اشتريت من امازووون ارجوا المساعده

مخصوم متاكدة انه من الامازون؟ اذا ايه راسليهم اسالي وش المشكلة .. يردون عليك خلال 12 ساعه

شكرالك اخت لينا نعم موقع امازون متاكده وسالت موظفة البنك قال نعم من امازون بس ليش 356 والحساب اعتقد 276

ممكن ما تكون حطيت في بالك قيمة الشحن وقيمة الجمارك . .
عموما الأفضل تراسلهم وتنتظر ردهم عليك

ممكن وافقت لهم على خدمة برايم prime وهي خدمة الاشتراك السنوي للتوصيل السريع
سعرها تقريبا 79 دولار
وانت المبلغ الزايد عندك هو 80
لذلك اعتقد ان هذا هو السبب

نعم انا اوافق اخوي على هالخدمة لآنه سبق وصارت لي .،

فاكيد يا اختي هاذا هو السبب حاولي تتواصلين معهم الامازون وباذن الله يرجعونها لك بس اشرحي لهم انك بالغلط اخترتيها .،

وحاولي ما تتاخرين بالتواصل معهم .،

بالتوفيق

اوافق الاخوان فهذي خدمة prime قد صارت لي من قبل لكن لا تخاف على الفلوس كلمهم وراح يرجعوهم لك انا رجعوا كامل فلوسي يوم كلمتهم

إذا كان خدمة البرايم وأنتي تبينها خليها تراها ممتازه جداً وأنا مشترك فيها وأنصح فيها

طيب لوسمحت ماهي مميزات هالخدمه انا اشتركت فيها بالغلط واحب الفيها ...لكن احب اسمع عنها قبل الائها ....

هذا رد تفصيلي أقتبسته من أحد الأخوان في موقع أخر


ستفيد من ميزته في حالة أنك كثير الشراء من موقع أمازون

كثير الشراء تعني 3 مرات وأكثر كل شهر

لأن السلعة اللي شريتها راح توصل لعنوانك بأميركا في غضون يومين فقط

السلع اللي بـأقل من 25 دولار توصل لك مجانا لبريدك بأمريكا وبمدة يومين بعد

الكلام هذا اذا شريت من متجر امازون نفسه أو متجر متعامل مع امازون

بعض المتاجر لا تتدخل في خدمة البرايم

من خبرتي إن أغلب السلع اللي عليها طلب كثير تلقاها في متجر امازون

( في شغلة أغلب المشتركين بالبرايم يسوونها وهي إن قيمة الاشتراك 79 $ وتعتبر كثيرة على شخص واحد لذلك يتقاطون أربع ويشترون الخدمة لان فيه ميزة المشاركة لحد أربع أشخاص فيطلع للشخص الواحد 60 ريال كل سنة )

وأغلب المتقاطين ما يعرفون بعض لان اجتماعهم واتفقاهم صار بالمنتدى ( المنتدى ألغى موضوع إن الواحد يتقاط في البرايم ولكن بعض الاحيان تلقى موضوع حاول تكلم صاحب الموضوع بسرعة لحجز مقعد قبل حذف الموضوع من الاشراف )


تعرف إن حسابك برايم

اذا كان شعار امازون اللي بالزاوية زي كذا



أخيرا أنتبه تفعله التفعيل المجاني

لان مدته شهر بعدها راح يسحبون الفلوس بعد شهر الا اذا الغيت خاصية التفعيل التلقائي وتلقى شرح الالغاء في المنتدى

يوجد فرق بين موقع أمازون ومتجر أمازون

-----
للتوضيح

موقع أمازون = هو الموقع الشامل فيه متاجر كثيرة تبيع وتحت إشراف امازون

متجر أمازون = نفس الموقع له متجر خاص فيه وينافس المتاجر الثانية في الاسعار

متجر متعامل مع امازون = متجر معطي أغراضه لأمازون تحط السلع في مستودعها وتدير أمازون عملية البيع والشراء والارسال من مستودعاتها
- - - مشاركة محدثة - - -

نسيت أقول لك أخوي القلب الصادق إذا كنت طالب جامعي أو في معهد لغه وعندك بريد تعليمي اللي ينتهي بـ edu تقدر تشترك 6 شهور مجاناً

أنا بصراحه عميل لهم من قبل ما أجي أمريكا وهو بالنسبة لي أفضل متجر في العالم وأسعارهم الأقل حسب خبرتي وتعاملهم أفضل تعامل شفته في حياتي بين تاجر وعميل