مساعدة مساعدة لخوكم الصغير

شوف يا غالي
سؤالك مثل الي يسأل وش توصوني آكل (عنب) ولا (تفاح)، (برتقال) ولا (موز) ! ـ
هذا أمر يختلف باختلاف الأذواق والشخصيات وعدة أمور أخرى
لكن حسب رأيي : تصفح المنتدى بدقة لعدة أيام ، وسجل ملاحظاتك في دفتر ، بدأ من الولايات الشرقية فالوسطى فالغربية ، وعندما تنتهي ستقف بنفسك على الولاية المناسبة لك والمدينة المناسبة لك .
بالنسبة لي شخصيا : أحب تكساس ، ولاية عظيمة وحيوية ، تنبض بالقوة والجبروت .
ودعواتي لك بالتوفيق ، وحفظ الله ،،،

راح اعلمك طريقتي واللي انا اشوفها ناسبتني جدا في اتخاذ مثل هالقرار ..

اول شي تفكر فيه هو الاجواء المناسبه لك ولصحتك بشكل أولي ..
يعني .. انت تحب الحر .. او البرد .. او ماتفرق معك .. !

اذا تحب الحر وماتحب البرد .. تدور الولايات اللي اجوائها دافيه وبرودتها معتدله ..
وهذي عادة تكون بالولايات الوسطى والجنوبيه ..

اما اذا تحب البروده .. ولا تحب الحر .. خلك شمال وشرق ..!

اذا عرفت الولايات اللي تناسبك اجوائها .. تجي للنقطه الثانيه ..
وهي الجامعات في هذه الولايات .. (الجامعات الموصى بها) ..
وعلشان تعرف الجامعات .. لابد تفرزها بتوفر التخصص اللي تبيه ..
الجامعات اللي فيها التخصص حقك تحطها على جنب .. واللي مافيها خلاص تكنسلها ..

بعدها تجي على الجامعات اللي توفر تخصصك ..
وتبتدي تفرز الجامعات حسب تصنيفها .. كل ماصار تصنيفها اقل كل ماصارت الدراسه فيها اسهل والقبول فيها اسهل ..
وتدور على الجامعه اللي تناسبك .. او تحاول تفرز الجامعات بتصنيف متوسط لاهي من الجامعات الاوائل ولا من الجامعات الاواخر .. خلك متوسط باختيارك ..

بعدها راح تصفى عندك عدد قليل من الجامعات ..
تشوف كل جامعه باي منطقه .. وتشوف المناطق والجامعه وايش في منطقة الجامعه او الولايه بشكل عام .. لان بعض الجامعات تكون بمنطقه ماحولها الا محلات تجاريه .. وبعيده عن الداون تاون ..
وبعد ماتختار الولايات اللي اعجبتك ..

تبتدي شغلك مع الجامعات اللي اخترت ولاياتها .. قول صفيت على اربع جامعات بولايات او مدن مختلفه ..

اذا كنت على حسابك .. قدم عليها كلها .. واللي يجيك منه قبول امسك عليه وكمل اوراق الفيزا عليه ..
..

هذي طريقتي لما جيت اختار الجامعه .. ممكن تفيدك بشي ..

رد اخونا 10k
ممتاز
واحب اضيف عليه على حسب فلوسك
فيه ولايات غالية وفيه رخيصة

الله يعطيكم العافية وماقصرتوا بس ياشباب انا اهم شيء عندي المعهد لاني وللاسف مااعرف انجليزي مره وايضا حبيت اعرف من ناحية الامن وين الولاية اللي معدل الجرائم قليل فيها وبخيركم في عدة ولايات وتكفون تكفون ساعدوني فرجينا والا كنتاكي والااوهايو والا شيكاغو والايوتا تكفون تراني بكلمة عامية (طعس)

هذي كلها تعرفها اذا حددت الجامعات اللي تقبل تخصصك وحددت المناطق اللي تناسبك معيشيا وصحيا ..

وقتها تبتدي تبحث عن اسماء الولايات كمعيشه واسعار وامان وغيرها .. والمنتدى متشبع من مواضيع شرح الولايات .. كل واحد شارح ولايته بطريقه واضحه ومفصلين فيها تفصيل .

الله يعطيك العافية وماقصرت بس انا مهتم في المعهد اكثر والولاية من الجامعة لان ممكن مااكمل ماستر هدفي اللغة الا اذا اعجبتني امريكا وارتحت نفسين بس انا متشتت

اعرف معهد تدريسة مناسب والحقيقة ماجربت الا هو لكن يعيب عليه
كثرة السعوديين
والمنطقة غالية

الله يعطيك العافية علمنا بالمعلومات اللي عندك اهم شئ يكون المعهد قوي عليان لغتي صفر في الانجليزية بعدين نبحث عن جامعه

اخوي اذا انت في السليم بإذن الله مايجيك شي ,, لاتفكر بالاماكن اللي فيها اجرام .. انا سكنت في مدينتين من المراتب الاولى في الاجرام على كلام الناس وولافيها شي

مثل ماقالو الاخوان دور جامعه ممتازه وقول بسم الله وتوكل على الله ..