الولايات الشرقيه او الغربيه ممكن ارائكم

أخوي، تسمع شورتي خل اختيارك على المدينة أكثر من موضوع الولايات أقصد فاضل بين المدن وليس الولايات. بالنسبة لسان فرانسيسكو مدينة ولا أروع و مشهورة بالسياحة بالنسبة للولايات الشمالية و الشرق شمالية أكثرها جوها لا يطاق في اوقات الشتاء بعكس الولايات من ناحية الجنوب والجنوب الغربي اللي على خط مدار الاستواء التي تشتهر بأعتدال الجو. عموما العنصرية هذا شبح سمعت فيه كثير ولا شفته بالواقع كما هو مشاع. بالنسبة للمكسيكان بعضهم يتكلم اللغة بطلاقة مع اكسنت امريكي و أنا أشوف المكسيكان فرندلي اكثر من الامريكان و الهدف الاختلاط و التحدث باللغة ولا تفرق مع من خصوصا المبتدئين مانصحهم بالتركيز على موضوع الاكسنت في التعلم. بالتوفيق أخي

شكراً لردك (عضو آل مبتعث)
كلامك صحيح المفروض افاضل بين المدن
انا المدن اللي في بالي الحين
سان فرانسسكو
سانتا باربرا <<مشكلتها معاهدها
سياتل<< ماعندي معلومات عنها بس اتوقع نص مبتعثي المرحله الثامنه سابقيني لها
نييورك سيتي <<معلوماتي قليله عنها
شيكاغو <<معلوماتي قليله عنها


وبالنسبه للاكسنت يعني هل ماراح يأثر علي بعدين في دراستي الجامعيه
(يعني اخاف اروح سان فرانسسكو واذا جا وقت الجامعه حسيت اني ادرس لغه ثانيه؟؟


واذا اي احد عنده اضافه ياليت يدلو بدلوه
وشكراً لكم

اللغة تعتمد عليك تسمع تقراء تكتب كل يوم ..
علئ مدار سنة راحةتنطقه صحح !!

شكراً لردك (كاليفورنيا911)
بالتاكيد التعلم يعتمد علي
بس انا ابي اتأكد هل راح تأثر مثلاً لو تعلمت في معهد اغلبه اسيوين وبعدها رحت درست في جامعه في نييورك مثلاً
(ماراح افهم عليهم يعني او راح يكون استوعابي مو مره كويس )؟؟ لان تخصصي قانون ولازم اتقن اللغه


<<الهدف من السؤال اوك كلها راح اتعلم اللغه حتى لو هنا في السعوديه بس اكيد الواحد يبحث عن الافضل
يعني اذا في فرق كبير بين اني اتعلم في جو الاغلبية فيه اسيوين او جو امريكان اصليين
ليش مااروح للأفضل مدام استطيع اختار ..


واذا مافي فرق كبير راح اختار براحتي .. بس انا احاول اشوف ايش السلبيات هنا وهناك

ماله دخل اهم شئ اسكن مع عائلة او روميت امريكي ..

ثاني شئ لاتخلتط بالسعودين نصيحه اكثرهم جاي للعب ..

لاتعطيهم وجه من اول يوم دوام انا عطيتهم وتحسفت ..

وعليكم السلام،
طبعا اختيار المعهد له الولوية الاولى وبعدها المدينة والاسعر الخ

بالنسبة ي لو اتيح لي معهدين في الشرق والغرب بنفس القوة والمدينتين جيدتين راح اختار الولايات الشرقية:
١- تنوع اكبر في الجامعات ومستوياتها برأيي.
٢- قريبة من الملحقية يعني لو احتجت شي ضروري ما احتاج ادفع قريب الف دولار تذكرة.
٣- التذاكر من والى السعودية ارخص والمهم ان وقت السفر غالبا اقل بكثير.

بما انك طالب قانون ، روح ولاية ويسكنسون مدينة ماديسون ، المدينه كجو عام اريحيه جميله جوها حلو ورايق اسعارها معقوله جدا ، وجامعتها فيها قانون : )

انا في كالفورنيا وان شاء الله رح انقل للولايات الشرقية قريب

بالاضافة للاسباب الي قالتها اخت وتر هو السكان الاصليين متواجدين في الشرق اكثر عكس كاليفورنيا وغير كذا غاليه جدا

اذا مصمم ع الغرب روح لسياتل او بورتلاند

والله ياخوي العنصرية ممكن تشوفها في أي محل .. اذا بتحس انك بتجيب العيد بالبداية روح لمحل فيه واحد تعرفه عنده لغة كويسة
أو روح لمحل تحصل فيه عرب بسهولة مثلا جامعة Western Michigan University ... طبعا في جامعات كثيرة فيها عرب بس عطيتك مثال واحد