الشغالة او الخادمة في امريكا

شخصيا لا انصح
فمن الممكن ان تسمع و تعطى كلام من المطار عن حقوقها كموظفه من قبل دار الهجره الامريكيه
على سبيل المثال انها تعمل ثمان ساعات في اليوم فقط وان اي زياده في عدد الساعات يعتبر عمل
اضافي تستحق عليه اجر و فلوس ،،، وان لها اجازه اسبوعيه و ،،،،،
ولذلك انصح ان لا تذهب معاك فبالامكان ان ترفع الحكومه الامريكيه دعوى ضدك بسبب الاساءه للعامل
او الموظف من باب حقوق الانسان ،،،،الكلام خطير جدا

لا تجيبين اذا تنضيف فيه بالساعة يجون ينظفون
واذا اطفال بيبي سيتر بالساعة الفترة اللي تكونين فيها خارج البيت

بالتوفيق

والتكلفة راح تكون نفسها لان الخادمة لها اجر بالساعة هنا محدد فاذا جبتيها ما راح تقدرين تعطينها اقل من minimum

أنا لسه ما بعد أطلع , لكن أنصحك ما تاخذينها , و أستخيري قبل كل شي ^^
موفقه

لا أختي .. ما انصحك تجيبين اي خادمه معك من السعودية .. حتى وان كانت كويسه ..
لان اولا مصاريف .. ثانيا ماتضمنين إذا كانت راح تنقلب عليك بامريكا او لا ..
مثل ماحصل مع بعض السعوديين ..

اذا كنتي تبين خادمه .. ففيه خدم أمريكان يجوون للبيت وقت انتي تتفقي معاهم فيه وينظفونه ويرتبونه وايضا يغسلون الملابس ولو كنتي تبينهم يطبخون يطبخون بعد ..
وبعد يشترون مواد غذائيه للبيت ( حسب الاتفاقيه ) ...
يعني كل شي على الاتفاق بينك وبينهم ..

وايضا فيه البيبي ستر او الناني .. هذولا كلهم موجودين وراح تلاقينهم حاطين معلوماتهم في موقع الكراجليست او مواقع المختصه بهالمجال ..

وفيهم الكبير والصغير .. وانتي واختيارك ..

احلى شي فيهم أنهم فقط وقت معين ويخرجوا .. يعني مثلا انتي تبينهم يشتغلون بالصباح لانك بالجامعه .. فهم يجوون مثلا الصباح ينظفون البيت ويرتبونه لك وكل شي متفقه معهم فيه ..
واذا خلصوا راحوا .. تجين انتي تلاقين كل شي مرتب وجاهز ..

صحيح مثل ماقالو الاخوان تراهم يتهددون علينا
انا اشوف بمدينتي كثير عاملات تجي للبيت وتهتم بالعيال وتطبخ وتنظف
بمدينتي فيه صوماليين كثير يشتغلون حتى جارنا معاق ومعاه واحد بشيله ويحطه والاجور انا ملاحظه انها متدنية يعني اقل اجر بولايتنا 7 دولار بالساعة
يعني لو تجيك باليوم خمس ساعات مارح تاخذ بالشهر اكثر من 800

ال

ابداً مانصحك مثل ماقالوا الأخوان

مشكورييييين جميعا على الردود

الله يجزاكم خير

وان شاء الله تتسهل هناك ونلاقي خادمة بالساعة
على الاقل تساعد في تنظيف البيت واللوازم

أنا ما أقول ما أنصحك، لكني أقول إياك واحذري مرة وثنتين وعشر.

1) الخدم منيتهم يجون أمريكا، وطبيعي أنها توافق.

2) الشيء الثاني: أوروبا تطلب أن الخادمة تكون معك من سنة، بس أمريكا والله أعلم أظنها تطلب خمس سنوات.

3) الراتب لازم تدفعين لها 1500 دوولار (قرابة 4000 ريال)، وبهذا المبلغ تقدرين تسنعين أمورك مع الحضانة بدلا منها.

4) كم بتدفعين عليها رحلات؟ هذي لو تجمعينها، بتعوضك عن جيتها وتدفعين لأي شخص ينظف بيتك بدلا منها.

5) من الشروط أنه يكون لها غرفة خاصة في السكن، وإذا أنت بتسكنين في شقة، لازم تلبين الشروط، واحسبي سعر زيادة غرفة في السكن كم بتكون.

6) لها سنة عندك في السعودية، يعني باقي لك سنة تخدمك هنا في أمريكا وخلاص، سنة ما تستاهل كل هالتعب.

7) أوقات العمل في أمريكا لازم تكون ساعات معينة وراحة ساعات معينة، مستحيل تكرفينها اليوم كله كلما بغيتي شيء. يعني أقصى شيء الظاهر 8 ساعات في اليوم.

8) جوازها لازم يكون معها، وفي أي لحظة ما تدرين وين راحت لك، ما تقدرين تقيدينها بالجواز زي السعودية.

إلى غير كذا من المشاكل.