حركة من حركات سرقه الشقق في امريكا

شكرا لك معلومه جديدة هذي

والله اول مره اسمع فيها ذي ..
لكن الحمد لله انا باب شقتي مايفتح على الصاله .. يعني لما تدخل الشقه الصاله تكون على يمينك .. وقدامك جدار .!
فصعب انه يكشف اي شي بالشقه .. !

بعدين الشقق اللي تكون بالطابق الثالث وما فوق نادرا جدا تنسرق .. لان السلالم مشكله وقت السرقات ! فدائما الشقق الارضيه هي المعرضه للسرقات اكثر ..
والمسأله ترا ماهي على سالفة عين سحريه وبس ..
فيه ناس يترصدون للناس ويعرفون ايش يملكون من مجرد نظره على الاشياء اللي يقدرون يشوفونها من بعيد ..
مثلا السيارات .. او الشقق الغاليه "اللي تكون معروفه برفاهيتها".. ايضا حتى لبسه ..!
يعني لا يجي احد يلبس لي ساعة جينفشي او فيرزاتشي شاريها من السعوديه بهذيك الحكايه ويتكشخ فيها !
مثل ماصار معي .. عندي ساعة فيرزاتشي هديه من اختي ولما جيت امريكا كنت لابسها شفتها تلفت النظر ..
ولما شافها صديق لي امريكي اعجب فيها وسألني بكم قيمتها فعلمته انها هديه من اختي ولا ادري كم ..
ونصحني بعدم لبسها بالاماكن العامه .. لان مثل هالساعات غاليه وتلفت النظر وممكن تعرضك للسرقات او حتى للقتل !
فبعدها بطلت اللبسها صارلي مده طويله حاطه على الطاوله ماحركتها !

يعني باختصار الواحد ينتبهه ايش يلبس وايش يختار .. لان المكان او البيئه اللي عايش فيها هي اللي تحكم عليه ..
فلا تكون في بيئه كل اللي حواليك لبسهم عادي وانت اللي تلبس اغلى واكشخ الماركات !
خلك مثلهم حتى ماتلفت الانتباه ..

لاتسوي مثل واحد يعلمني فيه صديق لي امريكي .. يقولي حصل مره واحد ركب ضرس ذهب 18 قيراط ..
وكان في حي فقير .. يقول ماكمل اسبوع بعد هالضرس الا اثنين جايينه بزراديه نتفوا ضرسه الذهب ..
قالوا حنا ندور الفلوس وانت تزرع الفلوس بسنونك !؟

فلا احد يحط نفسه في متاهات هو غني عنها ..

الله يحمينا ويحميكم ويبعد عنا وعنكم كل شر يارب العالمين ..!

الله يستر



جزاك الله خير على حرصك علينا

الله يحمينا ويحمي جميع المسلمين،
الشقة سرير وكنبة وطاولة مذاكرة وصلى الله وبارك على النبي خخخ.

والله انا خلقة أخاف من العين السحرية وخصوصا وقت النوم أطفئ أنوار البيت كلها واطل في الصاله ألاقي العين سحرية تلمع منورة بس كويس نورتنا بالمعلومة هاذي الله يسعدك
الحمدالله الباب ما يفتح ع الصالة

امريكا بها امان لم اراه في وطني للاسف . الله يديم الامن والامان علينا في كل مكان

يمدحون العلــك
وشكرا لك على الموضوع

يبدولي إنك لازلت ببداية الغربه ..
أنصحك بعدم اقناع نفسك بفكرة "الأمان" داخل امريكا ..! لان هالشي راح يحطك بمواقف أنت غني عنها !
ماهي كل المناطق آمنه ولاهي كلها خطره ..
وهنالك اوقات تشتهر بالعنف والسرقات .. مثل مابعد الساعه 10 مساء ! أو نهاية الاسبوع تكثر فيها المشاكل وطلق النار وحتى السرقات .. والسبب لان الكل يسهرون في البارات والملاهي الليله وماخالفها !
ايضا لكل ولايه مناطق او احياء معروفه ومشتهره بالعصابات والسرقات وعصابات المخدرات وماخالفها !

إذا تجاهلت كل هذه المعلومات .. قد تتعرض للخطر يوما ما لاقدر الله .. ! خصوصا أن اللصوص يبحثون دائما عن الاشخاص الآمنين والغير متوقعين حدوث هذه السرقات !

فلا يغرنك هدوء البحر .. فكم من سفينة قد غرقت بسبب أمواجه ؟!

فقط إحتاط وإتخذ بالأسباب .. ولا تكون رهابيا بالاحتياطات ويتملكك الخوف والرهبه ..

بل توكل على الله أولا فهو الحافظ .. ومن ثم إتخذ بالاسباب كوسيلة لتفادي هذه المشاكل ..

اسأل الله أن يحميك انت واهلك ويحمينا ويبعد عننا وعنكم كل مكروه يارب العالمين ..!