التحميل فــ امريكا ؟!

كلها برنامج ..... يعطي فكرة عن كمية التحميل الي يحمله الشخص

يعني ٢٠٠ مليون شخص ما يتعدى التحميل اليومي المسموح خلنا نقول ٢٠٠ الف
٢٠٠ الف بيكونوا تحت المراقبة عن ما هية التحميل..... و برضه مجرد برنامج

كلامي مجرد فكرة في راسي لا اضمن صحتها (عشان محد يجي من المدرعمين و يتفلسف)

مشكــــــور على الردود

UP

لا اله الا الله محمد رسول الله

السلام عليكم ورحمة الله وبركاته ..

فكرة اخوي محمد صحيحه .. وهي المطبقه بامريكا ..

خلوني اعطيكم فكره عن نظام الانترنت في امريكا .. حتى تتضح لكم باقي الافكار ..

نظام النت في امريكا ينقسم لقسمين .. فيه نظام محدود .. وفيه نظام مفتوح ..

النظام المحدود .. او مثل مايسمونه Bandwidth Limit ..
الباندويث هو كمية البيانات المحمله من والى Upload + Download ..
الابلود مثل التصفح .. والداون لود مثل تحميل الملفات ..

طبعا كل شركه تعطي باندويث معين للمستخدمينها .. وتختلف الكميه او حجم الباندويث من شركه الى شركه ومن مستخدم الى اخر ..

فلناخذ كومكاست على سبيل المثال Comcast ..(بحكم استخدامي ومعرفتي لانظمتهم) ..

كومكاست تعطي حجم 250 جيجا للباندويث لمدة شهر كامل ..
او مثل مايسمونه Usage ...

كثر ماتحمل وتتصفح كثر ماتستخدم من مساحة اليوزيج حقتك الشهريه ..
فطول ما الشخص تحت الحجم المحدد لك .. طول ما اموره طيبه ولا راح يكون عليه مشاكل ..

اذا تعدى الحد المطلوب يجيهم تنبيهه على حسابك أنك تعديت الحد الشهري ..
فأول مره مايقولون لك شي .. ثاني مره يدقون عليك ويسألونك ليش تعديتها .. واذا قلت لهم انك ماتدري ..
نسقوا معك على انهم يشيكون على خطك ويخلونك تركب برنامج فحص على جهازك ..
كل هذا مو علشان يعرفون ايش الملفات اللي حملتها لا .. كل هذا بس يتأكدون أن مافيه اي برنامج او اي هاكر يستخدم خطك !

المره الثالثه يجيك انذار مع حرمان من الخدمه لمدة سنه كامله ..! (فقط من شركتهم .. يعني تقدر تجيب اي شركه ثانيه ماعندك مشكله) ..

وفيه شركات اذا تعديت الحد الشهري .. يعطونك مثل ماتقول غرامه ..
والغرامه تكون ماديه ويعتمد على القيمه اللي يطلبونها منك ..
يعني يتعاملون فيها مثل سالفة الجوال .. لو مثلا انت حدك بالجوال 250 دقيقه شهريا ..
وخلصتها قبل ينتهي الشهر .. واستخدمت مثلا 100 دقيقه اضافيه ..
قالولك ان كل مثلا دقيقه نحسبها لك بـ دولار .!
فهنا بعض الشركات تستخدم نفس الطريقه بمسألة استهلاك الحد الشهري من الباندويث وكل شركه وطريقتها وحسبتها ..


هذي من ناحية ..
من ناحيه ثانيه .. فيه شركات تقدم حلول لمن هم يريدون باندويث عالي ..
فمثلا كومكاست .. عندهم خدمة الـ Business Class ..
يقدر الواحد يحول على هذه الفئة .. وراح تكون اغلى شوي .. لكن بالمقابل راح يكون كل شي مفتوح له وماراح يكون عليه باندويث محدد !

ايضا نقطه مهمه .. غالبا اذا كنت مشترك بسرعة نت عاليه .. (من 50 ميقا بت وطالع ) .. غالبا مايكلمونك اذا تعديت الحد المسموح مثلا شهر وشهرين بقيت تحت الحد .. يعني متقطعه ..
لانه متوقع هذا الشي .. فكل ماصارت السرعه اعلى كل ماصار تحميل الملفات احجامها اكبر .. (لان التحميل بيصير اسرع فبالتالي ماراح احد يفكر بالحجم طول ما ان الملف بيخلص بسرعه) ..



والنظام هذا 90% من الشركات تطبقه ! ..


اما عن نظام المفتوح .. فهو مثل اللي بالسعوديه يجيك مفتوح ماله حد او مثل مايسمونه Unlimited Bandwidth OR Unlimited Usage Capacity .


الان عرفنا تقريبا كم نقطه مهمه ..

نجي للأهم ...

مسألة تحميل الافلام او الملفات اللي عليها حقوق .. هذي اكيد عليها غرامات وما الى ذلك من امور .. ولكن ينطبق عليك هذا الكلام لما فقط تستخدم نظام التورنت او خدمة الـ Peer-to-Peer على الاون لاين بشكل عام ..
سواء بالجامعه او بالبيت او اي مكان عام .. وهذي عليها مراقبه مشدده ..!
لدرجة ان الجامعات الان صار عندها برامج تكشف الاجهزه اللي تستخدم برامج التورنت .. ومجرد انهم يصيدونها .. على طول يعطون باند للايدي حق الطالب فبالتالي مايقدر يستخدم النت بتاتا بالجامعه .. لحتى يروح يراجعهم ويعطونه انذار انه مايشغل هذي البرامج داخل الجامعه ..
ويردون الايدي حقه .. واذا صادوه مره ثانيه خلاص ينسى شي اسمه انترنت بالجامعه ! .. (يصير يستخدم اجهزة الجامعه فقط ) ..


اما لو كان تحميلك بروابط مباشره او باستخدام طرق اخرى مثل الـ Drop Box وغيرها من الطرق .. فحمل مثل ماتبي ..

اهم شي تكون عارف كم الحد الشهري المسموح لك تحمله بالباندويث .. وتبقى تحت الحد الشهري قد ماتقدر .. لو ببايت واحد !


اما لمن هم يريدون استخدام التورنت ..
فعليهم بالـ Private Torrent ..

لان مواقع الـ Public Torrent هذي كلها تحت المراقبه .. فاي شي تحمله انت مراقب فيه !
لانها مفتوحه للعامه .. والكل يقدر يحمل ..

بينما الـ Private Torrent .. مواقع مخصصه للتورنت ولكن محدوده لاشخاص معينه ..
وهذولا الاشخاص مايقدرون يحملون الا لما يسجلون بمواقع البرايفت تورنت وكل موقع له سيرفره الخاص ..
وخارج نطاق المراقبه ..


اتمنى اني افدت بالمعلومات .. واتمنى ان الصوره وضحت بشكل كامل ..

^

مشكوور الله يعطيك العافية وضحة نقاط كثيرة ما جبت خبرها مشاء الله عليك

حمدلله اني قريت الموضوع لاني توني منزل التورنت ^_^ !!!!

اهلن
حمدللة محد درى عني
كل أسبوع فلمين احمل اقل شي بس من شهر وقفت طفشت مو خوف