تقرير الأصـدقـاء !!

كان الله في عونك أخي الكريم ...الغربه صعبه والوحده أصعب

وماتنلام باحساسك ...

اخوي حاول تتواصل مع النادي السعودي في منطقتك يمكن يعرفونك على ناس في نفس المنطقه

أو ممكن تقضي وفتك في الاعمال التطوعيه ...منها تكسب اجر ومنها تشغل وقتك وتعرف على ناس وتفيد سيرتك الذاتيه

والشي الاخر ممكن تنضم للفرق الرياضيه في الالعاب الي انت تحبها وان شالله راح تقدر تكون لك صدافات

يارجال وضعك تمام واحمد ربك

احمد الله على كل حال بس ياخوك تعبان نفسياً وفكر ارجع وترك دراسه ماحد حاس فيني والله لوحده ألم ومعانه تخيل تجلسماتسمع صوت احد ولاحد يعبرك ويسولف وياك

حاول تسافر للمدن القريبة منك واللي فيها شباب سعوديين تعرف عليهم

مافيه طلاب خليجين معك في الجامعة؟
معقولة ماتعرف احد ابد؟ ولك ثلاث سنوات
هو صحيح نادراً تلقى صديق بمعنى الكلمة
بس عالأقل فيه شباب حقين تضييع وقت ووناسة فقط
اما وقت الجد ماتعتمد عليهم ..لكن هالشئ مايمنع تكون صداقات

فعلا الوحده شينه ومتعبه ..
بس لا تردد قول ( بتعب نفسيا ،، انا وحييد ) اخاف يجيك التعب من كثر ما ترددها .. وعقلك الباطني بيستجيب وبيأثر عليك ..
ردد وقل ( ياااليييل مطوولك < خخخخخخ لا امزح .. ردد وقل ( أنا مبسوووط .. انا سعيييد .. أنا شاااطر ودافور .. ) بيكون لهالكلمات تأثير ايجابي بدون ما تحس ..

ومن جد معقوله على مدى 3 سنوات ما تعرفت على احد لو من خلال دراستك !!

أممم نصيحتي .. سو لك جدول مكتوب .. مثلا ( من الساعه كذا لكذا بدرس ... ومن كذا لكذا بتمرن .. ومن كذا لكذا بطلع الف حول سكني .. ومن كذا لكذا بجلس على الجهاز ... ومن كذا لكذا بجلس أقرى اذكاري واستغفر ... ومن كذا لكذا بروح اتقهوى حتى لو لحالك وخذ كتاب واقرى فيه .. ومن كذا لكذا بنوم .. وهكذا ..

اذا حسيت ان فيه جدول تمشي عليه .. صدقني بيتقطع عليك الوقت .. وبتستفييد كثييير منه .. وحاول تنوع في محتوياته ..

تحياتي ،،، والله يشرح صدرك ويسعدك ويوفقك ..

الجنه بدون ناس ما تنداس
اخوي الله يجزاك بالخير شوف لك حد سعودي شي يمين يسار دير وضعك واشرح له وضعك

قدرت تصبر ثلاث سنوات وعجزت عن سنه !!!

الله يكون بعونك

مشها مع اي احد لين الله يفرجها وتخلص

هونها وتهون وانا اخوك ...

وترا مانت لوحدك على هالحال .. غالبية المبتعثين من حالك واصعب بعد .. بس متصبرين ومتكلين على رب العالمين ..
عندك اكثر من حل لهالمشكله ..
اولها واهمها انك تستغل وقت فراغك بشي ينفعك .. مثلا تقرا قران .. او تقرأ كتب صحيح البخاري ومسلم وتثقف نفسك بالدين اكثر .. والله انها متعه لاتوصف صدقني ..
تاخذها على اساس انك تحب تقرا عن الدين .. وتقرب من الله اكثر واكثر ..

الشغله الثانيه تقدر تتزوج وتجيب زوجتك معك .. على الاقل تلاقي عندك من يرد لك الصوت ويونسك وتونسه بوحدتكم .. خصوصا لو الله رزقك ببنت الحلال اللي تهتم فيك وتقدر ظروفك ..
صدقني ماراح تلقى احلى منها ونيس ..

الشغله الثالثه .. فيه برنامج محادثات اسمه paltalk .. هذا انا ادخل عليه من وقت لوقت .. كل ماحسيت بضيقه واني ابي اسولف .. دخلت ودورت لي ناس تسولف ودخلت معهم سواليف .. حتى يطيح اللي براسي واطلع ..
وغير برامج المحادثات الاخرى مثل الشاتات الصوتيه وغيرها ...
يعني مو شرط الا لازم تلاقي احد وجهه لوجهه علشان تسولف معه .. او تروح تحرج نفسك مع الناس لاجل بس تسولف ..

واهم شي لاتضيق على نفسك وتوهم نفسك انك وحيد وما الى ذلك من امور .. لانك ماتدري وين الخير فيه .. ولكن الله يعلم ..
فتأكد أن الله معك وين ماكنت .. وليكن رب العباد صديقك الاول االلي تشكيله وتفضفض له وتقوله كل شي بخاطرك ..


اسأل الله ان يفك كربتك ويزيل همك ويغمر قلبك بحبه وطاعته يارب العالمين ..