الي يدلني على محل في أمريكا يبيع المساند والمراكي الشعبية، أو أحد عنده للبيع؟

ديربورن ميتشغن حسب معلوماتي هناك محل يفصل لك

شكراً أخوي أرمان، المشكلة أني ما قدرت أوصل لهم. وبعدين أنا في كولورادو أبي توصيل فإذا عندك خلفية عن موقع لهم يا ليت تتفضل علينا.

والله يالغالي ما اعرف لهم موقع والصراحه بعيدين عنك والنقل حتى يمكن يكلفك مبلغ كبير اتوقع

افضل حل لك ياخوي
Cushions & Pillows : Patio & Outdoor Decor - Walmart.com
ادخل الولمارت وشوف ان شاء الله تلاقي شي يعجبك.
واذا حصلتلك شي عربي عطنا وفيدنا

دامك بكولورادو , في محل أسمه الاثيوبي خياط هو. ما أدل مكانه بالضبط . لكن الرجال يفصل لك اللي تبي . لكن السعر مبالغ فيه حيييل .

أذا حصلت العنوان بكتبه لك .

والله شوف .. فيه عندك كم من حل ..
الحل الاول .. أنك تاخذ مقاسات شقتك وتفصل على مقاساتها المساند والمطارح اللي تبي من السعودية بدون حشو!

وتجيبها وانت جاي ممعك .. (يصير تجيب بس الاقمشه بدون قطن)..
واذا جبتها هنا لامريكا .. تجيب القطن تشتريه من الول مارت او من اي مكان يفصل اثاث او متخصص بالقطن ..

وهذا الحل اللي انا شفت كذا واحد مسويها بامريكا ..
( يفصلون الجلسه "سدو" ويجيبون بس الاقمشه بدون حشو .. ويحشونها بامريكا بالقطن .. ) ..

الحل الثاني .. انك تشتري وسائد السوفا بدون سوفا ..
وفيه محلات كثير يبيعونها ..
تقدر تشتريها وترتبها عندك .. .

اسم الوسائد اللي تقعد عليها بالسوفا sofa cushions
اما اسم الوسائد اللي تكون ورى الظهر sofa pillows

واذا بغيت تاخذها كمجموعه .. يسمونها sofa cushions set

اما اذا انت تبي وسائد قعده تكون كبيره شوي .. يعني عرضها يكون اكبر .. فابحث عن Ottoman Cushion ..
هذي دائم الكوشن حقها اكبر من الكوشن حق السوفا العادي .. لان القطعه نفسها تجيك بمقاسات اكبر ومنفصله ..
فتقدر تبحث عنها وتجمع لك كم حبه وتضبط وضعك ! ..

هذي لو بغيتها جاهزه ..

اما لو بغيتها تفصيل ..
فراح تلاقي مواقع كثيره تفصل ..
وبعد ييفصلون لك مراكي ووسائد وحركات على مزاجك وبالمقاسات اللي تبي ..
وترسلها لك جاهزه .. لكن اكيد بيكلف شوي ..

شوف هالمواقع تفصل :
Custom Cushions & Pillows for Outdoor Furniture | Cushion Source
Arizona Custom Cushions - Custom outdoor cushions, patio seat cushions, outdoor pillows, boat cushions,Wicker cushions, bench cushions
Custom Cushions & Throw Pillows - Indoor/Outdoor | Cushion Pros


اتمنى اني افدت ..