اسماء الجامعات التي يقوم الهلال الاحمر بابتعاث الطلبة لديها تخصص طب طوارئ

سلام عليكم.. أخوي بدر انا ادرس ادفانس في جامعة سوث الاباما ..

قسم EMS عندنا الحمدلله ممتاز ولا فيه عنصريه.. اعداد السعوديين عندنا في ازدياد ماشاء الله..

المهم ترا الطلاب السعوديين بعضهم فزعه ولا راح يساعدك احد في دراسك غيرهم..


نصيحه أبحث عن الجامعه الي يكون فيها القسم سهل من دون تعقيد. أنتبه تروح لجامعه يكون فيها القسم تعامله سيئ مع السعوديين. ترا يمكن ما تمشي اذا القسم وصخ.



وبالتوفيق

شكرا لك الله لايهينك على المشاركة الحلوة وياليت لو تكرمت توضح لي وللمشاهدين معلومات اكثر مثل
1- جامعتك فيها معهد لغة او لا
2- انت دبلوم وتكمل بكالريوس او من الصفر بادي
3- استفسر لي وللجمهور اغلبنا دبلوم وبيكمل بكالريوس كم يبيلة سنة حتى يحصل على شهادة البكالريوس وكم بيعادلون لنا شهادة الدبلوم
4- اذا امكن اسماء الجامعات اللي تدرس تخصص طب طوارئ وهل معتمدة او لا

افضل جامعة من الي ذكرت هي جامعة ( لوما لندا )

الجامعة الثانية من ترتيبك

القبول فيها يعتبر صعب والدراسة اصعب ومايتخرج منها الا الدوافير على قولتهم

وايضا فيه جامعة ممتازه ماذكرتها ومعترف فيها من قبل الوزارة وتدرس بنفسى المسمى بالضبط ( طب طوارئ ) طبعا يختلف المسميات لهذا التخصص
الجامعة اسمها ( University of pittsburgh ) في ولاية بنسلفايا

اخير , الله يوفقك

بالنسبه لي انا في جامعة Temple في مدينة philadelphia ولاية pennsylvania بعد اسبوع ابدا اللغه في معهد الجامعه ... وانا دبلوم واذا تحسنت لغتي راح ارفع اوراقي لمؤسسة wes مختصة في معادلة المواد .. وراح اخاطب الجامعات اللي فيها التخصص .. اللي فهمته من النت ان تخصصات البكالوريوس للطب طوارئ لحملة الدبلوم كذا تخصص ... واعتقد توقف ع المعادلة لانه كل تخصص يمكن موادك فيه ويمكن لا .. واعتقد الاقرب من كلام الناس emergency medical servies هذا الاسم بس اذا في اخطاء املائية اعذروني .. واذا تبي تتاكد تقدر تدخل موقع وزارة التعليم العالي وتشوف الجامعات المعترف فيها وتدخل اسم التخصص بالانجليزي ويعطيك الجامعات .. انا حصلت جامعة هارفرد فيها وهي جامعة قوية ع مستوى العاالم وغنية عن التعريف... المهم اذا جاد خل عنك كلام الناس وخل املك بالله .. واتقدم خطوه بحياتك .. نجحت خير وبركه .. ماتوفقت تكون تجربة بتعلومه .. والله يوفق الجميع

هلا بك أخي العزيز ..

1. الجامعة فيها معهد لغة ESL بس تراه كله سعووديين وسمعت ان الملحقيه موقفته للتكدس.

2. انا بادي من جديد والحين في الادفانس.

3. شوف ياطويل العمر البرنامج كالتالي: سمستر بيسك + سمستر ادفانس + 3 سمسترس بارامدك + 2 سمسترس بكالوريس

بالاضافه على هذا مطلوب منك مواد يسمونها "بري ركوست" وهي كالتالي:

English 1
English 2
Public Speaking
Literature
Humanities Elective
Fine Arts Elective
Math
Chemistry
Biology
Psychology
Sociology
History 1
History 2
Medical Terminology
Computer Apps

على العموم القسم جيد في المعادله اذا كنت دارسهم.


ونقطه مهمه جداّ وهي اصعب شي قي البرنامج انك ماتقدر تنتقل من لفل الى لفل اعلى الا اذا عديت اختبار الناشونل ريجيستري حق كل لفل (بيسك + ادفانس + بارامدك)



وبالتوفيق