تجربتي مع التوفل TOEFL توفل ,,, روابط ونصائح ومعلومات قد تفيد من يحضر للإختبار

اشكر زيارتك للموضوع ومشاركتك التي اسعدتني. بارك الله فيك واتمنى لك مزيدا من التوفيق.

ان شاء الله يستفيد الاجيال الاخرا من مواضيع مفيده في هذا المنتدى العامر والمزدهر بالمواضيع الهادفه.

دعواتي لك بالتوفيق
تحياتي وتقديري... في حفظ الرحمن...

الله يبارك فيك أخي الكريم,,,

أشكر دعائك لي والله يبارك لك في صحتك وعلمك ويرزقك الجنه.

نزورك يا أخي الفاضل ونشارك إن شاء الله.

تحياتي وتقديري...

عندي استفسار اخوي وياليت لو احصل الأجابة منك اناا ودي بالكتب اللي ذكرتهم اللي عددها 6 كتب مميزة انا ودي اطلبها لكن بس مو عارف الطريقة لاني قاعد احضر للتوفل خلال 5 شهور انتظر ردكك .. مع الشكر ..

هلا فيك أخي فيصل, تقدر تطلب جزء منها من موقع امازون 4000 Essential English Words, Book 5: Paul Nation, Fidel Cruz: 9781599664064: Amazon.com: Books

تقدر تشوف فصل من الكتاب قبل تطلبه من امازون واذا ناسبك أطلبه وحط بريدك. انا طلبته من ارامكس ووصلني اتوقع من 8 الى 11 يوم.

انا أتذكر أني أنهيت سادس وخامس كتاب أذا ما خانتني الذاكره.

نصيحتي لك كتاب من السته كتب او كتابين كفاايه وركز على مواقع الاخبار العلميه بشكل أساسي لأن مواضيع التوفل مشابهه لها والكلمات الأكاديميه متوفره فيها. والأهم أنك تقوي قدرتك على استيعاب القطعه بسرعه حتى لو ما عرفت بعض الكلمات.

الله يوفقك ,انشاء الله بتجيب الدرجه اللي تبيها. اهم شي تستخدم منهجيه في المذاكره تفيدك وعليك بالمثابره والصبر.

تحياتي وتقديري,,

الله يعطيك العافيه

حبيت أشكرك اخوي المستقبل على المعلومات بس اخوي بالنسبة للكتااب هل تنصح اني اشتريه من الأمازون والا اجلس على المواقع العلمية وهل بنظرك 5 أشهر فعلاً كافية أني أخذ اعلى درجة بالتوفل .. مع الشكرر

هلا فيك فيصل...

الكتب كويسه لجل التنويع. والكتب فيها ميزتين. اولا: في بداية الكتاب يحط كل الكلمات في صفحتين. تقدر تراجع الكلمات بعد فتره لجل تتاكد انك ما نسيتها. وثانيا: فيه ملفات صوتيه تحملها من موقعهم. يقرا اللي في الكتاب.
اللي ما بيفيدك إن فيها كلمات أعتقد انها غير اكاديميه ولا تجي في التوفل في اعتقادي. لكن فائدة الكتب انك تنوع وتفيدك في سرعة القراءه.

إش افضل شي تسويه بصراحه صعب أقول لك. لأن هذا يعتمد على مستوا لغتك الحالي. والاسلوب اللي أنا أتبعته نفع معي واخاف ما يمشي معك.

لكن أنا في نظري خمسه شهو كااافيه تنقل مستواك من 65 مثلا الى 80 . يعتمد على المثابره والصبر واستخدام منهجيه في الدراسه تفيدك.

جرب اسلوب القرائه بشكل اساسي من المواقع العلميه ولا تنسى الكتب اللي فيها كلمات مهمه في التوفل لكن لو مليت منها حول على المواقع العلميه. ولمن تتعب من القراءه شغل التلفاز على قنوات علميه مثل ال Nat Geo Wild و Animal Planet والراديو. بعد شهر ونص خذ اختبار تجريبي وشف مستواك, اذا تحسن أستمر, واذا مافيه تحسن في الدرجه سامحنا وأكتب في الموضوع ان الاسلوب هذا ما نفع معك.

