين الاجيال صارت واسعه

كثير من نصائح كبار السن ماصارت تنفع الان الزمان ماهو الزمان والبعض يعطيك من خبرته يوم كان بسنك والاوضاع تغيرت و البعض يخاف عليك وكذا

لكن صدقني الكل بيفتخر فيك وينبسط يوم يشوفك رجعت بالشهاده والمسأله ماهي شهاده بس بالعكس السفر والغربه تصقل شخصيتك و تزيدك خبره وتحمل مسؤوليه و صبر

وفي الغالب اذا رجعت ممكن تتوظف بنفس راتب البكالوريوس بس بعد ماتكسب الخبره اللازمه راح تفرق معاك مع مرور الوقت مسأله ترقيك وحصولك على منصب افضل راح تزيد

بأذن الله وانت انسان واعي وعقلك ناضج و هذا واضح من طريقه طرحك و أسلوبك في الكتابه حتى مستواك العلمي واضح انه عالي من صياغتك اللغويه ودقه أملآئك فما في خوف عليك

إن شاء الله انت قدها جد و اجتهد واثبت على قرارك موضوعك هذا كان ينفع لو كان طرحه قبل التقديم على البعثه لكن الان اشوف الوقت تأخر على الانسحاب خلي تفكيرك صافي وهدفك

واضح لا تتشت وتضيع عمرك في تخبط

والله يوفقنا و إياك و جميع المسلمين لكل خير