مساعدة I-20 . تغير المعهد

وشلون تبي تنقل مونتانا وانت عندك قبول في ميزوري ؟ < سؤال محير صراحه !

عموما ..
مادام معك قبول مشروط من الجامعه في ميزوري .. ولازال فعال ..
تقدر تروح على بداية الدراسه اللي هم محددينها لك وتكمل دراسه هناك ..

واذا مثلا المعهد اللي بميزوري يبتدي دراستك فيه السميستر الجاي .. وانت في معهد بتاكساس ..
فتكمل بمعهدك الحالي حتى يقرب وقت دراستك بالمعهد الثاني .. وقبل لاتطلع بشهر .. تحول اوراقك على المعهد الثاني !
وتطلع ضمان من الملحقيه (لو كنت مبتعث) على المعهد الجديد .. على اساس انك تبي نقل !

يعني باختصار خلص امورك اول مع الملحقيه بعدها اذا تم كل شي مع الملحقيه تطلع من المعهد اللي انت فيه وتروح للثاني !

هذا والله اعلم ..

يعطيك العافيه ياغالي ع ردك وتجاوبك معي والله يوفقك لكل ما يحبه ويرضاه للخير .

بس ماجاوبتني ع سؤالي . هل يجب علي بدا الدراسه معهم اذا صدر الاي توني (i-20) لانهم بيرسلوه لي وانا ابي امشي ع قبول مونتانا لانه عندي فيها قبول من زمان . هل ياثر اذا اخرجو او اصدر الاي توني ؟ والا لا ؟ يعطيك العافيه

لا مايأثر ..
الايتوني له مده وينتهي .. اذا ماجيتهم بهالمده خلاص يكنسلون اسمك من القائمه وكانك ماقدمت وانتهى الموضوع !
وللمعلوميه تقدر تطلب اكثر من اي توني من كذا معهد او جامعه ولا عندك مشكله ..
بس المهم انك تكمل دراستك في مكان واحد !

يعطيك الف عافيه ع الرد والتفاعل اخوي الكريم

سوال لو سمحتوا وش معنا الاي توني (i-20)

مجرد اسم مختصر للفورم للتمييز .. لانه ينعرف بعد باسم Certificate of Eligibility for Non-immigrant ..
حتى يكون معروف ومميز وسهل الحفظ والنطق على الجميع !
فاستخدموا الرمز I-20 ..

طبعا كترتيب او وش فايدتها .. هم يقسمون هالرموز على الفورمس .. مثل فورم الـ I-94 .. وانت ماشي ..
واعتقد والعلم عند الله ان فورمس اللي تبتدي بحرف الـ I هذي مخصصه للـ immigration ...
لان الاي توني مثلا والاي 94 .. هذي كلها تعرضها على الامقريشن ..
واما الارقام ماهي الا تمييز بينهم .. فقط يعني مرقمينها كذا ..!

هذا والله اعلم ..