فيه كتب مفيده في جرير. نسيت اسمها لكن لا يضعونها على الرفوف ولكن تجدها على الارض معا مجموعه من الكتب على طاوله دائريه منخفضه.

اللي يقرا الموضوع وعنده أسلوب مفيد, أرجو ان يفيد الأخ فيصل ويفيد الأخرين.

أتمنى لك التوفيق, في حفظ الله أخي العزيز

بالنسبة للأخ فيصل , مثل ما ذكر المستقبل جزاه الله خير . أضيف نقطة برأيي مهمة و هيا كم الدرجة اللي انت تطلبها . مثل لو هدفك 80 شوف نفسك اي من اقسام الاختبار سهل بالنسبة لك تطويره .
يعني مثلا اعطيك حالتي , انا كويس في الكتابة و التحدث , ركزت عليها و تدربت كثير فبالتالي رفعت درجتي فيها اكثر من 20 , باقي الاستماع و القرءة , الاستماع كل ما تدربت على طريقة اسئلة التوفل من اختبارات قديمة و اللي تلاقيها في السي دي اللي يجيك مع بعض الكتب مثل كامبريدج او بارون كل ما تحسن أداءك فيه , اخر شي الريدينغ و نصائح اخوي المستقبل اتوقع جدا مفيدة و هيا زيادة الكلمات الاكاديمية و اضيف عليها التدرب على طريقة اسئلة التوفل .
اخيرا 5 اشهر اذا تدربت صح و لغتك كويسة بشكل عام تقدر تجيبها بإذن الله .
بالتوفيق عزيزي

اشكرك أخوي انكليش في اي بي على المعلومات الوافية في ظل هذا المنتدى المنير في طلبة العلم انا اليوم رحت لمعهد عندنا بالرياض واختبرت تحديد مستوى وقالي مستواك حلو لكن يبي لك تطوير لا اٌقل خصوصاً في القواعد والتركيب حق كتابة الـ essay وقالي يبي لك فوكاب لان فوكابك ضعيف وحطني بالمستوى الثالث مع العلم اني طالب في الجامعة ولكن احس تعليم الجامعة خرطي مع احترامي لكن همهم بس يدفونك وتنجح مو مهم تتعلم انا اقدر اشتغل على نفسي ولكن اللي انا شريته هو كتاب حق التوفل لان مسجل انا مستوى 3 و 4 و 5 و6 و 7 واجهز للتوفل واختبر بنفس المعهد وهل تنصح اني اختبر بالرياض والا اطلع للدمام اختبر هناك وايضأً هل كتاب الكامبرج اللي ذكرته او البراون ينفع او اجلس على السيدي حق التوفل والمعهد والجامعة واقرا جرايد لاني كل يوم اخلص مقالين واترجم نصوص من اللغتين عربي _ انكليزي والعكس والمسألة ترى رغبة داخلية لتعلم والا معدلي الحمد الله كويس ولكن ودي ارفعه زيادة واخذها تحدي مع التوفل لا أكثرر .. مع الشكر ..

حياك عزيزي , بالنسبة لمكان الاختبار ما تفرق لان الاختبار يجي من الشركة و عبر الانترنت يعني ما يفرق المكان ابدا , اما الكتب اللي ذكرتها بصراحة انا ما ذاكرت منها كثير لكن السي دي اللي معاها جدا مفيد لانه يعطيك اختبارات حقيقة و تخليك تعرف كل سؤال ايش المطلوب منك و كيف يجيك , يعني تدخل الاختبار وانت عارف ايش بيجيك و مثل ما قلت كل ما تتمرن اكثر كل ما تزيد فرصتك في الحصول على درجة عالية .
موفق عزيزي .